John 4:23 - ASII LAKDAP Bible (BSI)

²³ Shatmaq, akhing ka saüho tlo she, sha saükito she ngu i, maiqse raq Awe Shiikeawe ka Asii Wenyi ningkun maq, apaiq raq maiqse jaq wa jamkha shomnoq wa lungwii tlaq, kra phan phan riikhaqli mishomnoq wan.

Hawa Naga Bible 2001

²³ Yuq muinz nawk palx jix miqsaz htenc rueq Vwaz muex Tishox Siyac luimc vkawc maq tsuingrux nawk palx vkhing httuiuc wvnc tuex, majuiuc doc muinz httuiuc wvnc yaq, kvkhoc nawk palx kuex Vwaz rueq raungc raq yaq.

Muklom

²³ Etharin rangham uthok sey angpha, thanga tho ang ang aa, baro asing shumnuktey eq Iwa sha Tsija nia asing wang shumnuk na, chammatakoi Iwa irimal miq shumnuktey bi aa.

John 4:23 Referencias Cruzadas

1 KAÜWA WERAÜ 29:17

Ngi raq asapha ümniiriika maiqse angu kunli tsantsii ka maitai tlaü, kiimaq jurwa tsantsii khangriri hea riimtlaq kriiti rai ka chochi khiq sitlaü. Tsantsii khangriri hea maq kiimaq tingting tsantsii maq, ngi raq arthun ara khoqriiq shishiiq maq ümniima kiinong kuq tiikang. Kiimaq ngi raq chhi wan kang she, ümsenginok ümchaü arjaq thungtii wantaqti raq khoqriiq shishiiq maq ümniima honglu thun ka kuq wanto.

Tvtsvmc 147:11

shatmaq apaiq ka apaiq shrengti ma khoqriiqtlo, apaiq tiipitmakphan lungwii ma kamti ma khoqriiqtlo.

Tvtsvmc 17:1

Tailaq, O Tatiwe lei, ngi raq tingting phokuq laq nguta tiipaiqnea tiikang; khrum jaü hoqtiikang ara tiitsang tailaq! ngi tsan tiitsi lata achu jaütiikang ara tai kuqlaq.

Tvtsvmc 32:2

Peohea she Tatiwe raq shut laü nguta kha nyan makti ma, kiimaq tlotli laopha kharü wa wase jawanti ma.

Tvtsvmc 51:6

Ümniiriika tingting kiimaq tengteng kli rittlaü; ikhutsai ka üm taksu tsii maq tiimakuqlaq.

TAKSU LAK 15:8

Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.

ASHICHONG 2:14

Ümshamhea ka haütaü ikha, Longraqkam na atiipaü nga ikha. Ümtheaphi tsomhea liipha na. Ümbom sumhea atsaisea ma, ümmaklii min tsomhea tsomhea.

ISAIA 10:20

Akhing ashi misaü wan, kra akhing na, re jaqsong atiichong Israilnok ka, tsangshiq miqchup tiithenbaiqtinok mungti ma tlam raüta simak she miraq. Tsangshiq raq tsang tsantsii ka riikhaqli maq Tatiwe, Israilnok asii Shiikeawe miishe mikam wan.

ISAIA 29:13

Tatiwe raq nguto, “Arnok riika tsangshiq raq ngi shomnoq tiikai nguta tiitsakitlo. Shatmaq tsangshiq bomtsi ka jamlai liichum min ahü, hiqti li banbok miili. Kiimaq tsangshiq tsantsii ka ahin na. Tsangshiq raq shomnoqtlaq kriika miinan maiqse thungtri lamlam li. Kriika tsangshiq raq tsan na tiitsangtlii ashrin wan tri raütuli.

ISAIA 43:21

Tsangshiq ka Ngi pumsii miituli dongdii Ngi raq aphansang wanha, krai mren tsangshiq raq Ngi tiitsam mishinge wan!”

ISAIA 58:2

Tsangshiq raq Ngi ka wranaiqshe shomnoqtlo. Raüta tsangshiq ka pinthum ilam phan thun kra sap wan miitu kiimaq itri raütu kra lang wan raüta siwan miitu shiikut chaq tiikai nguta tiitsakiq siqtlo. Tsangshiq raq ngutlo Ngi raq tsangshiq miika riikhaqli tingting tri raütu kli kuq raüjaq ahea miraq. Kiimaq tsangshiq raq Ngi shomnoq lam maq kai khoqriiqtiikai nguta tiitsakitlo”.

JEREMIA 3:10

Riita ija, arthun ngarai ara tang wan jai she, Juda, Israil ma anyino nyung sethoq nyung ka iwokhong niishe nyap wan nongtiikang nguta tiimanhiito. Shatmaq apaiq raq atsantsii kuq raütiika riimak. Arka, Ngi Tatiwe raq ngutiikang.”

JEREMIA 4:2

kriishe klowan han jiila, namshiq raq imang chong lantea atiitum wan mimai. Kriishe ngu raüla, maiq phan tlotli raq ngi nang nga tsangshiq ma ramram kuqlaq nguta mingu. Kiimaq tsangshiq raq ngi mitiitsam kam.”

EJEKIEL 22:30

Ngi raq maiq weshi ra raq khetuk tiisiiq wantaq kra tiiheati rit tiikang. Khetuk tlin kitaq ba thun kiijaq chap raüta, mung ka itsankhiq walü raq tiithen baiq wan chang wa tiikhup wongkuq raüjaq ahea riichang nguta liisiq tiikang. Shatmaq Ngi raq maiq weshi ra min hum mang.

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

John 12:23

Kiijiishe, Jesuq raq tsangshiq ma bom ka akha chongkuqto, “Maiq Se ma apaiq khushü tiijongke akhing ka ümchaü hong wato she.

John 16:2

Tsangshiq raq namshiq ka sinagok wa ashleq mirbaiq. Kiimaq akhing ka akha misaü wan, maiq ashi ra raq, namshiq ka tsatbaiq raüla, apaiq raq kriika Shiikeawe jaqsham tiikang nguta mitiima.

John 16:32

Ngi chongpha, akhing ashi she misaü wan, sha kra akhing ka ümchaü saü wato she. Namtsam thun ka wiita, pongpin riipin she mitiipin baiq. Kra, lanta, maiqmii jam niishe mipin wan han. Lanta, ngi ka ngi laqlaqse lishe mimiim baiq thü han. Shatmaq, riikhaqli miika, ngi ka ngi laqlaqse li ka riimak. I We ka ngi rai asi.

John 4:21

Kiijiishe, Jesuq raq apaiq ma chongto, “Maiqnyung loi! I bomchong arma kamlaq! Akhing ashi misaü wan, maiqse raq Awe Shiikeawe ka ara kin arjaq lo, Jerusalem na lo, ka shomnoq mak she miraq.

John 5:25

Ngi raq chongtiikang arka tengteng: Akhing saü wanto she. Chongtiikang akhing ka saükito she. Ümchaü ka amaati riimin Shiikeawe Se bomchong ka mitai wan she. Kra tai tlaqti ka, atra she misam wan.

John 5:28

Ara tai lanta namshiq ka naq wang rongkiq. Ara jamkhano chong tiikang ngukla, maiq amaati thun wiita raq i bom tai miitu akhing ka saükito she.

Romans 1:9

Ngi raq ara chongkuq tiikang arka, tengto dea nguta hakhi keti ka Shiikeawe asi. Shiikeawe ka ngi raq, i tsan i mongjii wiita kiinong kuq lata, Ase manphan Tsütsa Ahea bomtsi ka, nanok ma chongkuq tiikang kra lümaq, ngi raq shomnoq wan tiikang. Ngi raq achu jaü tiikang akhingtek na,

Romans 8:15

Ara jamkhano chongtiikang ngukla, Shiikeawe raq namshiq ma, Asii Wenyi kuq wantaq, kriiraq namshiq ka disetiim ma tiija raüta, shiinüm sha wan mak. Kiimaq namshiq ka tiihai miichhai, siakaq mak. Kra rii na, Asii Wenyi raq namshiq ka, Shiikeawe setiim miishe tiijatlo. Krai mren, nashiq tarü raq, Asii Wenyi ningkun maq, Shiikeawe nangnga, “I We loi! Nawe loi!” nguta riibom lot tiikai she.

Romans 8:26

Kra niq riri sii hali, Asii Wenyi raq nashiq ningkun ajom sirai tiikai kra chhi raüta, nashiq ara thüda kuq wan wan maq, khrum kuq wan tlo. Nashiq riika, jamkha achü jaü wan chang wa, kiimin tsin hon mai miili sirai tiikai. Kriikha maq, Asii Wenyi riili, Shiikeawe man na, nashiq miitu, maiqse bomtsi maq chong lot mai chang bomtsi maq, ahan anyi ikha achu jaükuq tlo.

Galatians 4:6

Riita, krai mren, namshiq ka asetiim she dea nguta, tiichhike miitu, Shiikeawe raq, Ase Winji, Asii Wenyi ka, nashiq mongjii niishe tiikito. Riita, krai mren, ara Wenyi nashiq mongjii na sitlaq ara raq, “Mangchan ajong rümti i We lei,” nguta achu jaütlo.

Ephesians 6:18

Riita ara chongtiikai thun arka, achu jaü lantli sham ronglaq. Shiikeawe raq mikhrum kuq. Asii Wenyi raq shunshea tlaq kra phanphan, jaqsham aweatek na, achu jaü lanta sham ronglaq. Arningkhan, honkam shat maq sirong laq. Ümtiikiimin naq thaq rongkiq. Wranaiqshe Shiikeawe sengi miitu achu jaüshat maq sirong laq.

Philippians 3:3

Nashiq ahata, riikhaqli maq athohan tri langti. Tsangshiq ka riimak. Nashiq riika, Asii Wenyi lümaq Shiikeawe shomnoq wantiikai. Kiimaq Jesuq Khristo wokhong na si laita, kai chochi tiikai. Nashiq riika rakhütsi ri thunglai lang tri poi kriimiika kam mai.

JOSHUA 24:14

Joshua raq bom ka akha chongkuqto, “Riita, ümchaü sanha, Tatiwe ka shreng ronglaq lanta apaiq ka tsan tiitsi lanta kiimaq tsapsaü kapse maq shiililii ronglaq. Kiimaq namtitiim raq Mesapotamia mung maq shomnoqtaq kiimaq Ejip mung maq shomnoqtaq phra thun ka wiita tiijobaiq ronglaq. Lanta Tatiwe kli she shiikum pan ronglaq.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

1 SAMUEL 12:24

Tatiwe aming thun ka lang ronglaq. Lanta tsan nai mongjii wiita kiinong lanta tsapkapkap maq apaiq kli shiili ronglaq. Apaiq raq namshiq miitu jaqsham jonghea shamkuqtaq kra tsan na tiitsang lanta sironglaq.