John 4:21 - ASII LAKDAP Bible (BSI)

²¹ Kiijiishe, Jesuq raq apaiq ma chongto, “Maiqnyung loi! I bomchong arma kamlaq! Akhing ashi misaü wan, maiqse raq Awe Shiikeawe ka ara kin arjaq lo, Jerusalem na lo, ka shomnoq mak she miraq.

Hawa Naga Bible 2001

²¹ Yesu rueq piq muex, “Yalxjuik nyuiuz lex, ngvy kvjaz muex kvmx kuiuz, Vwaz muex vruex kanx vmaq muinz, Yerusalem maq muinz nawk palx rac muq juing vkhing httuiuc wvnc tuex.

Muklom

²¹ Jesu aa piq ma batta, “Miqnu, nga ri han phu, nang aa iri haqkan ro Iwa shumnuk mu ang nu etho Jerusalem na tho shumnuk mu angnu, eshi rangham tha uthok sey angpha.

John 4:21 Referencias Cruzadas

ISAIA 66:1

Tatiwe raq ngutlo, “Ramungtan ka Ngi ngachang hokham ngacho. Kiimaq mangjong hiq ka ihok tiida chang hüda. Ümniiraq Ngi miitu jamkhiinok jam wa mihai kuq haü? Ngi sichang ka jamkhiinok hiq ba niiwa miklo haü?

EJEKIEL 14:3

“Maiqse lei, arwetiim raq tsang tsantsii ka sumla phra thun ma akiinongke kun she. Raüta sumla phra thun raq tsangshiq ka ngarai tiitangtlo. Tsangshiq bom ka Ngi raq mitre kuqha ngutiisha tiima tla?

EJEKIEL 20:3

“Maiqse lei, arwetiim rai riibomlaq laüta tsangshiq ma Tati Rakaü Hiqwe raq akha ngutlo nguta chongkuq laq: Namshiq ka ngi raq jamlai wa rotiikang kra waiso wa sha walan ngukai? Ngohea dea sha? Tengteng, Ngi ka atra Shiikeawe. Ngi raq namshiq ma jamlai bom min tiiwaiso mang she. Arka Ngi, Tati Rakaü Hiqwe raq ngutiikang.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Matthew 18:20

Ara jamkhano chongtiikang ngukla, ümbano i mang na maiq ka wenai lo wetsam lo nga tlaq, kiijaq tsangshiq rai ngi min lom damshat mirha.”

Matthew 28:19

Arkha maq, mangjong hiq na maiqphan ümchu wa sitlaq, kiijaq barap se na kirong laq. Lanta tsangshiq ka i jaqshisetiim ma tiija rong laq. Tsangshiq ma Awe mang na, Ase mang na kiimaq Asii Wenyi mang na kham lamkuq rong laq.

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

John 14:6

Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.”

John 16:2

Tsangshiq raq namshiq ka sinagok wa ashleq mirbaiq. Kiimaq akhing ka akha misaü wan, maiq ashi ra raq, namshiq ka tsatbaiq raüla, apaiq raq kriika Shiikeawe jaqsham tiikang nguta mitiima.

John 16:32

Ngi chongpha, akhing ashi she misaü wan, sha kra akhing ka ümchaü saü wato she. Namtsam thun ka wiita, pongpin riipin she mitiipin baiq. Kra, lanta, maiqmii jam niishe mipin wan han. Lanta, ngi ka ngi laqlaqse lishe mimiim baiq thü han. Shatmaq, riikhaqli miika, ngi ka ngi laqlaqse li ka riimak. I We ka ngi rai asi.

John 4:23

Shatmaq, akhing ka saüho tlo she, sha saükito she ngu i, maiqse raq Awe Shiikeawe ka Asii Wenyi ningkun maq, apaiq raq maiqse jaq wa jamkha shomnoq wa lungwii tlaq, kra phan phan riikhaqli mishomnoq wan.

John 5:25

Ngi raq chongtiikang arka tengteng: Akhing saü wanto she. Chongtiikang akhing ka saükito she. Ümchaü ka amaati riimin Shiikeawe Se bomchong ka mitai wan she. Kra tai tlaqti ka, atra she misam wan.

John 5:28

Ara tai lanta namshiq ka naq wang rongkiq. Ara jamkhano chong tiikang ngukla, maiq amaati thun wiita raq i bom tai miitu akhing ka saükito she.

Acts 6:14

Apaiq nga Najareth hiqti we Jesuq raq, ara Jerusalem wa Shomjam arka, atiithen mirbaiq nguta chongkuqtlo. Kiimahali, Mosheq raq natitiim ma thung alai achongkuq thü thun kriika, ümchaü nashiq raq lang wan raa mak she, shatmaq thunglai ahin she lang laita sichang nguta chongkuqtlo!” ngutiishe kha ka nyanto.

Ephesians 2:18

Riita, ümchaü sanha, ara chongtiikai Khristo lümiishe, nashiq wiitarü, Jehudinok kiimaq Pongnok phan maiqse wiitarü ka, Asii Wenyi lümaq, pumshi hanshi miishe jawan laita, Awe Shiikeawe man niishe chapnga lot tiikai.

Ephesians 3:14

Riita, arthun chongkuq tiikang, ara ningkhan tiina, ngi ka kaütsrong na bum lata, Awe Shiikeawe jaq wa, namshiq miitu achu jaü kuq tiikang.

1 Timothy 2:8

Arkha maq maiq, barapti raq, noqku akhingtek na, maiqwere raq achu jaü ronglaq. Maiqmii khum ka Shiikeawe ma kiinong kuq lanta siti, kamasham na maiqlare nguta sitlanti ka chap lanta, asii jaq ka ra na do lanta achu jaü ronglaq. Achu jaü lam maq, tsan na akhiq abi kiimaq maiq rai riikhii riilea tiima tsantsii jam min naq thü rongkiq.

1 Peter 1:17

Namshiq raq achu jaü tlan na Shiikeawe nangnga, “I We lei,” nguta riibom tlan. Apaiq raq maiqse angu wiitarü ma, mren mra maq shin kuq tlo. Maiqse pum loweatek raq, maiqmii raq jaq maq jamkho Shiikeawe lamphan ka shiithuk rai tlaq, kra tiiphanphan phokuq tlo. Arkha maq, namshiq ka mangjong hiq na ümchu ranaiq wa sithü tlan, kra liipan na Shiikeawe ma haisong tsantsii rümshat maq shonga lanta sironglaq.

Revelation 21:22

Ngi raq chela mong na shomjam ka chhi mang she. Tati Shiikeawe Ajong kiimaq Skuse kriili she chelati miitu Shomjam. Shiikeawe ka chelati rai wranaiqshe siruq lishe. Kiimaq krai mren, Shiikeawe shomnoq miitu hiq bashi tiitsang dada thürea wan ka raa mak she.