John 1:19 - ASII LAKDAP Bible (BSI)

¹⁹ Jerusalem wa Jehudinok welabi raq ramwebi nai Lewi weraü wa maiq wiijamti ka Johan ma, “Ümniika juwa?” nguta bom tiiwaikai tiikito.

Hawa Naga Bible 2001

¹⁹ Yerusalem wawc vrangx vpangx lvp jix Yuda miqsaz htenc rueq shomc waz bix nuiyc Lewi miqsaz wvyvmc kuex Yohan kox nuex tvkaz vtueq, “Mnoz kuex ukhaq lac?” ngoz tueq tvwiz kaz tueq.

Muklom

¹⁹ Jehudi solwa tang aa Jerusalem wang tingwa tang etho Levi tang sha John relnáng takat ta etho piq ma pitta, “Nang utang aa?”

John 1:19 Referencias Cruzadas

John 1:7

Apaiq ka mangjong maiqse ma, rawüli tsütsa kra chongke kai kito. Kriika maiqse angu wiita raq, apaiq raq chongkuq tlaq rawüli tsütsa kra tai raüta, mikam wan laq nguta kito.

John 10:24

Kra chhi raüta, kiiwa Jehudinok maiq pahea ka, apaiq tro niishe riitam wanto. Raüta tsangshiq raq Jesuq ma, “Ümniiraq naishiq ara jaram she wa trang ra holaü? Bom ka riikhaqli chongkuq laq. Riita, ümniika Khristo dea sha?” nguta apaiq ma waito.

John 10:31

Kra tai nong raütiishe hali, Jehudinok raq apaiq ka long maq tiiq baiq nong danto.

John 11:19

Krai mren, ano tsaijai Martha nai Meriq ma tsaido jido, majo bom chongke kai akirai, nokmaiqse ka pahea asi.

John 2:18

Kiijiishe, Jehudinok welabi raq, “Riita, ümniika arthun thungtri ara runbaiq miitu arang hoti we dea nguta, naishiq ma jamlai phan awang chang jaqsham wa mitiichhi kuq lot haü?” nguta apaiq ma waito.

John 2:20

Kra tai raütiishe, “Ümniiraq ara Shomjam arsha ranaiqtsam liipan niili mihai lot haü ngukai? Arjam ara hai miitu, wiiroqblai ri wiitrok rato ngu phaütiq!” nguta tsangshiq raq apaiq ma bom ka waito.

John 5:10

Kra ningkhan, “Ümchaü ranaiq ka Asii Niitiitsak ranaiq. Ümniiraq ümdamsii kom pi wan ka raa mak. Arka nashiq Thungtri na apii,” nguta Jehudinok welabi raq atsi wa aheaki we kra, sonto.

John 5:15

Kiijiishe, kriiwe ka wawan raüta, apaiq thatsi ka Jesuq raq tiihea kuqto nguta, Jehudinok welabi miishe chongto.

John 5:16

Jesuq raq arwe thatsi ka, Asii Niitiitsak ranaiq na tiiheake wan kha na, tsangshiq raq Jesuq kriishe tiichamchao phahoto.

John 5:18

Ara bomtsi ara tai raütiishe, Jehudinok welabi raq apaiq ka atsea baiq chang, ngutiishe tsangshiq raq tri ka tiipha khato. Tsangshiq raq Jesuq ngeng wantaq arka, apaiq raq Asii Niitiitsak ranaiq tri raü kra jin wan lamlam li min riimak, shatmaq, Shiikeawe kiimin apaiq ma Awe nguta tiingo tlo ngutiishe ngeng wanto. Arka, apaiq kiimin Shiikeawe rai mren chhaq arang hoti we nguta tiingo riito.

John 6:41

Apaiq raq, “Ngi ahata ramungtan wa asatkiha winsii,” nguta tiichong kra tai raüta, Jehudinok ka bottrang wanto.

John 6:52

Kra tai raütiishe Jehudinok ka, “Arwe riitiq, nashiq ma ahan ngam phu ka jamkha tiiphaq nang wa chongrat tla nya?” ngutiishe tsang- shiq liipan na akhiq wa trang liishe riikhii trangto.

John 7:1

Arjai maq, Jesuq ka Gelili wang na traho bom chongke wa wawanto. Kra bala apaiq ka Judia wang na trahokai kiro mak riito. Jamkhano ngukla, Jehudinok mung rümtibi raq, apaiq ka atsea baiq chang nguta mat kha ka tanshat she riito.

John 7:11

Kra akhing na mung rümti Jehudinok welabi raq Poi rü na apaiq rit lam maq, “Mungshukti we ira ümba niiwa?” nguta poi lomdamti nanok ma bom ka waito.

John 7:15

Jesuq raq thungtri shrinke wan ka jü jang wa ikha, tsan na washasha chongke wan kra tai raüta, Jehudinok welabi ka kai awang li riito. Kiimaq, “Arwe arka lak shrinkai chong awii niimin ngaki mak dea shatmaq, apaiq raq atinkhan thungtri phaqchi ara jambawo tsin tiinya?” nguta tsangshiq liipan na riiwaisoto.

John 8:22

Kra tai raütiishe, mung rümti Jehudinok welabi liipan na, “Apaiq wawan chang hiqshong na nashiq wawan lot mai nguta chongtlaq ahata. Riita, arkiitiq apaiq ka ajaq lii maq tiihaikai nang sha chongtla?” nguta tsangshiq liipan bom ka riiwaito.

John 8:48

Kiijiishe, Jehudinok raq Jesuq ma waito, “Naishiq raq ümniika Samaria phan, kiimaq ümkhum na abi winji asi ngutiikai arka tengto dea ahata?”

John 8:52

Kiijiishe, tsangshiq raq apaiq bom ka tre nongto, “Ahata! Ümkhum na abi winji asi ngutiikai ka tiisapshat she dea! Abraham ka atsaikai kun she. Kiimaq shammibi thun kiimin atsaikai kun she. Jamlai jiq ngu kai! Ümbom chong kra lang wanti ka tsai mak she miraq ngukai?

John 8:57

Kiijiishe, tsangshiq raq apaiq ma bom ka akha waito, “Riita, ümrawii ka wiiroq biingi santla misaü shaq li, ümniiriisha Abraham rai sham riichhi laü ngu kai?”

Acts 13:25

Krai mren, Johan raq apaiq jaqsham kra akun wan nini niishe, mungmaiqse ma, ‘Namshiq raq ngi ka ju nguto tiima tlan? Ngi ka namshiq raq maklii khamthii ümtincho she wa saüki jiiq ahiq nguta thenge kherat tlan we ka riimang. Shatmaq, i bom chong ara tiitsang tai ronglaq! Apaiq ka i jai na saüho tlo she. Ngi khosho se arka, apaiq hokpa kha chang raülo kra diiketi dise ashi khan dongdii min thek mang, anun,’ nguta mungmaiqse ma chongkuqto.

Acts 19:4

Kiijiishe, Paul raq tre nongto, “Khamlamketi we Johan raq Israilnok ma tsantsii klai wan kham lam wan bomtsi chongkuq wantaq kriika, jurwa ngarai tiidii wan tlaq, kriiti miitu chongkuq wanto. Kiimaq apaiq raq Israilnok ma, apaiq jai na maiq weshi saüho tlaq kriiwe ma kamwan ronglaq nguta chongkuq wanto. Kriiwe ngutlaq ka Jesuq ngo nangnga ngutlo,” ngutiishe tsangshiq ma Paul raq bom ka tru chongkuqto.

TRI CHONGKE 24:8

“Ümtiikiiwa ümniika thabi tsi raq chamchaoki haüla, Lewi phan ramwe raq ümniima jamlai wa chong kuqtlaq kra phan phan riikhaqli klo laq. Ngi raq tsangshiq ma akuqha hon atsii chongkuq kang kra phan phan klo laq.

1 John 1:5

Naishiq kiimwebi raq Ase nübok wa tsütsa ka ara tai kai. Laita ümchaü namshiq ma chiiriim laita chongkuq tiikai. Tsütsa ka ara: Shiikeawe ka rawü. Kiimaq apaiq khum na ranyaq ngutiika akhiismin ahü.