John 4:22 - ASII LAKDAP Bible (BSI)

²² Namshiq Samaria phan riika, riikhaqli maq juwa shomnoq tlan kriika sap man. Shatmaq, naishiq Jehudinok phan riika juwa shomnoq tiikai kriika asap hai. Ara jamkhano chongtiikang ngukla, Shiikeawe raq maiqse ka jamkho tiichhii tlaq, kra lam phan chongketi ka, naishiq Jehudinok phan lümaq chongkuqtlo.

Hawa Naga Bible 2001

²² Nuimshiq Samaria miqsaz kuex miqmac rueq ukhaq muex lac nawk palx vshuinx rvkhauk laz tuiuz muit; nuiyshiq Yuda miqsaz rueq kuex miqmac rueq tuiuz vshix waz muex nawk palx vshix, yvmx khoc lac ngoz ruiux lec palc daungc wvnc lvmx kuex Yuda miqsaz kox wawc jix httuiuc kaz tueq.

Muklom

²² Nang aa sammu tha shumnuk u; etho í aa bara sam i tha shumnuk i, chammatakoi ulun sha Jehudi tang wang thupha.

John 4:22 Referencias Cruzadas

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

EJRA 4:2

Kra tai wantaq krai mren, tsangshiq ka Jerubabel nai kaüwa weraü welabi rai riihumkai nguta kito. Raüta tsangshiq nangnga, “Riita naishiq riiminla namshiq rai Shomjam kra tiihea haidam phai na. Jamkhano ngukla, naishiq riimin la, namshiq raq Shiikeawe ka jamkho shomnoq tlan, kiikhiisii hali naishiq riimin kra Shiikeawe kli dea shomnoq tiikai. Asiria hokhamwe Esarhaddon raq naishiq ka man na arjaq shongki rongkiq nguta tiikito. Naishiq raq man na, arjaq laühokai miiphat, ümchaü niitaq saüli nyamse maq honglu kuq wan laita, Shiikeawe ka shomnoq wan lili riitiikai.”

Tvtsvmc 147:19

Apaiq raq asenginok ma atsütsa tiisaü kuqtlo, apaiq honchong kuqto kiimaq Israilnok ma thunglai kuqto.

Tvtsvmc 68:20

Nashiq Shiikeawe ka nashiq chhiiti Shiikeawe; apaiq kata Tatiwe nashiq Tatiwe, apaiq raq nashiq ka atsai wa tiichhiitlo.

ISAIA 12:2

Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

ISAIA 2:3

kiimaq tsang mungti raq mingu, “Nashiq ka Tati kin kiina warongpha, Israilnok Shiikeawe Shomjam na warongpha. Apaiq raq nashiq ma atsanroro jaqsham kra mishrinkuq, nashiq ka apaiq raq tsea wantaq kra lam phan phan khumlaita mishong nga wan rong i. Jamkhano ngukla Tati tsiichong bomtsi ka Jerusalem maq chongkuqtlo; apaiq raq Jajon maq asengi ma tsü chongkuqtlo.”

ISAIA 46:13

Ngi raq rekhat tang wan ranaiq ka jeriiqriiq niishe tiisaü wan tiikang, kriika alu niika riimak she. Ngi raq rekhat tang wan akhing ka alu tiihit mak she miraq. Ngi raq Jerusalem ka mitiichhiiha, lata kiijaq Israilnok ma khushü mitiidongkuqha.”

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

Acts 17:23

Ngi raq namshiq chela mong na khum lam maq, namshiq phra shomnoq chang chiim hiq ba ka pahea chhi kang. Kra aluchiim bashi na, aluchiim na, ‘Mang Riisap Mai Shiikeawe Ma’ nguta bomtsi ka longpen thaq na atiiwaiq kriimin chhi kang. Riita ija, namshiq raq amang ara min sap man taü miili, jamlai wa shomnoq tlan, kriishe ümchaü ngi raq namshiq ma chongkuq pha na.

Acts 17:30

Riita, maiqse raq man na lea wantaq pat achat na, Shiikeawe lamphan ka sap wan mak maq siwantaq thun akhing kriika, apaiq raq raüpot kha mak she. Shatmaq, ümchaü ka apaiq raq tsangshiq tarü kunli raq abi ngarai lamphan kiiwa tsantsii klai rongliishe nguta aming ka kuq tlo.

Acts 3:26

Riita, ara chongtiikai arai mren, Shiikeawe raq Akoli se ka shongto. Raüta, apaiq ka namshiq phana kongkhu tiikito. Ara tiikitaq arka, namshiq ma achu shiiman kekai tiikito. Kiimaq namshiq ka maiqmii ngarai lamphan kra miimbaiq thü lanta, Shiikeawe wokhong na tiijang shea kai nong miitu tiikito.”

Romans 11:18

Riita ija, ara chong tiikang arkha maq, namshiq Pongnok phan maiqse raq, tsangshiq chiisan olip kü thun ngei baiq rat wantaq thun kra naq shipoq rongkiq. Namshiq shiikong long wan lam ka asi sha? Namshiq ka akü ashi ikhli sitlan. Namshiq raq arang chong ka thüda wan lot man. Shatmaq, arangchong raq namshiq ka thüda wan tlo.

Hebrews 7:14

Riita, apaiq ka Juda weraü phan ta na rawü chhikito nguta, wiitarü raq ra tsa ikha asap siisaq. Shatmiitiq, Mosheq raq ramwebi jaqsham chong tlaq kiijiika, Juda weraü wa ramwe jaq misham dam ngutiika chong mak dea riito.