JOSHUA 23:7 - Hawa Naga Bible 2001

⁷ kvmaq nuimshiq rulc kvjungx yaq miqsaz htenc kvrulc rvshot shauk httax muit tvkoc muinz, tsuingshiq tishox htenc muingc kuex jungx muit, kvruex muingc maq kvtuemc muit nuiyc kvruex tishox htenc kuex bumx vtueq nawk palx mvy muq.

ASII LAKDAP Bible (BSI)

⁷ Kiimahali, namshiqnok phong na tsangshiqnok abung tiichongkitaq kra rai, adam na shongnga maimak, kiimaq tsangshiqnok phra kong kra mang chong lanta sinkiitiq bomkham maimak, kiimaq kra phra thun ka shomnoq raamak, riimakla tsangshiq khaki na anoq bumkai maimak.

JOSHUA 23:7 Referencias Cruzadas

2 HOKHVMX 17:12

tsuingshiq rueq yac yuimx nawk palx muq tvkoc Yehowa rueq nvr tueq kvjaz kuex phvnx wuez muq rvtueq.

2 HOKHVMX 5:18

Kvkhoc rvtueq ngaz kuex ngvy hokhvmx waz rulc phvnx naungx ruiux Siria tishox Rimmon piq shomc yuimx nuex kaz vtueq nawk palx ruiux yuq Yehowa rueq ngaz muex mvrax dawc kuq phuex ngoz tueq tvluimc vshaungx. Vsuingc suing Yehowa rueq ngaz muex mvrax dawc kuq phuex!” ngoz tueq jungx tueq.

2 KAÜWA WERAÜ 7:19

Yuq muinz ngaz rueq mnoz muex kuq phaungx tvrac htenc nuiyc vnvrc bomc htenc kuex mnoz nuiyc mmiqsaz htenc rueq phvnx muit maq vganc tishox htenc kuex nawk palx ruiux yuq kuex,

Tvtsvmc 16:4

Vganc tishox htenc kvnvp naungc jix htenc kuex tsuingshiq shauk pumz nuex kuilc daz lvmx paunghvlc rvhumc wvnc tuex. Tsuingshiq rueq shomc nawk kuq yaq kvyuq ngaz kuex lomx mauk; tsuingshiq tishox htenc kuex ngaz rueq nawk palx mauk.

DUNGWVNC 20:5

Yac yuimx kuex bumx vtueq nauk nawk, nauk nawk palx kaz, yvmx khoc lac ngoz ruiux lec ngaz kuex Yehowa nuimshiq Tishox rvtauk, ngaz rulc rvlongx mvy muq. Ngaz muex shuiuc pac jix kuex tsuingshiq suiuz vsaz pat thuimx nuiyc pat bvlic nuex httuiuc laz murx tvgurc shaungx.

DUNGWVNC 23:13

“Nuimshiq muex ngaz Yehowa rueq jungx vphaungx phvnx ruip saz kuex tay shuinz. Vganc tishox htenc kox wawc nauk thoz kaz; kvruex hez muingc htenc doc muinz nauk jungx kaz.

DUNGWVNC 23:33

Nuimshiq mungtan kvyuq tsuingshiq kuex tvhttax mvy muq; nuimshiq rueq tvhttax ruiux yuq, tsuingshiq rueq nuimshiq kuex ngaz muex mvrax tvyaq kuq kv-phuinx. Mkhoc shoc maq nuimshiq rueq tsuingshiq tishox htenc kuex nawk palx ruiux yuq, kvruex kuex vsuing nuimshiq manc juing bix rvtuex,” ngoz tueq jungx tueq.

TAKSU LAK 4:14

Honc vbac jix miqsaz htenc khuemx shamx yaq baung nuex nauk kaz. Layx bac jix honc vyaungc kuex nauk phvnx kaz.

JEREMIA 12:16

Tsuingshiq rueq Bala muingc jungx vtueq kvtuemc tvkoc ngvy miqsaz htenc muex tvluing kuq wvnc tueq rulc rv-ngvlc, tsuingshiq thuinz vmungx lotlaz maq ngvy miqsaz htenc nawk palx htungx kuex lvp wvnc vtueq, ‘Yehowa vtvraungx,’ ngoz tueq kvtuemc ruiux yuq, tsuingshiq kuex ngvy miqsaz htenc nuex lomx vtueq rungwanx wvnc wuez tuex.

JEREMIA 5:7

Yehowa rueq, “Ngvy miqsaz htenc mvrax kuex ngaz rueq mkhoc lac dawc kuq shaungx? Nuimshiq suiuz vsaz hez rueq ngaz kuex tvdux gay ruiux tishox htenc muex nawk palx wuez yaq. Ngaz rueq ngvy miqsaz htenc muex phoay laz tv-phauk saq tauk, yuq muinz tsuingshiq rueq miq juik miq saz rulc yaq ruiux mephex nyuiuz hez rulc htokpawx wuez yaq.

Hosea 2:17

Ngaz rueq piq muex Bala muingc kuex mkaq muinz tvjungc yek shaungx rvmuq.

JEPHANIA 1:5

Ukhaq muinz miqmac yuimx wux khux htauk nuex duiz vtueq shalx, yapix nuiyc ruiysuiyq htenc nawk palx jix kuex ngaz rueq tvbac gay shaungx. Ngaz muex nawk palx vtueq tvmtuing httax taungx ngoz tueq kvtuemc tvy jix htenc kuex ngvy kox wawc dawk wvnc vtueq Molek tishox muingc maq kvtuemc jix htenc kuex ngaz rueq tvbac gay shaungx.

WEAWEA 32:38

Nebo ghaq Bala Meon ghaq, (vruex ghaq muingc kuex vlayc rvgay tueq), nuiyc Sibma ghaq htenc kuex tvhvlc guirx wuez yek tueq. Tsuingshiq rueq tvhvlc guirx wvnc yek tueq ghaq htenc kuex ghaq muingc vnyalx muingc wuez tueq.

WEAWEA 33:55

Yuq muinz nuimshiq rueq kvruex mungx wawc miq kuex yurc gay muit ngoz ruiux yuq, kvjungx yaq miq kuex nuimshiq muik nuex suingkez ikhoc, nuimshiq samx htenc nuex shuiuq ikhoc yaungx vtueq nuimshiq kuex khawx lvlx khvt kv-phuinx.

1 Corinthians 15:33

Nuimshiq tvmaung nauk tvyaq kaz, “Vbac kungjix rueq vhvlx honc vyaungc kuex tvbac gay yaq.”

Ephesians 5:11

Raungnyauk mungx nuex httaz jix htenc rueq shuimx yaq vjux vguez phvnx yauk shuimc kuex shuimx miq maq, kvkhoc yauk shuimc kuex raungwuic nuex tvdung tvkhic shuinz.

TRI CHONGKE 10:20

Yehowa nuimshiq Tishox muex hiyaz tvtsanc nganc vtueq vpiq muex dvyx nawk palx kuy rax. Vpiq muex tvmtuing httax ruiux vpiq muingc kuex ruingc vtueq dvyx bomkhvmc tvy rax.

TRI CHONGKE 6:13

Yehowa nuimshiq Tishox muex tvtsanc nganc wuez shuinz, vpiq muex dvyx nawk palx wuez shuinz, vpiq muingc kuex ruingc vtueq bomkhvmc taq wuez shuinz.

TRI CHONGKE 6:14

Vganc tishox htenc muex nauk nawk palx kaz, nuimshiq phic vphaungx nuex httax yaq miqphvnx tsuingshiq tishox htenc kuex nauk nawk palx kaz.

JOSHUA 23:12

Nuimshiq tvmtuing wawc kv-phelc wvnc vtueq nuimshiq rulc kvjungx httax yaq vganc phvnx miqsaz rulc khoalx ruix rvyaungc ruiux yuq kuex,

JOSHUA 23:8

Kvkhoc ruec tvraung, majuiuc nuex httuiuc laz nuimshiq rueq phvnx vshuinx rulc rv-ngvlc Yehowa muex kvmluimx wuez kuinz.