JEREMIA 9:16 - ASII LAKDAP Bible (BSI)

¹⁶ Ngi raq tsangshiq ka maiq pong mungti thun mung luhea na, tsangshiq riimin sapmak kiimaq tsangtitiim riimin sap mak, mangtang ramangnok mung niishe munglu shumwikong ma mitiitsuq wanha. Lata ngi raq tsangshiq ka tiithumpak mitiithen baiqha shaq wiiwii, chiqse rewe pahea tiiki lata tsangshiq ka mitiikhat wanha.”

Hawa Naga Bible 2001

¹⁶ Ngaz rueq tsuingshiq muinz tsuingshiq jix vwaz tamx rueq muinz tay muq shauk miqphvnx hvlwvl nuex tsuingshiq kuex tvrv-phvlc gay shaungx, kvmaq tsuingshiq kuex tvmaq suip tvbac gay tvkoc tsuingshiq yix nuex ralx daungx ngaz rueq tvkaz shaungx,” ngoz tueq tvralc tueq.

JEREMIA 9:16 Referencias Cruzadas

NEHEMIA 1:8

Riita ümchaü min, ümniiraq man na Mosheq ma jamlai kiqkham bomtsi wa khakuq laü, kra bomtsi ka ümtsan na tiitsang laq. Ümniiraq Mosheq ma akha chongkuq laü: ‘Namshiq Israilnok raq ibom tai man maq, ikiq khii lanta, tongshong tri wokhong na siwan man riihan jiila, ngi raq namshiq ka tiipin miijin mijobaiqha. Lata pongmung maiqse wokhong na mitiichamchao pha.

Tvtsvmc 106:27

raüta tsangsaüsetiim thatsang mung thun na minyinbaiqha nguto; raüta pongmung na mitiijiimha nguto.

THARC TVLUINGC 12:5

Kiimaq ümniika kinthii diilu kra chhihaü min haisi koshko she mirhaü. Akhum kai min haisi chang she miraq. Kiimaq ümkhubin ka chhechhi kaü ikha wiita she mipüki. Kiimaq ümniika akhum ashiim min lot maü she mirhaü. Kiimaq jamlai phan phaqsiq haü min, asum akam min ahüshe miraq. Jamkhano ngukla nashiq tarü ka pattup thumkimak phan jam kiijaq wawan chang dongdii. Kiimaq chiiheawea lam na maaho manyi trang she miraq.

JEREMIA 13:24

Tatiwe raq namshiq ka khaolüm bukjai tsamkü phong kra kumtsaiphii wang rahai ma jamkho tiipan baiqtlaq ikha, namshiq ka pongmung niishe mitiipan baiq.

JEREMIA 24:10

Ngi raq re mitiidongha; ram mitiidongha; kiimaq tsangshiq khuthaq na tha mitiidongha; lata ara Ngi raq tsangshiq ma nai tsangtitiim ma akuqha mung arjaq maiq ka weshi min tiichong mang maq thumthum miqchup mitiijiimbaiqha.”

JEREMIA 25:27

Kiijiishe Tatiwe raq ngi ma chongto, “Mungmaiqse ma chongkuqlaq, Ngi Tati, Ningkun Ajongwe, Israilnok Shiikeawe raq, tsangshiq ma che ka phetaktak, chok wantlii baknyang ronglaq, che raq pherai raüta, tsangshiq ka hiq na küram liira, aphai agoqtrang liishe, atiido min lot mak baknyang ronglaq nguta tsangshiq ma aming kuq tiikang. Jamkhano ngukla Ngi raq tsangshiq khuthaq na re dong jonghea tiisaüho tiikang.

JEREMIA 29:17

Tati Ningkun Ajongwe raq ngutlo, ‘Ngi raq arjaq siti ma re mitiidongha, ram mitiidongha lata amang maq mitiihaüha, kiimaq tsangshiq ma tha mitiidongha. Lata Ngi raq tsangshiq ka phupmuptsi, wiita namtoktok, aphaq asea maimak ikhiishe mitiija baiqha.

JEREMIA 44:27

Ngi raq namshiq ka shiiman kuq mang she. Namshiq ka rongboq ma tiija mang she. Shatmaq namshiq ka athen she mir wan han. Namshiq tarü kunli mijiim han. Redong na mijiim han. Riimakla thadong na mijiim han. Namshiq ka thumpak mijiim han shaq wiiwii, jiim wan ruq mirhan. Weshi min tiichong man maq mijiim han.

JEREMIA 7:29

“Maaho maanyi hotrang ronglaq, Jerusalem lei; namkhudap ka tap lantea baiq ronglaq. Hiqlam thaq thun na majo shinge ronglaq, jamkhano ngukla, Ngi namshiq Tatiwe ka tsankhiq, krai mren isenginok ka tiishaübaiq kang she.

JEREMIA 8:19

Taironglaq! mung tlot li raq, Ngi raq inok ita aho anyi trang taitiikang; “Riita Jajon chela na Tatiwe ka ahü shea? Jajon riimti hokhamwe ka kiijaq ahü she shea?” Kiijiishe tsangshiq, Tatiwe, tsangshiq hokhamwe raq tretlo, “Namshiq ngi ka sumla phra thun noq lantea, itsan ka jaram wa tiikhiq lan? Kiimaq athü ahü pongmungti sumla phra thun noq lantea, itsan jaram wa tiikhiq lan?”

EJEKIEL 11:17

“Arningkhan, Ngi, Tati Rakaü Hiqwe raq chongtiikang ara tsangshiq ma chongkuqlaq. Ngi raq hali tsangshiq ka pongmung thun na nyinbaiq kang kriiwa adam na mirchom wan nongha. Lata Israil mung hiq ka tsangshiq ma hali mijangkuq nongha.

EJEKIEL 12:15

“Ümtiikiiwa Ngi raq tsangshiq ka maiqnok ahin phan phong na miwan baiqha kiimaq pongmung thun na miwan baiqha, kra akhing niishetiq tsangshiq raq Ngi ardea Tatiwe nguta misap wan.

EJEKIEL 14:17

“Riimak jiila, Ngi raq kra mung na re tiidong lata, chuntsi nyiim win henghea phan maq khat lata, kra mungti ka kiimaq nyamse thun ka kunkun hiq maq pili mitiijiip baiqha.

EJEKIEL 20:23

Kriikha niishe, Ngi raq kumtsaiphii rumnyangkhi mung maq ikiq kham raütu ashi hali khakuq wan nongkang. Kriika Ngi raq tsangshiq ka mangjong tlotli na wiita miwan baiqha nguta sinkham wan kang.

EJEKIEL 27:2

“Maiqse lei, Tajar chela miitu maajo shi shilaq.

EJEKIEL 5:12

Ümsengi mantsam wa, manshi rii ka chela mong na thadong raüta nai ramdong raüta mijiim. Kiimahali mantsam kiiwa manshi ka re raq chela kinphai na mijiipbaiq. Kiimaq mantsam kiiwa atiithum manshi rii kriika, Ngi raq rahai ma mitiipanbaiqha. Kiimaq tsangshiq ka re ma tiijo lata mitiijiip baiqha.

EJEKIEL 5:2

Mantsam kiiwa manshi ka chela ka re raq khat-lotto she angu na chela mong na wa maq chaqbaiqlaq. Kiimaq mantsam wa mannai ngoja kra hali lam laüta, ümjaq na shamshat maq chela tro kiijaq kinphai na tro khum laüta tap chum baiqlaq. Kriimaq atiisup mantsam ngojati kriika rahai na tiipan wanbaiqlaq. Kiimaq kriika, Ngi raq inepja maq joshjo she mijo wanha.

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.

AMO LUIK DVP (AMOS) 5:16

Namshiq atinkhan ngarai tang kha na, ümchaü san Ajong Thaq Na Ajong Pinthum Tatiwe raq ngutlo, “Chela mong na lam jong thun wiita na, maaho manyi aho asii tranglishe miraq, Tsangshiq raq maaho miitu jaqsham seati nai ajon ajü atsinti heakitlo maa tiihoma.

Mikha 2:4

Kra ümningthoi akhing saü wan raüjaq. Nanok raq ümrilung chamchao kra chong raüta, ümnaq slailii shi akha mishi nge, Nashiq thumkai she! Tatiwe raq nahiq nara nyea wanto she. Raüta najaqtinok ma likuqbaiqto she Naishiq ka maiq shumwi lishe”

JEKERIA 7:14

Tsangshiq ka rathaiq thaiqjong tiisaü latiishe, pongmung pong man thun na tiipan baiq wan kang. Krai mren, ara hiqpo hiqwin mung arka, maiq asiti min ahüshe, hiqmiq changkhü ikhiilishe tiijabaiq kang.”

TRI CHONGKE 28:25

“Tatiwe raq ümniika ümjaqtinok ma tiikhat raüta mitiitang. Ümniiraq tsangshiq ka lamshi maq wa laüta mikhat haü. Shatmaq ümniika tsangshiq hai ma lamrap miishe miju haü. Kiimaq ümnaq thum rai laü kra chhi raüta, mangjong maiqse kunli ka phiip raq mitsai.

TRI CHONGKE 28:36

“Tatiwe raq ümnaq nai üm hokhamwe ka pong mung na mishea wan. Kra mung niika ümnaq min simaü dea kiimaq ümtitiim min simak dea. Kra mung na ümniiraq phra kong pe maq ahai nai long maq ahai thun kra mishom noq haü.

TRI CHONGKE 28:64

“Tatiwe raq ümniika mangjong hiq raikhü na, maiq mung thun kiijaq wiita na miwan baiq wan. Mangjong hiq raikhü na siimko maq riita siimko na saüli miwan baiq wan. Kiimaq kiijaq ümniiraq pe maq ahai nai long maq ahai sumla phra thun kra, ümniiraq maiqmii riimin sap maü kiimaq ümtitiim riimin sap mak sumla phra kong kriishe mishomnoq wan haü.

TRI CHONGKE 32:26

Ngi raq tsangshiq ka miqchup tiithenbaiqha chang wa, jurmin tsangshiq ka tsan na tiitsang mak she mirwa.

TRI CHONGKE 4:27

Tatiwe raq namshiq ka pong mung thun na wiita miwan baiq. Kra mung thun na namshiq ka maiq atsapko li she mitiichong han.

James 1:1

Ngi, Jakob, Shiikeawe kiimaq Tati Jesuq Khristo jaqshise raq: Shiikeawe sengi mangjong tlotli na riinyinshin siti tarü ma salam tiitai tiikang.