JOSHUA 23:10 - ASII LAKDAP Bible (BSI)

¹⁰ Namshiq phong wa maiq weshi riili dongdii min, rewe maiq hingshi ka tiipin tiijin jobaiq wan lan. Jamkhano ngukla Tatiwe nam Shiikeawe raq namshiq miitu re ka khatkuq wanto. Arka apaiq raq kiqkham kuqtaq kra phan phan khat kuqto.

Hawa Naga Bible 2001

¹⁰ Yehowa nuimshiq Tishox kuex vpiq bomkhvmc rulc rv-ngvlc nuimshiq tvkoc ralx khvt kuy ningkhvnc nuex nuimshiq miq washiz rueq ralx waz hingshiz kuex tvpanc yurc gay lot vshuinx.

JOSHUA 23:10 Referencias Cruzadas

2 SAMUEL 23:8

Dawit sengi srea nolajong pinthumbi thun ka arthun ara riito: Josheb Basshebeth ka Takhemon hiqti. Apaiq ka “Ajong Wetsam” phong kriiwa apha lamsheati ajong pinthumwe. Apaiq raq apiq kii kriimiili lakshi rekhat kai akhing na rewe ka shitiichat jiipbaiqto.

1 KAÜWA WERAÜ 5:20

Tsangshiq kamtsantsii ka Shiikeawe ma kuqto. Raüta Shiikeawe jaq wa khrum lap miitu achu jaüto. Krai mren Shiikeawe riimin tsangshiq achu jaü ka treto. Raüta tsangshiq ma rekhat ka tiitang kuqto. Tsangshiq raq Hagraiqnok nai tsangshiq raq ashun renok ahin thun ka wiita tangto.

1 KAÜWA WERAÜ 5:22

Tsangshiq raq renok ka pahea tsatbaiqto. Jamkhano ngukla kra rekhat ka Shiikeawe raq athapthi kuq. Kiimaq tsangshiqnok ka kra wang na munglu shumwi ma mitsuq wan shaq na saüli shong wanto.

Tvtsvmc 35:1

Ngi tangtati ka tangtalaq, Tatiwe lei, kiimaq ngi longliiqti ka longliiqlaq!

Tvtsvmc 46:7

Tati Ajong Pinthumwe ka nashiq rai asi; Jakob Shiikeawe ka nashiq tiiwongti.

DUNGWVNC 14:14

Tatiwe raq namshiq rii na re mikhat, kiimaq namshiq raq sham chang jam min ahü.”

ISAIA 30:17

Namjaqtinok rewe weshi kra chhilantli, namshiq phong wa phenlabi hingshi kra mipinhan. Kiimaq rewe phenlabi webiingi kra riili namshiqnok phenlabi ka kunli tiisiirai mitiipinbaiq. Namshiqnok phenlabi ka jai na weshi min tiichong mak mipin. Hiqlam na tanglap shamtiwe kra lamlam li she mitiichongki!

LEWI 26:7

Namshiq ka nam jaqtinok khatki hanla, tang wan ruq mirhan.

LEWI 26:8

Namshiq maiq webiingi riili rewe shishi kra khat lanta mitang han. Kiimaq namshiq phongwa maiq shishi raq rewe hingroq shi kra mikhat lot han.

JEKERIA 12:8

Kra akhing na Tatiwe raq Jerusalem na siti ka wiita apaiq raq mikhup wongkuq. Krai mren, tsangshiq phong wa wepuq pusutwe kra dongdii min, Dawit ikha mija wan. Kiimaq Dawit saüsetiim raq tsangshiq mung ka Tatiwe rase ikha, Shiikeawe apaiq ikha, senaino mungmaiqse ka mipeng wan.

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

TRI CHONGKE 20:3

‘Israilnok lei, tiitsang taironglaq! Ümchaü ranaiq namshiq ka rekhat kai kitlan. Namshiq jaqti renok ma naqhai rongkiq. Riimakla tsaiji naq tran rongkiq. Riimakla naq kiinyii rongkiq.

TRI CHONGKE 20:4

Tatiwe namshiq Shiikeawe ka namshiq rai kitlo. Kiimaq apaiq raq namshiq ma rekhat ka mitiitang kuq.’

TRI CHONGKE 28:7

“Ümtiikiiwa ümjaqtinok raq ümniika longtlaq, kiitiikaq Tatiwe raq ümjaqtinok ka mitiitangkuq. Tsangshiq raq ümniika lamshi maq wa raüta mikhat wan. Shatmaq tsangshiq ka ümpha wa lamrap miishe mipintrang.

TRI CHONGKE 3:22

Tsangshiq ma naqhaikiq. Jamkhano ngukla Tatiwe üm Shiikeawe raq re ka ümniima mikhat kuq wan.’

TRI CHONGKE 32:20

‘Ngi raq tsangshiq khrum kuq mang she,’ nguta apaiq raq nguto; ‘kiijiitiq tsangshiq jamkho jajiiq kra Ngi raq miliiha, nilannok, ipuk wa adonghotinok.

TRI CHONGKE 32:30

Rewe weshi riili maiq hingshi ka jamkho tangta, kiimaq maiq hingroqshi ka re we anai riili jamkho khatta? Tatiwe, tsang Shiikeawe raq tsangshiq ka tiishaübaiqto; tsang Shiikeawe ahong alawe raq tsangshiq ka miimbaiqto.

JOSHUA 10:42

Joshua raq arthun hokhambi ka klang maq lakshi wa niili khat raüta tangto, raüta tsangshiq chela thun nai tsang mung thun ka jiiwanto. Jamkhano ngukla Tatiwe, Israilnok Shiikeawe raq tsangshiq miitu re ka khat kuqto.

JOSHUA 23:11

Arningkhan, namshiq raq Tatiwe nam Shiikeawe ka, honkam shat maq lungwii ronglaq.

JOSHUA 23:3

Namshiq Tati Shiikeawe raq namshiq miitu, ara maiqmung thun ka jamkho riiwantaq, kra wiita kunkun chhi wan lan she. Namshiq Tatiwe nam Shiikeawe raq namshiq miitu re ka khatkuqto.

PHOWEBI 15:15

Raüta apaiq raq tsaikai nye kumtoq kaü kiq rii ashi ka hiq wa bumsaq raüta tsunhit riito. Raüta kriimaq maiq hingshi jiipbaiqto.

PHOWEBI 3:31

Kra jai wa welawe dongtaq kriika Anath se Shamgar riito. Apaiq riimin Israilnok ka rewe jaq wa tiichhii kuqto. Apaiq riika minsaü pongwe jochang piqkhu maq Philistainnok ka shitrok tsatbaiq raüta khupwong kuqto.

1 SAMUEL 14:6

Jonathan raq jerowe nangnga nguto, “Nanai ka thatsang maiqse Philistainnok phenlabi piitiip kiina saüli jin wan i. Jursap, Tatiwe raq nanai mokhrumke moraq miraq; apaiq raq khrum kuq raü ka, nanai laqlaqse, maiq atsapseli li jiimin, rekhat ka nanai ma mitiitangkuq, jamlai phan riimin tangta lot mak miraq.”