JOSHUA 13:9 - ASII LAKDAP Bible (BSI)

⁹ Tsangshiq rii hiqrai ka Arnon jiiwii tan na atei Aroar chela na saüli riito. (Arka Arnon Tan kii na riito) kiimaq riita kra tan mong na chela kiijaq saüli riito. Raüta kin thaq na hiqthungtan thun kra Medeba chela maq riita Dibon chela na saüli riito.

Hawa Naga Bible 2001

⁹ Tsuinghez rueq ghaqphux kuex (Arnon Warc tvnx khux kox nuex httax yaq) Aroer ghaq nuiyc warc tvnx mungx wawc ghaqyungx nuiyc Medeba maq Dibon nuex httuiuc laz kuz hong htenc kuex lomx tueq.

JOSHUA 13:9 Referencias Cruzadas

2 SAMUEL 24:5

Tsangshiq ka kiho raüta Jordan rai ka jinto. Raüta Aroar chela maq shemai nü tho na piitiip teito. Kra chela ka kinheawea tan na Gad wang na. Kriimiishe tsangshiq ka shekhu nü na Jajer chela kiina wato.

1 KAÜWA WERAÜ 19:7

Krai mren tsangshiq raq kumrang leng hingroqtsam ri hingnai shiiptaq kra kiimaq hokhamwe Maaka phenlabi thun ka kito. Raüta Medeba wang tho na piitiip teito. Kiimaq Ammonnok kiimin tsang mung na chela thun kiiwa kunli kito. Raüta arkhat miitu tiijeje riito.

NEHEMIA 11:25

Mungmaiqse apako ka chela tho maiqmii wakjam ramsea ajeje tho na hiqshong sitlaq kiijaq siwan wito. Juda phan wa mungmaiqse thun ka, Kiriath chela na, Arba chela na, Dibon chela na, kiimaq Jekabjel chela thun na siwan wito. Kiimaq ara chela thun tho na hiqshong sitlaq kiijaq siwanto.

ISAIA 15:2

Dibon chelati ka hiq lam thaq kiina sumla noqchang asi hiqba kiijaq maaho wa wawanto. Mob mungti ka Nebo chela nai Medeba chela thentaq kra miitu majo agi lülü hoqsiq trangtlo. Tsangshiq tsanbi hositsi ma maajo tsang khu thun ka loktam sibaiqto. Kiimaq tsang nübin kiimin maajo tsanbi tsi ma sibaiqto.

JEREMIA 48:18

Namshiq Dibon chela na sitibi lei, namshiq shreng ngachang wa satki rongkiq, lanta hiq na botkhulai thaq na ngaronglaq; Mob tiithenbaiqtiwe ka arjaq, kiimaq apaiq chela ruk thun runbaiqto she.

JEREMIA 48:22

Dibon chela ma, Nebo chela ma, Beth Diblathaim chela ma,

JEREMIA 48:8

Chela ashi min tiichong mak wiita mitiithenbaiq; kinwin wang nai hiqthungtan thun wiita mitiithenbaiq. Arka Ngi, Tatiwe raq toqtan tiikang.

WEAWEA 21:30

Shatmaq ümchaü tsangshiq saüsetiim ka wiita she jiipbaiqto, Heshbon chela maq riita Dibon chela na saüli, Kiimaq Nashim chela maq riita Nophan chela na saüli, Medeba hiq tho na saüli tiithen baiqto.”

TRI CHONGKE 2:36

Tatiwe nashiq Shiikeawe raq nashiq ma chela thun ka kunli Arnon raikii na sitlaq Aroar chela maq phawan laita, kra kin hea wea hiq thung tan mong na sitlaq chela kiina saüli kiimaq riita shekhu nü na Gilead wang na saüli khat laita jiiwankai. Nashiq raq khatlot mai chela peruk theahea ngutiika chela ashi min ahü riito.

TRI CHONGKE 3:12

“Riita ümtiikiiwa nashiq raq mung ka nashiq jaq na lap wan kai, ngi raq Reuben phan nai Gad phan ma hiqshong ka Aroar chela maq shekhu nü wang thun kra Arnon Rai tho binjü thun kra kiimaq Gilead wang binjü wa ku akin tonglong hong thun kra, kriijaq sitlaq chela thun kra nong nong maq chum kuq kang.

TRI CHONGKE 3:16

Kiimahali ngi raq Reuben phan nai Gad phan ma Gilead wang maq riita Arnon Rai na saüli hong binjü kra chumkuq kang. Kra jürai khü rai jam ba kriimaq panthit raüta tsangshiqnok hiqshong shemai nü trai kra rai wanto. Kiimaq tsangshiqnok shekhu nü wang wa hiq rai ka Jabbok Rai maq trai wanto, kiiwa raithiq ka Ammonaiq mungti hiq rai she lomtlo.

JOSHUA 12:2

Weshi mang ka Sihon. Apaiq ka Amoraiqnok phan. Apaiq ka Heshbon chela rümtiwe riito. Apaiq mungtan ka Gilead wang wa thiqko hamto: Arka Aroar (Arnon rai tan wang kii na saüli) kiimaq riita, kra tan mong ba na chela kiina saüli, raüta Ammon mung hiq rai na Jabok Rai kiina saüli riito.

JOSHUA 13:10

Kiimaq riita Ammon mung hiqrai na saüli; kiimaq riita Amoraiq hokhamwe Sihon, Heshbon chela pengtiwe wokhong wa chela thun ümchuwa sitlaq kra wiita hamli.

JOSHUA 13:16

Tsangshiqnok hiqrai ka Aroar chela na saüli (Arnon tan kii na saüli) kiimaq kra tan mong jam na chela sitlaq kriimin tlom wan damtlii raüta, Medeba chela tro na pum thung tan binjü kra hamli na chumkuqto.

JOSHUA 13:8

Tatiwe jaqshise Mosheq raq, Reuben, Gad, kiimaq Manase phan wa khokoti miika, tsangshiq rii tachong hiqshong Jordan Rai maq shedong nü mung kiiwa, kongkhuji miiphü achumke wishe riito.