JOSHUA 13:9 - Hawa Naga Bible 2001

⁹ Tsuinghez rueq ghaqphux kuex (Arnon Warc tvnx khux kox nuex httax yaq) Aroer ghaq nuiyc warc tvnx mungx wawc ghaqyungx nuiyc Medeba maq Dibon nuex httuiuc laz kuz hong htenc kuex lomx tueq.

ASII LAKDAP Bible (BSI)

⁹ Tsangshiq rii hiqrai ka Arnon jiiwii tan na atei Aroar chela na saüli riito. (Arka Arnon Tan kii na riito) kiimaq riita kra tan mong na chela kiijaq saüli riito. Raüta kin thaq na hiqthungtan thun kra Medeba chela maq riita Dibon chela na saüli riito.

JOSHUA 13:9 Referencias Cruzadas

2 SAMUEL 24:5

Tsuinghez rueq Yodan ruilx kuex yanz wvnc vtueq, Gad ghaq warc tvnx mungx nuex vtec taq Aroer ghaqyungx maq ghaqyaz kox nuex jerak tec tueq. Kvruex ghaq kvmaq ghaqkhux kox nuex httax yaq Jazer nuex muinz,

1 KAÜWA WERAÜ 19:7

Tsuingshiq rueq nolaungx renc 32,000 nuic gvl lvp tueq, hokhvmx Maaka nolaungx phungc muinz kaz vtueq Medeba hep nuex jerak tec tueq. Ammon miqsaz htenc muinz tsuingshiq ghaqyungx htenc maq kaz vtueq ralx khvt tvkoc tvyoalc wuez tueq.

NEHEMIA 11:25

Miq htenc kuex miqmac wuik vnax hep miqghaq htenc nuex httax wuez tueq. Yuda phvnx kuex Kiriat Arba, Dibon, Jekabzeel nuiyc kvruex ghaqyungx htenc httoarc wawc kez htenc nuex httax wuez tueq.

ISAIA 15:2

Dibon ghaq jix kuex yac yuimx nawk juing baung nuex khoarc kay tvkoc kuz nuex kaz wvnc wuez vtuex. Moba mungx jix kuex Nebo nuiyc Medeba ghaqyungx htenc tvkoc yonzyex wuez yaq, tsuingshiq kuex yonzyex vtueq tsuingshiq khux htenc nuiyc kaqmul htenc kuex sulx gay tueq.

JEREMIA 48:18

Dibon nuex httaz jix nuk lex, nuimshiq tvtsanc nganc yaq baung kvwawc dvy kaz vtueq, ghaqkhux htauk bokkhuyx nuex ngaungc kuiuz; Moba tvbac gay jix waz kuex vyuq httax vtueq, piq nolaungx ghaqshungc htenc kuex httak tvbac gay shuex.

JEREMIA 48:22

Dibon, Nebo, Bet Dibalathaim,

JEREMIA 48:8

Miqghaq ghaqshiz muinz tvbac rvgay yaq kvwawc luenx lvp tuex rvmuq; warc tvnx nuiyc ghaqhtungx htenc muinz bac wvnc tuex. Ngaz, Yehowa rueq jungx vshaungx.

WEAWEA 21:30

Yuq muinz majuiuc tsuingshiq phvnx vmaq htenc kuex tvbac gay rvhumc tueq, Heshbon maq Dibon nuex muinz, Nashim maq Medeba hep wawc Nopha nuex httuiuc laz tvbac gay tueq,” ngoz tueq shix tueq.

TRI CHONGKE 2:36

Yehowa naungshiq Tishox rueq Aranon warc kawx nuex httax yaq Aroer ghaq nuiyc warc tvnx vmungx baung nuex httax yaq ghaqyungx maq phaungc vtueq, Gilead nuex httuiuc laz miqghaq htenc kuex naungshiq muex tvkhvt gay phuex. Mruex ghaq maq muinz naungshiq kuex tvgawx lot muq.

TRI CHONGKE 3:12

“Naungshiq rueq vruex mungx kuex khvt gay wvnc tiq nuex Aranon Ruilx hep wawc Aroer ghaq maq ghaqkhux kox Gilead kuz hong kholak nuiyc kvruex wawc miqghaq htenc kuex Ruben phvnx nuiyc Gad phvnx muex ngaz rueq phvlx kuq tauk.

TRI CHONGKE 3:16

Ruben nuiyc Gad phvnx muex Gilead ghaq maq Aranon Ruilx nuex httuiuc laz ghaqphux kuex phvlx kuq tauk. Yuix ruilx kvruex tv-phvnc kuex tsuingshiq muex ghaqyaz kox ghaqruiy ningkhvnc nuex, Aranon mungx ghaqruiy tselc shiz hongshiz saz yaungx yaq Rabba Ruilx kuex tsuingshiq muex ghaqkhux kox ghaqruiy rvtueq.

JOSHUA 12:2

Washiz kuex Heshbon ghaq guimz lawc tueq Amori hokhvmx Sihon rvtueq. Piq mungtan kuex Gilead mungx kholak, (Arnon warc tvnx hep wawc) Aroer ghaq nuiyc kvruex warc tvnx vmungx baung nuex vtec ghaqyungx maq raz tueq, Jabbok ruilx nuex httuiuc laz Ammon ghaqruiy nuex httuiuc laz lomx yaq.

JOSHUA 13:10

Kvmaq Ammon ghaqruiy nuex httuiuc laz guimz yaq Heshbon ghaq nuex httaz jix Amori hokhvmx Sihon ghaqyungx lotlaz lomx yaq.

JOSHUA 13:16

Tsuingshiq ghaqphux kuex (Arnon Warc tvnx htauk wawc) Aroer ghaq nuiyc warc tvnx mungx wawc ghaqyungx maq raz tueq Medeba tvroz wawc kuz tvnx lotlaz lomx tueq.

JOSHUA 13:8

Yehowa nvrc waz Moshe rueq ghaq phvlx kuq shec tueq rulc rv-ngvlc, Ruben, Gad nuiyc Manase phvnx kholak muex Yodan Ruilx maq shaldungc kox nuex httax yaq ghaqphux kuex tvlvp tueq.