Biblia Todo Logo
La Biblia Online
- Anuncios -




JEREMIA 8:10 - Hawa Naga Bible 2001

10 Kvkhoc rvtueq ngaz rueq tsuingshiq wuik vnax htenc kuex vtaungjix vnyalx yauk nuex kuq gay shaungx; tsuingshiq juik nyuiuz tamx kuex vganc miq muex kuq gay shaungx. Vyungx vruinx miq pumz tek vtueq tsuingmuq ruxmuq lvmx maq kuimphox thuiyc hung wuez yaq. Shvmmax bix nuiyc shomc waz bix rueq muinz miq laulawc wuez yaq.

Ver Capítulo Copiar

ASII LAKDAP Bible (BSI)

10 Kra ningkhan Ngi raq tsangshiq wak ajam thun ka maiq anyeti miishe mikuqha. Kiimaq tsangnyungre ka maiq ahinti miishe miromkuqha. Maiq angu tarü, ajong aran wiita lotli raq, piikii lam na kampho ka arot akiq lam maq lap wan kriili rittlo. Shammibi nai ramwebi raq dongdii min mungmaiqse ka arot chong raüta laoliitlo.

Ver Capítulo Copiar




JEREMIA 8:10
28 Referencias Cruzadas  

ngvy taungnyuiuz kuex vganc washiz tvkoc phuiuz svy shunglumc kuy jix m-yaungx wvnc kueq, vganc miq washiz rulc vdvmz nuex m-woalc kaz kueq.


Shvmmax bix nuiyc shomc waz bix doc muinz pinhtumc juk pawx wuez vtueq rullez ngaklez khuemx wuez yaq. Tsuingshiq kuex svpiq tix nuiyc joal nuingc vjvnc ningkhvnc nuex phuinglez phamlez kvhtuip luip khuemx wuez yaq. Shvmmax bix kuex pinhtumc pawx vtueq Tishox rueq vkuq romzyac tvkhic htenc vlvmz kuex tuiuz wuez muq, shomc waz bix muinz vjvnc nuingx wuez vtueq tsuingshiq kox nuex lvmz laq yaq yauk shuimc kuex tvhungx htaungx htvp htaz kuq lot muq.


Ngaz kuex tsuingshiq mvrax nuiyc kvkax wax yaq ningkhvnc nuex thuinkhaq vtueq tsuingshiq muex murx tvgurc ruiux tuip gay tauk. Yuq muinz tsuingshiq khux tvtsanz vtueq miqmac lvmx nuex dvyx kaz wvnc tueq.


Yuq muinz Yehowa rueq tvralc tueq, “Kvruex shvmmax bix kuex ngvy muingc maq vrot vkaq jungx yaq; ngaz rueq tsuinghez kuex tvkaz mauk doc, tsuinghez muex yvmx muinz nvr mauk doc, kvjaz poshiz muinz jungx mauk doc. Tsuinghez rueq jungx yaq romzyac tvkhic bomc kuex ngvy kox wawc rvmuq, tsuinghez rueq tvluz nuex jungx yaq luingx lawc lvmz kuex tsuinghez thuinz maq tak yaq khuec guez lvmx dvyx rvtueq.


Ngaz tvnx vnax htenc nuex khuemx kaz koq tueq, ralx nuex vthueyc miq maungx htenc kuex ngaz rueq khiz tauk; ngaz miqghaq htenc nuex kaz koq tueq, khvmx vrvmc thuiuz rueq vthueyc miq maungx htenc khiz tauk. Shvmmax bix nuiyc shomc waz bix rueq tsuinghez yauk shuimc kuex tvhttoarc vtueq shuimx wuez yaq, yuq muinz tsuinghez rueq yvmx wuez shuimx yaq nguinx tuiuz wuez muq,” ngoz tueq.


Thuinz vkoarx maq kuimphox thuiyc jix waz kuex miqmac rueq tiz muq maq bumc yaq wushawx ikhoc rvtueq. Piq kuex vrullungx max suing nuex dvyx piq tsak vnyvmx tvmaq gay vtueq, tvsuip nuex piq kuex vruc vngaz muex yaungx wvnc tuex.


Yuq muinz mnoz kuex mlaung vlap vphawx dvyx lawc vtueq; mvrax vguez miq kuex thvt gay ruiux mmiqsaz htenc kuex vjvnc tuinghtuing vshuiux. Yehowa rueq jungx tueq.


Yuda miqsaz nuiyc Yerusalem ghaq jix rueq layx bac phvnx lotlaz shuimx wvnc tueq ningkhvnc nuex, tsuingshiq rulc vdvmz tsuingshiq hokhvmx bix nuiyc walaungx bix, tsuingshiq shomc waz bix nuiyc shvmmax bix htenc kuex tvbac gay tvkoc htvp htaz gay tauk.


Yuda hokhvmx hoc nuex kvjungx httax yaq yalxjuik rulc lotlaz kuex Babelon hokhvmx waz piq vyungx vlaungx bix yix nuex shvlx laq vshuex kuex ngaz rueq khiz tauk. Tsuingshiq kay wvnc yix tsuingshiq kvjaz kuex tay tvtsuingc shuiuz: ‘Hokhvmx waz piq kungjix shauk hez rueq piq muex lvmx shvlc tvyaq kuq tueq, tsuinghez rueq piq kuex taungx gay tueq. Majuiuc kuex piq yaz bok nuex htuip wvnc vtueq, piq kungjix bix rueq piq kuex gay shec tueq,’” ngoz tauk.


Kvruex yimaq nolaungx yungx bix lotlaz, Karea saz Yohanan, Heshaia saz Jezania nuiyc mungx miqsaz htvp maq htvp htenc kuex,


shvmmax bix kuex vrot vkaq kvjaz maq lvy vtueq yvmx muinz jungx muq; shomc waz bix rueq muinz shvmmax bix rueq nvr yaq rulc rv-ngvlc guimz lawc yaq, ngvy miqsaz htenc rueq tvwanc juing lvmz yvmx muinz vguez. Yuq muinz vtvsuip nuex vruex lvmz htenc lotlaz yaungx wvnc tuex nuex tsuingshiq rueq yvmx lac shuimx shvnx?” ngoz tueq jungx tueq.


Yuq muinz kvkhoc httuiuc wvnc tueq kuex yaungx wvnc tueq shex, yvmx rvtueq lac ngoz ruiux lec, kvruex ghaqyungx wawc shvmmax bix nuiyc shomc waz bix mvrax yaq vtueq mvrax vguez jix htenc thueyc tueq ningkhvnc nuex rvtueq.


Kvkhoc rvtueq ngvy miqsaz htenc kuex mnoz rueq jungx shuiux kuex tay tvkoc rvtuimx kaz wuez yaq, yuq muinz mnoz rueq jungx shuiux kvkhoc tsuingshiq rueq shuimx kaz muq. Tsuingshiq nuix bar nuex lungwawc bomc poz htenc jungphvnx ruiux muinz, kvkax wax lvmx nuex phvnx ruq dvyx rvtueq.


Nuimshiq rueq htemc saz jix kuex tuinghtuing vtueq tsuingshiq tuiz vtsvmz kuex nyvlc gay tuit ningkhvnc nuex, nuimshiq rueq guirx taq tuit svp hvlc lung yuimx htenc nuex httax lvp tuinx rvmuq, nuimshiq rueq vkhic svp hvlc svpiq sunc wawc svpiq tix kuex nuingx lvp shuinx rvmuq.


Kvkhoc vkhing httuiuc wvnc tuex nuex, miq htenc rueq nuimshiq jamjaux kuilc daz kuex bomc tv-ngvlc maq jungx wuez shuex, tsuingshiq rueq nuimshiq rvhumc wvnc tuit kuex vkhoc yonzyex shic vngoyc maq shix wuez tuex: Naungshiq kuex tvsawc ric bac wvnc vtix ix! Yehowa rueq naungshiq ghaqphux kuex lvmz gay vtueq Naungshiq lvp wvnc jix hez muex kuq gay tueq.”


Ghaqyungx mungx walaungx bix rueq khauloayc yauk noalc laung nuex guimz lawc yaq, shomc waz bix kuex yauk mauk tvkoc nuex Tvrac luik htenc vlvmz kuex tvluing kuq yaq, shvmmax bix kuex tsuingshiq rueq lvp juing kuimphox tvkoc tsuingshiq romzyac tvkhic htenc kuex kuq wuez yaq, tsuingshiq lotlaz rueq Yehowa kuex tsuingshiq rulc vdvmz httax yaq ngoz tueq jungx wuez yaq. Tsuingshiq rueq, “Naungshiq nuex yvmx muinz thuiuz sac tix rvmuq, Yehowa kuex naungshiq rulc vdvmz httax yaq,” ngoz tueq ngoz wuez yaq.


Ngvy miqsaz htenc muex laulawc jix shvmmax bix kuex tsuingshiq muex kuq yaq jix htenc muex nomic lvp tvkoc bomkhvmc kuq yaq, yuq muinz vkuy vnoalc lvmz vguez jix tvkoc kuex jaq vralx maq tvhiz sungx yaq. Kvkhoc jix shvmmax kuex Yehowa rueq,


Ngaz rueq kvhiz juing kvhtuip kvluip httax yaq Babelon miqsaz htenc muex luimc vkawc kuq shaungx. Tsuingshiq rueq vganc mungtan htenc kuex khvt gay tvkoc mungkawx nuex khuemx yaq.


Tsuingshiq tsak vnyvmx htenc sumx wvnc ruiux yuimx htenc tvbac gay shuex. Tsuingshiq rueq vguirx yuimx htenc kvyuq mkaq muinz httax lvp tuex rvmuq, svpiq sunc khic yuingc taq ruiux muinz svpiq tix nuingx lvp shuex rvmuq.”


Tsuingshiq kvjak yaq nuix kuex httuiuq gay rax yaq; yvmx khoc lac ngoz ruiux lec tsuingshiq rueq tvluingc aungx muq lvmx htenc kuex tvluingc kuy ningkhvnc nuex wvyuimx tuimx tvpanc gay tueq. Kvruex lvmz htenc lotlaz kuex tsuingshiq rueq kuimphox lvp lvmx nuex seng yaq miqyvlc vsac kvmungx lvmx laung nuex rvtueq.


Yvmx khoc lac ngoz ruiux lec phungc shunshvlc jix waz kuex Tishox yauk shuimc gurc pic jix waz ningkhvnc nuex mvrax vguez waz ruec rax tuex. Piq kuex tuluimc thuinz httaz jix, thuinkhvy jix, vjuk vpawc jix, thaungthoz wawx yez jix, rvmuq ngoz ruiux kuimphox muex rvnphvnx jix yaungc mvy muq.


Síguenos en:

Anuncios


Anuncios


¡Síguenos en WhatsApp! Síguenos