JEREMIA 8:10 - ASII LAKDAP Bible (BSI)

¹⁰ Kra ningkhan Ngi raq tsangshiq wak ajam thun ka maiq anyeti miishe mikuqha. Kiimaq tsangnyungre ka maiq ahinti miishe miromkuqha. Maiq angu tarü, ajong aran wiita lotli raq, piikii lam na kampho ka arot akiq lam maq lap wan kriili rittlo. Shammibi nai ramwebi raq dongdii min mungmaiqse ka arot chong raüta laoliitlo.

Hawa Naga Bible 2001

¹⁰ Kvkhoc rvtueq ngaz rueq tsuingshiq wuik vnax htenc kuex vtaungjix vnyalx yauk nuex kuq gay shaungx; tsuingshiq juik nyuiuz tamx kuex vganc miq muex kuq gay shaungx. Vyungx vruinx miq pumz tek vtueq tsuingmuq ruxmuq lvmx maq kuimphox thuiyc hung wuez yaq. Shvmmax bix nuiyc shomc waz bix rueq muinz miq laulawc wuez yaq.

JEREMIA 8:10 Referencias Cruzadas

YOBA 31:10

ijamti-nyung raq maiq jamtiwe dung she michung kuq laq raüta maiq changdü niishe mikon laq.

ISAIA 28:7

Liimanta, shammibi nai ramwebi thun kiimin chephe makaiq chhaq. Che raq chokrai raüta, akü alii watrang, rakli ropli siisaq. Tsangshiq ka chetsai nai laohu chanhea baknyang raüta chokrai kha maq, sunghü tsiihü kiimaq mangrang miira siisaq. Shammibi ka pinthum cherop kong kha maq, Shiikeawe raq riisham makchhi tiichhikuqtlaq kriimin taktsü mak she. Kiimaq ramwebi kiimin chephe makaiq siisaq kha maq, tsangshiq ma kha shokwatlaq kriimin phokuq tsümak she.

ISAIA 57:17

Ngi ka tsangshiq ma itsankhiq riikang. Tsangshiq ngarai tangwan kha na kiimaq tsangshiq sükhatsii thü wan kha na khiq kang. Kra ningkhan Ngi raq tsangshiq ma mo tiihokang lata tiishaübaiq kang. Shatmaq tsangshiq ka nilannok. Krai mren tsangshiq raq lungwiitlaq kriili klo wanruq riito.

JEREMIA 14:14

Shatmaq Tatiwe raq treto, “Shammibi raq imang shaphaq raüta arot chongtlo. Ngi raq tsangshiq ka thaü mangdea. Kiimaq ngi raq tsangshiq ma aming min kuqmang dea. Kiimaq tsangshiq ma bom tsishi min chongkuq mang dea. Tsangshiq raq riisham makchhi chongtlaq thun ka ngi raq atiichhikuqha riimak. Tsangshiq raq tiithaitlaq riisham bom ka tsangshiq maiqmii khutsai maq adong bomtsi chongtlo.

JEREMIA 14:18

Ngi ka wakram kiina kikang jiila, re raq ajiipbaiq maiq maa phong kra chhitiikang, ngi chela thun kiina kikang jiila, maiq thun ka ramtsi raq atsai wan miiqmiiq kli chhitiikang. Shammibi nai ramwebi ka tsangshiq maiqmii jaqsham na motlo, shatmaq tsangshiq riika jamlaiwa shamtlaq kriimin sap mak.”

JEREMIA 17:11

Jurwa maiq laolii raüta chiithe ma jatlaq; kriiti ka wushi kaü ashi raq apaiq raq atai riimak, atai phong wokuq raüta asetiim thütlaq ikha. Arilung ka shethungpii niili atsiiq tum ka misumphaq, atiisup na apaiq ka angiwe miili she mija.

JEREMIA 22:17

Shatmaq ümniiriika ümwokpo tiima kli saptlaü; ümniiraq maiq sepii pahea tsatbaiqlaü; kiimaq ümsengi mungmaiqse ka chongwai maq hot hot buk laü. Arka Tatiwe raq ngutlo.

JEREMIA 32:32

Jamkhano ngukla tsangshiq raq Juda mungti nai Jerusalemti raq, tsangshiq hokhambi rai kiimaq tsangshiq welabi rai adam na, kiimaq tsangshiq ramwebi nai shammibi rai adam na pong raüta, ashut aphit bihea phan pahea she klo wanto.

JEREMIA 38:22

Ngi raq riisham mak maq chhikang, jechakre kong ka Juda mung hokhamwe jam mong wa dongho raüta, Bebilon mung hokhamwe sengi ajong alabi phana shea wanto. Tailaq tsangshiq raq awa wan lam maq akha nguta ngutlo: ‘Hokhamwe kongti ahea pinthumbi raq apaiq ka lamjiq na tiishonto, tsangshiq raq apaiq ka tsangkhiiqliip na rongto. Kra ningkhan ümchaü sanha ahok ka boq chum niishe thapwato, akongtibi raq apaiq ka miimbaiqto.’”

JEREMIA 42:1

Kiitiikaq phentubi tlotli rai adam maq Karea se Johanan kiimaq Heshaia se Ajaria kiimaq mungmaiqse ajong aran wiita kunli ka kiqshi maq ri raüta,

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

AJONJÜ 4:13

Kriika shammibi ngarai nai ramwebi shut kha maq thento. Tsangshiq raq sephii nojii maiqheati, tiijai raübaiqto. Kriikha na thento.

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

AMO LUIK DVP (AMOS) 5:11

Miitsan miijanti nanshanshan riiwan, tsangshiq tsamte nyeasiq wan. Arningkhan kiitelong jam hai lan, kiijaq namshiq silu man. Nam spiq tsiro tsomhea, shatmaq spiqtai nyanglu man she mirhan.

Mikha 2:4

Kra ümningthoi akhing saü wan raüjaq. Nanok raq ümrilung chamchao kra chong raüta, ümnaq slailii shi akha mishi nge, Nashiq thumkai she! Tatiwe raq nahiq nara nyea wanto she. Raüta najaqtinok ma likuqbaiqto she Naishiq ka maiq shumwi lishe”

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

Mikha 3:5

Isenginok ka shammibi raq laolii hoto. Shammi jaq maq keti miika, khu asang miraq nguta tam kuq tlo. Shatmaq jaqmaq kuqmakti miika, redong na mitsai han nguta shiikeng tlo.

HABAKUK 1:6

Jamkhano ngukla, ngi raq Bebilon mung ma, mangjong hiq lang wan miitu, ningkun she kuq tiikang. Tsangshiq ka ratho chiqhawe ikha, mangjong hiq hamli wa maiqmung thun ka, milongliiq wan. Raüta maiqmung thun ka mijam sha wan.

JEPHANIA 1:13

Tsangtsiiq tsang-nyam tum thun, wiita mirun wan; tsangshiq jam thun kiimin, wiita mitiithen baiq; tsangshiq raq jamhai tlaq kiijiimin, silumak miraq. Kiimaq spiqro chhi tlaq kiimin, spiqtai nyanglu mak miraq.”

Titus 1:11

Tsangshiq raq ajiq traho bom chongkuq tlaq kra, ümniiraq atiiwin riilaq. Tsangshiq raq lamjiq bom chongke wan kha maq, Phungmaiqse maiqta pahea, kamtsantsii ka tiipheng baiq hoto. Tsangshiq raq kra chongkuq mak chang, ajiq tri chongkuq tlo. Kriika tsangshiq maiqmii wokpo miitu, kampho lap ma nguta chongkuq tlo.

Titus 1:7

Phungtu sheati maiqla weshi she nguta sitlaq kriika, Shiikeawe jaqsham tawun howanti nguta sitlo. Kriikha maq, apaiq khum na jamlai phan mrong mra si min maimak. Apaiq tsan na ashkong tsii si raa mak. Apaiq ka mokhiq kai min khiq raa mak. Apaiq ka cherop ja raa mak. Atsan khiq raüla, jasam piqsii pheraiti ka raa mak. Atsan na kampho ma sükha tsii min rüm raa mak.