John 1:18 - ASII LAKDAP Bible (BSI)

¹⁸ Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

Hawa Naga Bible 2001

¹⁸ Tishox kuex uraq muinz mkaq muinz khiz muq. Vwaz hep nuex httaz jix, Tishox rvtueq Vsaz pumshiz waz rueq dvyx vpiq kuex tvkhic tueq.

Muklom

¹⁸ Shkewa tha utang eq tho khi moq angta, etharin Shkewa Miqwasa ashey dang hun hiqtang ma Shkewa tha samtol ma kot taphi. Piq Shkewa hun etho Uwa jamna tong aa.

John 1:18 Referencias Cruzadas

RAPHA HIQWA LAK 16:13

Kiijiishe Hagar raq apaiq nai apaiq she riibomto, “Riita ngi raq Shiikeawe rai ngohea shaq shaq dea sha riihum kang? Kra taü maq ngi ka kra chongke ma atrali shea sitiikang?” Kra ningkhan apaiq raq Tatiwe apaiq rai riibomti ka “Shiikeawe ka Maiq Chhitiwe,” nguta nguto.

RAPHA HIQWA LAK 18:33

Apaiq ka Abraham rai riibom lot raüta. Tatiwe ka awashe riiwanto. Kiimaq Abraham min ajam niishe jang wanto.

DUNGWVNC 23:21

Apaiq bom ka tiitsang tailaq. Laüta apaiq wokhong na silaq. Akiq ka naqkhiikiq. Jamkhano ngukla apaiq ka Ngi raq atiikiha. Kiimaq apaiq raq akiq khiiti ka tiijoq mak miraq.

DUNGWVNC 24:10

Kiimaq tsangshiq raq Israilnok Shiikeawe ka chhito. Ahok phi takiq niika saphir longseng pen maq ahai maiqkhum chang lam ikha, ra jamkho wai chat chat li tlaq kiikha riito.

TAKSU LAK 8:30

Ngi ka apaiq rai kongshi, jamhai sürii tiichap wandamti riikang. Ngi ka ranaiqtek apaiq tiichochiti riikang, Apaiq rai adam lomshat khoqriiq shishiiq sikang.

ISAIA 40:11

Apaiq raq askukong ka sku riimti raq rümtlaq ikha miriim wan; apaiq raq sku ransetiim ka adam na mitriichum wan, raüta tsangshiq ka ajaq na mido wan; apaiq raq akaütiim ka chaosusu maq mishea wan.

AJONJÜ 2:12

Tsangramtsi nai khamnyangtsi raq haü wan raüta, anyungtiim rit hoqtrangtlo. Tsangshiq chiihea wea lam na, asho aphi ikha küram liira riwanto. Raüta chaosusu maq, Raüta anyungtiim jaq pum na tsai wanto.

WEAWEA 12:8

Kra ningkhan, Ngi raq apaiq rai ka mantut na tiqtaq riibom dam tiikang. Linham linhok riibom dam tiikang. Shiiwang bomtsi miika riimak. Apaiq raq Ngi sham ka jam khiiwa kriimin chhito! Ikhla namnai raq ijaqshise khuthaq na bombi kiqsü ka jaram wa kuq tlan?”

Matthew 11:27

“I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

Luke 10:22

“I We raq ngi ma phanrap ake kun she. Awe tlea raüta, Ase ka juwa, kriika maiq ahinti jurmin sapmak. Kiimaq Ase ka lea raüta nai Ase raq tsea raüta ümriitimo tiichhikuq tlaq, kriiti lea raüta, Awe ka juwa kriika maiq ahinti jurmin sapmak.”

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

John 12:41

Isaia raq ara riisham bom chongkuq thütaq arka, apaiq raq jai na Jesuq khushü jonghea dong wan chang dea asi shaq, kra chhi raüta chongthüto.

John 13:23

Jaqshisetiim phong wa, Jesuq raq kai lungwii hea we jaqshi se kriika, Jesuq tiinap na nga raü riito.

John 14:9

Kiijiishe, Jesuq raq treto, “Ngi ka luhea she namshiq tarü rai adam na siwan kang. Kra taü maq dongdii min, ümchaü niitaq ngi ka juwa, ümniiraq sap maüli shatshat sha Philip? Jurwa i sham chhitaq, kriiti riika, i We sham kiimin chhito she. Kra taümaq dongdii min, ümniiriika, ‘Naishiq ma Awe sham ka tiichhi kuqlaq’ ngutiika jamkho ngutlaü?

John 17:26

Ngi raq tsangshiq ma, ümmang ka triisap kuq wan kang she. Kiimaq, arthaq niimin ngi raq ümmang ka tsangshiq ma, atsaü maq triisap kuq wan ruq li mirha. Krai mren, ümniiraq ngi lungwii tlaü, ümmang chan tsantsii ka tsangshiq tsan mong na misi wan. Krai mren, ngi min tsangshiq rai tsanshi mongshi maq misi wan dam ha.”

John 17:6

“Ümniiraq ngi ma mangjong hiq wa maiqse ümchuwa kuq laü, tsangshiq ma ngi raq üm mang ka triisap kuq kang she. Tsangshiq ka ümsengi. Ümniiraq tsangshiq ka i wokhong na tiisi laü. Tsangshiq raq ümbomtsi ka lang wanto she.

John 3:11

Ngi raq chong tiikang arka tengteng: Naishiq raq jamlai wa saptiikai, kra chong tiikai. Kiimaq naishiq raq maiqmii mak maq jamlai wa chhi tiikai, kra namshiq ma chong kuq tiikai. Shatmaq, namshiq phong wa jurmin naishiq raq chong kuq tiikai tsütsa bomtsi arma kam man.

John 6:46

Maiqse raq Awe sham ka jurmin chhi mak dea. Ngi ahata Awe pha wa akiha. Ngi tlea raüta Awe ka jurmin chhi mak dea.

2 Corinthians 4:4

Tsangshiq raq Tsütsa Ahea ma kam mak riitlaq kriika, Thawe raq tsangshiq wenyi makpo kra pangho kha maq chhi mak sitlo. Ara mangjong hiq rümti thawe abi raq, tsangshiq wenyi mak ka apang riibaiqto. Tsangshiq khuthaq na rawüli liliim wan tlaq kriika, tsangshiq raq chhi mak sitlo. Ara chong tiikai rawüli litlaq ngutiikai arka Tsütsa Ahea Khristo khushü jonglu liliim chhainyii rawüli kra nangnga chong tiikai. Khristo ka Shiikeawe rai shamshi ngamshi sitlaq kra tiichhikuq tlo.

TRI CHONGKE 4:12

Tatiwe raq walü mong maq namshiq rai jamkho riibomtaq kra tsangshiq ma chongkuq ronglaq. Kiimaq apaiq raq namshiq rai jamkho riibomtaq tailan kra chongkuq ronglaq. Shatmaq namshiq raq apaiq sham ari ka jamkhiiwa kriika chhiman dea.

Colossians 1:15

Khristo ka nashiq makhea maq chhi lotmai Shiikeawe sham niq riri. Apaiq ka phanrap Shiikeawe raq ümchuwa phansangtaq kra wiitarü thaq na Chhikhu we.

1 Timothy 1:17

Riita, ümchaü min, pattup Hokham we, atsai tsai mak phan we, kiimaq makhia maq chhilot mai we, apaiq kli riikhaqli Shiikeawe nguta sitlaq, Shiikeawe kli maiqse angu tarü raq mishreng laq. Kiimaq apaiq achhai anyii khushü ngao ka pattup thum mak miq mak misi laq! Amen.

1 Timothy 6:16

Apaiq kli ka tsai mak phan; Apaiq ka mangjong maiqse raq jurmin chhi walot mak chang ramungtan rawüli na siti we. Apaiq sham ka jurmin chhi mak dea; Kiimaq apaiq sham ka jurmin chhilot mak miraq. Wiitarü raq Apaiq kli mishreng laq. Kiimaq pattup thum mak miq mak maq, ra nai hiq ka milang laq! Amen.

JOSHUA 5:13

Joshua ka Jeriko chela tho na bala shon, tiihanghiiq miili apaiq raq maiqwe ashi ka apaiq khaki na chap raü chhito. Kriiwe ka ajaq na nepja shamraü chhito. Kra chhi raüta Joshua ka apaiq phana wato. Raüta, “Ümniika naishiqnok phenlabi shea? Shea naishiq ma wesang wa?” nguta waito.

1 John 4:12

Shiikeawe ka jurmin chhi mak dea. Shatmaq nashiq liipan na riimang riichan laita sihai jiila, Shiikeawe ka nashiq rai pumshi hanshi dea sitlo ngushat miraq. Kiimaq apaiq lungwiitsii ka nashiq khum na asho awo maq sitlo ngushat.

1 John 4:20

Riita maiq ashi ra raq, apaiq raq Shiikeawe ka lungwii tiikang nguta mingu. Shatmaq aphu ano Phungmaiqse ka shulii tlaq jiika, apaiq ka arot we ngushat. Jamkhano ngukla, apaiq raq aphuno we amak maq rashra chhi tlaq kra santla lungwii mak jiika, apaiq raq amak maq chhi mak Shiikeawe ka jamkhii raüto milungwii.

1 John 4:9

Shiikeawe raq nashiq ma, apaiq lungwiitsii ka tiichhike miitu, Ase sekhuq laqlaq se ka ara mangjong hiq na tiikito. Kra tiikitaq ka Ase pum lümaq, nashiq raq rilung milap laq nguta tiikito.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.