JOSHUA 23:7 - ASII LAKDAP Bible (BSI)

⁷ Kiimahali, namshiqnok phong na tsangshiqnok abung tiichongkitaq kra rai, adam na shongnga maimak, kiimaq tsangshiqnok phra kong kra mang chong lanta sinkiitiq bomkham maimak, kiimaq kra phra thun ka shomnoq raamak, riimakla tsangshiq khaki na anoq bumkai maimak.

Hawa Naga Bible 2001

⁷ kvmaq nuimshiq rulc kvjungx yaq miqsaz htenc kvrulc rvshot shauk httax muit tvkoc muinz, tsuingshiq tishox htenc muingc kuex jungx muit, kvruex muingc maq kvtuemc muit nuiyc kvruex tishox htenc kuex bumx vtueq nawk palx mvy muq.

JOSHUA 23:7 Referencias Cruzadas

2 HOKHVMX 17:12

Kiimaq Tatiwe raq sumla phra thun naq noq rongkiq nguta aming akuq kra wiita jinbaiq wanto.

2 HOKHVMX 5:18

Krai mren, ngi raq ranphan tiikang, ümtiikiiwa ngi ka itijongwe hokhamwe rai kongshi kilata, Siria mung riimti phrakaü Rimmon shomjam na kidam tiikang, lata apaiq ka shomnoq dam tiikang akhing na, Tatiwe raq ngi mra ka tiitsang kuq mak raüjaq ahea miraq. Ngi ka tengteng kam tiikang Tatiwe raq ngi mra ka adü mirkuq!”

2 KAÜWA WERAÜ 7:19

Shatmaq ümniiraq nai ümsenginok raq ümkhii miiwa ngi raq akuqha thungtri thun nai aming thun ka jin lantea, kiimaq laihin sumla phra thun kra shomnoq wan han jiila,

Tvtsvmc 16:4

Juwa laihin phra thun tijong hokai pintrang tlaq tsangshiq maiqmii khuthaq na chamchao holai pahea tiisaütlo. Ngi ka tsangshiq raq honglu thun takuqtlaq kiijaq lomdam mang; Ngi raq tsangshiq tiikea thun ka shomnoq mang.

DUNGWVNC 20:5

Jamlai phan sumla khaki na jiimin naq bumkiq. Riimakla kra shomnoq maimak. Jamkhano ngukla Ngi ka Tatiwe üm Shiikeawe. Kiimaq Ngi rai riilongti ka ashi min thümang phan. Ngi ngengti ma mo tiiho tiikang. Kra mo ka asetiim kiimaq asaütiim maiq pat tsam nai patblai na saüli mo mitiihoha.

DUNGWVNC 23:13

“Ngi, Tatiwe raq ümniima tsii ümchuwa chongkuq kang kra tiitsang tailaq. Laihin phra kong jaq wa achu naq jaüki. Tsangshiq mang thun kiimin achong maimak.

DUNGWVNC 23:33

Tsangshiqnok ka ümmung na naq tiishongkiq. Kra riihaüla, tsangshiq raq ümniika iman na ngarai mitiitang. Kiimaq ümniiraq tsangshiqnok phra thun kra shomnoq haüla, kriika üm miisaq thum chang thiikho ma mijaki.”

TAKSU LAK 4:14

Abi ati maiqse kitlaq kiina naqkikiq, Abi ati maiqse raq jamlai wa shamtlaq, kra ümniiraq naq shamkiq.

JEREMIA 12:16

Kiimaq tsangshiq raq maiqmii tsan nai mongjii wiita kuq raüta, isenginok raq shomnoqtlaq lamphan kra phan raüta, kiimaq tsangshiq raq, ‘Tatiwe ka atra sishat wiiwii’ nguta tiitum wan raüla, tsangshiq raq man na isenginok ma Baal phra mang na tiitum ronglaq nguta shrinkuqtaq kiikha tsangshiq riimin tiitum wan raüla, tsangshiq kiimin isenginok rai kongshi ma mijawan kiimaq chiithe lüwanok ma mija wan.

JEREMIA 5:7

Tatiwe raq waito, “Ngi raq isenginok ngarai ka jam nguto midiikuqha? Tsangshiq raq ngi miimbaiqto. Raüta phra thun, riikhaqli tisho riimak kra shomnoq wanto. Ngi raq isenginok ka wok phetaktak dunghiq wan kang. Shatmaq tsangshiq raq sethoq ngarai tangto. Raüta tsangshiq akhing ka mephe nyungre rai siwanto.

Hosea 2:17

Jamkhano ngukla kra akhing na, Ngi raq anübok wa Baal phra mang thun ka alamshe mirbaiqha. Krai mren Baal phra mang thun ka tsangshiq nübok maq dongmak she miraq.

JEPHANIA 1:5

Ngi raq wukhu na wa raüta, jurwa rashe, jipi, raiqsaiq thun kra, noqti ka wiita mitsat baiqha. Kiimaq imang chong raüta ngi shomnoqti, kiimaq iwokhong na siti nguta tiitumtati, shatmaq Molekh phra mang na, tumkham nyangti ka, wiita mishthenbaiqha.

WEAWEA 32:38

Nebo chela, Baal Meon chela (armang ka aklai riito), kiimaq Sibma chela thun kra tiihea haito. Tsangshiq raq chela thun tiihea haitaq kriika anye she mangto.

WEAWEA 33:55

Shatmaq namshiq raq kra mungwa noktinok kra wiita jobaiq man riihanla, kiijaq abung tiichongtlaq thun ka namshiq mak na sinchii raq asuk ikha namshiq ma chamchao mitiidong, kiimaq namshiq khum na shuk raq aram ikhiishe namshiq ka mitiicham chao. Kiimaq tsangshiq ka namshiq rai mirkhat.

1 Corinthians 15:33

Namshiq ka maiq mo na naq shang rongkiq. Nyungwe bom tiihap, “Abi ati maiqse rai riishon ron haü jiila, mang bitlo,” nguta chongtlaq kra atai han khata.

Ephesians 5:11

Nanok raq amiinu ahü, ranyaq jaqsham thun jamlai wa sham tlaq, kriika alii min naqlii ki dam rongkiq. Kra rii na, ranyaq jaqsham thun kriika, rawü li na khot lanta, tiichhikuq ronglaq.

TRI CHONGKE 10:20

Tatiwe namshiq Shiikeawe wokhong na phaqchii nichii maq sironglaq. Lanta apaiq kli shomnoq ronglaq. Apaiq rai tiipum tlii lanta sironglaq. Kiimaq namshiq kiqkham bomtsi kiimin apaiq mang chong lantli kham ronglaq.

TRI CHONGKE 6:13

Tatiwe namshiq Shiikeawe kra shreng ronglaq. Apaiq kli shomnoq ronglaq. Kiimaq apaiq mang niili namshiq kiqkham bomtsi kriimin kham ronglaq.

TRI CHONGKE 6:14

Laihin phra thun ka naq shomnoq rongkiq. Namshiq tro na shongti maiqnok phra thun ka naq shomnoq rongkiq.

JOSHUA 23:12

Shatmaq namshiq ka Tatiwe wokhong na phaqchii nichii maq shonga man riihan la kiimaq namshiq rai pongnok phan maiqse tiichong kitaq thun krai, namshiq ka adam na riishot riishaq sihanla, lanta tsangshiqnok rai sikhe sirü riija hanla,

JOSHUA 23:8

Namshiq ka ümchaü niitaq saüli Tatiwe wokhong na tsapkapkap sitlan, kra phan phan Tatiwe wokhong na phaqchii nichii maq siwan ruq ronglaq.