JEREMIA 9:15 - ASII LAKDAP Bible (BSI)

¹⁵ Arningkhan, tiitsang tailaq, Ngi Ajong Pinthum Tatiwe, Israilnok Shiikeawe raq jamlai jaq wa misham wanha kra tailaq. Ngi raq isenginok ma pechong khap dokdok phan thun kriishe mitiiphaq wanha. Kiimaq maiqchok raq chang phan kham kriishe mitiinyang wanha.

Hawa Naga Bible 2001

¹⁵ Kvkhoc rvtueq ngaz, Tvphaungc Tvsuip Yehowa Israel Tishox rueq yvmx lac ruez shaungx kuex tay shuinz: ngaz rueq ngvy miqsaz htenc phuiuz svy tvkoc vkhuip jungx htenc kuex tv-phauk ruiux vyangx vshot yuix kuex tvnuingc shaungx.

JEREMIA 9:15 Referencias Cruzadas

Tvtsvmc 60:3

Ümniiraq ümsenginok ka kai tiichamchao laü; naishiq ka cherop kong ikhiishe tro-tri phela raihokai.

Tvtsvmc 69:21

Iramtsi raq tsaikang na, tsangshiq raq ngi ma maiqchok chang khoti kuqto; letsi raq tsaikang na, tsangshiq raq ngi ma akhapwiq lai che khoti kuqto.

Tvtsvmc 75:8

Tatiwe jaq na khap ashi shamshat, kra khap mong na atsankhiq henghea chetsai thütlo. Apaiq raq kra khap kiiwa tsümkuqtlo, abi maiqse tarü raq kra nyangtlo; tsangshiq raq che ka tsantiiheali chhaq khap ka tsit-hok raüta nyangtlo.

Tvtsvmc 80:5

ümniiraq naishiq ka ajon ajü miilishe dungtlaü, makphai khap ajong kaü na tiinyang laüshe.

ISAIA 2:17

Maiqse shiikong longtlaq thun kra athum she mirki kiimaq maiqse lanphan doqdit siqtlaq thun kra wiita atiithen mirbaiq wan. Sumla phra phong thun kriika tiisiirai she mimoki. Kiimaq kra ranaiq akhing na Tati lamlam kli she mitiijong wan.

ISAIA 2:22

Maiqse han-ngam miika naq kamsiq rongkiq she. Tsangshiq thü ka asi shea?

JEREMIA 23:15

“Riita arthun arkha na, Ngi Tati Ningkun Ajongwe raq, Jerusalem na siti shammibi miitu ara toqtan tiikang: Ngi raq tsangshiq ma akhap akhiq phan pecham mitiiphaqha kiimaq achok chang phan kham mitiinyangha, jamkhano ngukla tsangshiq raq ra weahü ngarai jaqsham maq armung ka tlotli tiinyam baiqto.”

JEREMIA 24:10

Ngi raq re mitiidongha; ram mitiidongha; kiimaq tsangshiq khuthaq na tha mitiidongha; lata ara Ngi raq tsangshiq ma nai tsangtitiim ma akuqha mung arjaq maiq ka weshi min tiichong mang maq thumthum miqchup mitiijiimbaiqha.”

JEREMIA 25:15

Tatiwe, Israilnok Shiikeawe raq ngi ma chongto, “Arjaq ara chekhap itsankhiq maq tiimali thiikang. Ngi raq ümniika ümra mung niiwa tiikitiikang, kra mung thun ma hokuq holaq. Laüta tsangshiq ma armaq phetak chhaq tiibak nyang laq.

JEREMIA 44:27

Ngi raq namshiq ka shiiman kuq mang she. Namshiq ka rongboq ma tiija mang she. Shatmaq namshiq ka athen she mir wan han. Namshiq tarü kunli mijiim han. Redong na mijiim han. Riimakla thadong na mijiim han. Namshiq ka thumpak mijiim han shaq wiiwii, jiim wan ruq mirhan. Weshi min tiichong man maq mijiim han.

JEREMIA 49:37

Ngi raq Elam mungti ka tsang jaqtinok tsangshiq tsea tankhantinok lümaq mitiiphiipha. Ngi raq itsan khiq walütu nyai tlaq kra kha na, Elam mung ka miqchup mitiithen baiqha. Kiimaq phenlabi pahea tsangshiq khat kaiti mitiikiha. Kriika tsangshiq ka tiithumpak miqchup mitiithen baiqha sha wiiwii phenlabi ka mitiikiha.

JEREMIA 8:14

“Riita nashiq ka arjiiqli shea minga siq rong i?” nguta Shiikeawe senginok liipan na bom riiwaitlo. “Warong i, nashiq ka kiittelong maq aruk chela thun kiina juwan rong! Laita kiijiiqtiq mitsai rong i. Nashiq Tatiwe Shiikeawe raq nashiq ka tiishutbaiqto she. Nashiq ka atsai changli she. Apaiq raq nashiq ma maiqchok chang liipu tiinyangto she. Jamkhano ngukla nashiq raq apaiq kiq khü laita ngarai tang wankai.

AJONJÜ 3:15

Apaiq raq ngi ma akhap akhiq chamchao phaqsea kuq raüta tiikaiditlo.

AJONJÜ 3:19

Ikhum na atsi chamchao ka, jamhü waksü liipu raq achok ikha.

EJEKIEL 5:12

Ümsengi mantsam wa, manshi rii ka chela mong na thadong raüta nai ramdong raüta mijiim. Kiimahali mantsam kiiwa manshi ka re raq chela kinphai na mijiipbaiq. Kiimaq mantsam kiiwa atiithum manshi rii kriika, Ngi raq rahai ma mitiipanbaiqha. Kiimaq tsangshiq ka re ma tiijo lata mitiijiip baiqha.

EJEKIEL 5:2

Mantsam kiiwa manshi ka chela ka re raq khat-lotto she angu na chela mong na wa maq chaqbaiqlaq. Kiimaq mantsam wa mannai ngoja kra hali lam laüta, ümjaq na shamshat maq chela tro kiijaq kinphai na tro khum laüta tap chum baiqlaq. Kriimaq atiisup mantsam ngojati kriika rahai na tiipan wanbaiqlaq. Kiimaq kriika, Ngi raq inepja maq joshjo she mijo wanha.

TRI CHONGKE 28:36

“Tatiwe raq ümnaq nai üm hokhamwe ka pong mung na mishea wan. Kra mung niika ümnaq min simaü dea kiimaq ümtitiim min simak dea. Kra mung na ümniiraq phra kong pe maq ahai nai long maq ahai thun kra mishom noq haü.

TRI CHONGKE 29:18

Tsan na atsi dada maq ümchaü ranaiq arjaq ümchu wa chap tlan, kriiwa, juwe riimin, junyung riimin, juta riimin, riimakla juwe raü riimin, Tatiwe nashiq Shiikeawe wokhong wa dongho raüta maiq mung ahinti thun sumla phra kong kra shomnoq ho raamak. Akhla riihaüla, pecham arang ka akhapwiq kiimaq maiq chok chang phan pechong ma jong wan tlaq ikha miraq.

Revelation 8:11

Kra raiqsaiqpo kaü mang ka “Akhap wiq” ngutlo. Kra raiqsaiqpo raq mangjong hiq wa kham sitlaq ka, mantsam wa manshi rii ka atiikhap she riibaiqto. Kra khamkhap nyangti maiq pahea jiimto. Tsangshiq ka khamkhap raq chok raüta tsaito.