JOSHUA 23:10 - Hawa Naga Bible 2001

¹⁰ Yehowa nuimshiq Tishox kuex vpiq bomkhvmc rulc rv-ngvlc nuimshiq tvkoc ralx khvt kuy ningkhvnc nuex nuimshiq miq washiz rueq ralx waz hingshiz kuex tvpanc yurc gay lot vshuinx.

ASII LAKDAP Bible (BSI)

¹⁰ Namshiq phong wa maiq weshi riili dongdii min, rewe maiq hingshi ka tiipin tiijin jobaiq wan lan. Jamkhano ngukla Tatiwe nam Shiikeawe raq namshiq miitu re ka khatkuq wanto. Arka apaiq raq kiqkham kuqtaq kra phan phan khat kuqto.

JOSHUA 23:10 Referencias Cruzadas

2 SAMUEL 23:8

Vruex hez kuex muingc jungc vhttax Dawid shvrvyx bix muingc htenc rvtueq: vphaungc shauk shauk wawc shvrvyx waz kuex Takhemon taungx wawc Josheb Bashebet rvtueq, piq kuex shvrvyx “Waz thuimx” nuex lomx yaq vshunc vshvlc jix rvtueq; piq rueq ralx lungc shiz nuex piq paq maq miq 800 kuex khvt vtueq kvruex hez lotlaz thvt gay tueq.

1 KAÜWA WERAÜ 5:20

Tsuinghez kuex Tishox muex tvluimc vtueq romc lawc kuy tvkoc vjux thoz tueq, tsuinghez rueq vjux thoz tueq kvjaz kuex Tishox rueq tvralc kuq tueq. Hagri miqsaz nuiyc piq taungnyuing htenc kuex khvt taungx gay tueq.

1 KAÜWA WERAÜ 5:22

Tsuingshiq rueq ralx paunghvlc thvt gay tueq, yvmx rvtueq lac ngoz ruiux lec Tishox thuinroc ningkhvnc nuex rvtueq. Tsuingshiq kuex vthuq wvnc rvhumc tueq nuex httuiuc laz kvruex ghaq vraungx kvyuq dvyx tsuingshiq httax ruq httax tueq.

Tvtsvmc 35:1

Yehowa lex, ngaz muex khawc lvlc jix htenc kuex khawx lvlx gay shuiuz, ngvy khvt jix htenc kvmuinz khvt gay shuiuz.

Tvtsvmc 46:7

Tvphaungc Tvsuip Tishox kuex naungshiq rulc vdvmz httax yaq; Yaku Tishox kuex naungshiq kvwungx juing rvtueq.

DUNGWVNC 14:14

Yehowa rueq nuimshiq tvkoc khvt gay shuex, nuimshiq kuex kuiyqshuik dvyx rvkuinz,” ngoz tueq.

ISAIA 30:17

Nuimshiq rueq ralx washiz khiz vtueq nuimshiq kuex miq hingshiz yuz wvnc tuinx, nolaungx waz bv-ngac maq nuimshiq miq lotlaz yurc gay muex hungx tuex. Ghaqluimx htauk nuex vshungc nganc dvmx maq lvy vtueq nuimshiq nolaungx daungx kox wawc yvmx muinz kvjungx muq rvtuex.

LEWI 26:7

Nuimshiq rueq ralx htenc kuex taungx vtueq yurc gay lot shuinx;

LEWI 26:8

nuimshiq miq waz bv-ngac rueq ralx waz shashiz taungx gay shuex, miq waz shashiz rueq ralx waz munshiz kuex taungx vtueq yurc gay lot shuinx.

JEKERIA 12:8

Kvkaq Yehowa rueq Yerusalem nuex httax yaq htenc kuex tvkhup wungx shuex, tsuinghez wawc hungc vlaungc vnulx jix waz doc muinz Dawid ikhoc hungc vlaungc vhttax waz muex yaungx wvnc tuex. Dawid suiuz vsaz phvnx kuex Yehowa raungkamx ikhoc, Tishox vpiq pumz ikhoc tsuingshiq muex lvmx shvlx shuex.

Romans 8:31

Kvkhoc ngoz ruiux kuex vtanc khvnc maq lawc vtueq naungshiq rueq yvmx jungc lot juing lac? Tishox kuex naungshiq kox nuex httax ruiux yuq, uraq lac naungshiq kuex khawx lvlx gay lot phvnx?

TRI CHONGKE 20:3

‘Israel waz rulx lex, tay shuinz! Majuiuc raungnuiyq nuimshiq kuex ralx lung kay rax. Ralx kvmac nauk hiz kaz, khvmc thuinz nauk tvyomz kaz, nauk kawc yawc kaz.

TRI CHONGKE 20:4

Yehowa nuimshiq Tishox kuex nuimshiq rulc vdvmz kaz naungx vtueq, nuimshiq muex ralx kuex tvtaungx kv-phuinx,’ ngoz tueq nolaungx bix muex hungc vlaungc kuy kvjaz jungx kuy rax.

TRI CHONGKE 28:7

“Nuimshiq khvt jix ralx htenc kuex Yehowa rueq taungx gay shuex. Tsuingshiq kuex lvmx shiz maq dvyx kaz vtueq khvt ruiux muinz lvmx puc ruip rawx maq yuz wvnc wuez tuex.

TRI CHONGKE 3:22

Tsuingshiq muex nauk hiz kaz, Yehowa m-Tishox rueq mnoz muex khvt kuq kv-phux ngoz tauk.’

TRI CHONGKE 32:20

Vpiq rueq, ‘Ngaz rueq tsuingshiq kuex raungluingx muinz romc kuq shaungx rvmuq, ngaz rueq khux tsanz vtueq tvmtuing vguez miq htenc, tsuingshiq nuex yvmx lac yaungx wvnc tvnx kuex lawc shaungx,’ ngoz tueq.

TRI CHONGKE 32:30

Miq hingshiz kuex miq washiz rueq, miq munshiz kuex miq wanueyc rueq yvmx khoc lac khvt gay lot tvnx? Yehowa tsuingshiq Tishox rueq tsuingshiq kuex tuip gay tueq; hungc vlaungc httax hvlc tsuingshiq Tishox rueq tsuingshiq kuex lekuq gay tueq.

JOSHUA 10:42

Yoshua rueq hokhvmx bix htenc nuiyc kvruex hez mungtan htenc tvhttoarc vtueq khvt taungx gay tueq kuex, Yehowa Israel Tishox rueq Israel miqsaz muex khvt kuy ningkhvnc nuex rvtueq.

JOSHUA 23:11

Kvkhoc rvtueq honc lvmz hvt maq, Yehowa nuimshiq Tishox muex lungwawx wuez shuinz.

JOSHUA 23:3

Nuimshiq ningkhvnc nuex Yehowa nuimshiq Tishox rueq vruex miqphvnx htenc lotlaz nuex shuimc wvnc tueq lvmz nuimshiq rueq khiz wvnc tuit shex. Yehowa nuimshiq Tishox rueq nuimshiq muex romc khvt kuq wvnc kv-phuinx.

PHOWEBI 15:15

Kvruex yimaq piq rueq mtanc rvmuq nuex vthueyc kaz loze kuiux kaq rawz vshiz kuex humc tueq. Piq rueq kvruex bumx shauk tsenz vtueq miq hingshiz kuex thvt gay tueq.

PHOWEBI 3:31

Kvruex yix wawc shunshvlc jix vwaz yungx kuex Anat saz Shamgar rvtueq. Piq rueq Philistin miqsaz 600 kuex wuythvmc maq thvt gay ruiux Israel miqsaz kuex palc wvnc tueq.

1 SAMUEL 14:6

Yonathan rueq yalxrox waz muex ngoc, “Lox, kvmluimx muq nuk Philistin miqsaz jerak kvyuq yanz kaz thalx ix. Yehowa rueq naungnueyc muex romc kuq phuex; mkhoc shoc maq vpiq rueq naungnueyc muex tvtaungx kuq ruiux yuq, naungnueyc nuex miq vkomc ngoz ruiux muinz, naungnueyc muex vtuing vshaung yvmx muinz httax tuex rvmuq,” ngoz tueq jungx tueq.