JOSHUA 18:28 - ASII LAKDAP Bible (BSI)

²⁸ Jela, Haeleph, Jebus, (riimakla Jerusalem), Gibea, kiimaq Kiriath Jearim chela thun riito: Chela roqshi ri blai kiimaq kra thun tro binjü na chela ransetiim thun romshaq. Benjamin phan weraü ma achumkuq tachong hiqshong ka rathun ara riito.

Hawa Naga Bible 2001

²⁸ Zela, Haelepha, Jebusi (rvmuq ngoz ruiux Yerusalem), Gibea nuiyc Kiriat Jearim: ghaqyungx 14 nuiyc kvruex tvroz wawc miqghaq htenc muinz lomx tueq. Ghaq vruex kuex Benjamin phvnx wawc vtaungx htenc rueq guimz yaq ghaq rvtueq.

JOSHUA 18:28 Referencias Cruzadas

2 SAMUEL 21:14

Kra raütiishe tsangshiq raq Saul nai Jonathan rok arii thun ka Saul ma awe Kish maalap chang chiim, Jela chela na lapto. Jela chela ka Benjamin wang binjü na riito. Arthun klolii wantaq arka hokhamwe raq aming kuqtaq kra phan phan saiqsam wanto. Arthun ara klo lot jai she, Shiikeawe raq mung miitu achu jaütlaq kra trekuqto.

2 SAMUEL 5:6

Riita, Dawit nai asengi raq Jerusalem chela kra longkai chang akhing she saüto. Krai mren tsangshiq ka kihoto. Kiijaq siti Jebusaiqnok raq tiima wan ka, Dawit raq tsangshiq chela ka khatlot mak miraq, kiimaq jiiwan lot mak miraq nguta tiimato. Kriikha na tsangshiq raq apaiq ma, “Ümniika ara chela mong na nyap walot maü. Ümnaq khoshose kiikhiinok ka makchuk jaqmii kong kra riili tiina mikhat,” nguta nguto.

2 SAMUEL 5:8

Kra ranaiq Dawit raq asengi ma akha nguto, “Riita ngi raq Jebusaiqnok ka jamkho saisi tiikang kiikhiisii saisiti maiq arjaq asi shea? Raüta tsangshiq ka jiipbaiqti asi shea? Asi jiila, khamlam hiqsha lükaü mong kriimaq düwan lanta kra makchuk jaqkü kong kra khatwa rongkiq.” (Kra ningkhan tiina, “Makchuk jaqküti thun ka, Tati jam mong na nyap wa lot mak,”) ngutiishe bom chong sikitaq kra.

1 KAÜWA WERAÜ 8:28

Arthun arka tsangtitiim phong wa lamsheati welabi riito, kiimaq tsang weraü wa phukhu welabi thun Jerusalem na shong wanti bi riito.

ISAIA 10:29

Tsangshiq raq kinchit ka jinwanto she! Raüta athi rawa ka Geba hiq na japtlo! Rama chelati ka phiip riishe tsai wanto. Kiimaq Hokhamwe Saul sichang Gibea chelati ka wiitashe pinto.

JEREMIA 6:1

Benjamin wangti lei, maiqmii khupi jutlo ronglaq! Jerusalem wa chiim jintlo ronglaq! Tekoa hiq na redong hünong buktlo ronglaq. Kiimaq Beth-Hakherem hiq na redong wanii tu tiinyaitlo ronglaq. Shekhu nü maq mungthen wan chang nai mungbun wan chang rahai ka saü wantlo she.

Hosea 10:9

“Gibea chela maq ngarai tang pha wan, O, Israilnok lei. Ümchaü min tangruq li tang tlan. Re raq Gibea chela miishe mikhat pha wan.

WEAWEA 26:38

Benjamin phan wa aweraü thun ka arthun ara riito: Bela weraü, Ashbel weraü, Ahiram weraü,

WEAWEA 26:54

Hiq ka lang lii laüta chumkuqlaq. Maiq phan apati miika hiq min ajong jong chumkuqlaq. Kiimaq maiq phan atsapti miika hiq kiimin aran ran chumkuqlaq.”

WEAWEA 33:54

Lanta hiq ka maiq phan thun liipan na kiimaq aweraü liipan na, lang lü lanta, aweraü apati miika tachong hiq shong kiimin ajong kiimaq aweraü atsapti miika hiq kiimin aran chumkuq ronglaq.

JOSHUA 15:63

Shatmaq, Juda phan raq Jerusalem na siti Jebusaiqnok ka jobaiqlot mak dea riito. Kra ningkhan, Jebusaiqnok ka ümchaü niitaq Juda phan rai kiijiili sidamtlo.

JOSHUA 15:8

Kiimahali Hinnom Hiqwii kra phanphan lamthaq nünü kiina wawan raüta, Jebusaiqnok chela Jerusalem kriimaq shemai nü siim lamhong jam kriimaq rai wanto. Kriimaq hali Hinnom Hiqwii küla kongse wawan tlaq kra dü wan raüta Hinnom Hiqwii küla kriimaq konünü siim kiiniishe blak wan raüta, Rephaim Hiqwii maq shekhu nü kiiniishe rai wanto.

JOSHUA 18:16

Kriimiishe hiqrai ka Pumji nünü kiiniishe sathoto. Raüta Rephaim rai wii mong na Hinnom hiqwii kra phaho chang ba kriijiishe tiisaü hoto. Kriimiishe hali ka Hinnom wii kra phanphan she shemai nünü kiina raiho raüta, Jebusaiqnok kinse maq hiqmai nü na kinlase kriijaq raihoto. Raüta kriimiika Enrogel khamrai se kiinii she raihoto.

JOSHUA 18:27

Rekem, Irpeel, Tarala,

JOSHUA 19:1

Pheanai ngoja hiqshong ka Simeon phan maiqweraü miishe chumkuqto. Tsangshiq phan rii hiqtrai ka Juda phan ma achumkuq hiqtrai mong kiina saüli riito.

PHOWEBI 1:21

Shatmaq Benjamin phan raq Jerusalem chela na siti Jebusaiqnok ka jobaiqlot mak dea riito. Kriikha na Jebusaiqnok ka ümchaü niitaq Benjamin phan rai adam niili sitlo.

PHOWEBI 19:10

Shatmaq kriiwe ka krii rawa kiimin kiijiili ka khingro mak she riito. Krai mren, apaiq rai achakliip nyung nyungthap kra nai ajaqshi se krai, kumtoq kaünai kiima maiqngachang ka khakuq raüta, tiido wanto. Riita tsangshiq ka rashe achashe niitiq Jebas chela na saüto. (Jebas ka Jerusalem kra ngo nangnga). Kra ningkhan ajaqshi se raq atijongwe ma nguto, “Riita nashiq ka arjiili khingki rong i na, laita ara Jebusaiqnok chela niili japki rong i na?”

1 SAMUEL 10:26

Kiimaq Saul min Gibea chela niishe jang wan nongto. Shiikeawe raq tsangshiq tsan tsii tiinin jeti maiq wiijam kuilajongbi ka apaiq rai wawan damto.