JEREMIA 8:9 - ASII LAKDAP Bible (BSI)

⁹ Namshiq phong wa taksu maiqsetiim ma jeashe mitiingaü. Tsangshiq ka mrumrang she. Kiimaq tsangshiq ka thiikho na midea. Tsangshiq raq ibomtsi shishe baiqto, Tsangshiq raq jamlai taksu tsii wa humta.

Hawa Naga Bible 2001

⁹ Wvtharc jix mmiqsaz htenc kuex yvlc svy rvhumc yaq; tsuingshiq kuex thuinz bvruik shauk vtueq bix nuex manz wuez tueq. Tsuingshiq rueq ngvy bomc htenc tvdux gay tueq; majuiuc tsuingshiq nuex yvmx taksux tharc lac httax yaq nguinx?

JEREMIA 8:9 Referencias Cruzadas

2 HOKHVMX 17:15

Apaiq raq tsangshiq ma hon atsii achongkuq thun kra tai mak tleato. Apaiq raq tsangtitiim rai tongshong wantaq raükha thun kra lang mak riito. Kiimaq apaiq raq tsangshiq honlam tsü achongkuq bomtsi thun kiimin wiita shipoq wanto. Tsangshiq raq thiihü sumla phra thun shomnoq wanto. Raüta tsangshiq maiqmii kiimin hiqtili miishe jakito. Kiimaq tsangshiq raq tsangshiq tro na siti thatsang maiqse pongmungti thung alai thun kra lang wanto. Raüta Tatiwe raq tsangshiqnok jai naq phan rongkiq nguta aming akuq kra jinbaiq wanto.

YOBA 5:12

Apaiq raq khonglaq maiqse thun raq phanrap sürii tlaq kriika wiita brak baiqtlo, kiimaq taksu maiqsetiim ka tsangshiq kiimung niili tiithap baiqtlo, krai mren tsangshiq raq klo tlaq kra atuli khoitlo;

Tvtsvmc 19:7

Tatiwe thungtri ka minhap; Kriiraq ningkun anye kuqtlo. Tatiwe aming thun ka akamsea chang, taksu tsii ahüti ma taksu tsii kuqtlo.

ISAIA 19:11

Joan chela rümti welabi ka angikong! Ejip mung wa taksma pinthumbi riimin angok angi hon atsiili chongkuqtlo! Tsangshiq ka akhiismin tiijeasi mak miili hokhamwe ma tsangshiq ka man na richüpat wa taksma welabi nai hokhambi pumsongti kong nguta jamkho tiitsakitla?

ISAIA 29:14

Kriikha na Ngi raq tsangshiq ka klata maq abuk ikha thongshi riihot bukjai na thongshi ri hali tiipat-saq mibukha. Juwa taksu maiqsetiim nguta tiimatlaq thun ka angok angikong miishe mijaki. Kiimaq tsangshiq khonglaq phaqchitu kriika khanhüli she mijaki.”

ISAIA 43:27

Ümti tipai pinthumwe riimin ngarai tangto; üm welabitiim riimin iman na ngarai tangto.

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

JEREMIA 15:6

Namshiqnok raq Ngi tiishaübaiq lan; namshiq raq Ngi ka jainong maq shungthülan. Kriikha na Ngi raq ijaq ka tliisaq lata namshiq ka tiinamtok bukbaiq kang. Jamkhano ngukla Ngi ka itsankhiq ninwan raq aniishe.

JEREMIA 19:7

Ara hiqshong armaq Ngi raq Juda mungti nai Jerusalemti raq ümtinkhan kiimung jaqsham wa misham hai nguta sürii wantaq thun kra wiita atiikan mirbaiqha. Ngi raq tsangshiq ka tsang jaqtinok ma tiikhat lata mitiitangha. Lata tsangshiq ka rekhat na wiita mitiijiip baiqha. Ngi raq tsangshiq maaphong ka rum na siti wushi kong ma nai rum nyamse kong ma mitiibak phaqha.

JEREMIA 2:8

Ramwebi raq, ‘Tatiwe ha ümbano?’ nguta waimak, Iramwebi raq ngi sapmak. Mungtubi raq ikiq khü wanto; shammibi raq Baal phra mang na tra howanto, kiimaq thiihü sumla thun shomnoq wanto.

JEREMIA 49:7

Tati Ningkun Ajongwe raq Edom mung miitu akha nguto: “Edom mungti raq tsang khutsai wa lairap ahea abi shinron tsii ka atiimo she sha riibaiqta? Tsangshiq danhonketi aki miikiimbi thun raq tsangshiq ma tsii chongkuq tsü mak she sha? Tsangshiq taksu phaqchi ka wiita amo she sha riikita?

JEREMIA 6:15

Riita tsangshiq raq atin khan maiqphai asi ashut klowan raüta, tsangshiq ka tiijeasi tlaq shea? Tiijeasi mak. Tsangshiq ka tiijeasi mak. Tsangshiq riika atiijeasi ngutlaq ka jamlai nang wa ngutlaq kriimin sap phaq mak. Arningkhan tsangshiq kiimin nanok abiti thun jamkho miqphaq wantaq, kiikhiisii mimiq phaq wan. Ümtiikiiwa ngi raq tsangshiq ma imo mitiiho ha, kra akhing kriishe tsangshiq thum wan akhing miraq. Arka Ngi, Tatiwe raq ngutiikang.”

JEREMIA 6:19

Tailaq, hiq lei! Tsangshiq raq ümchuwa ajiq kiimung wantaq kriikha na, Ngi raq tsangshiq ka miqchup mitiithen baiqha. Jamkhano ngukla tsangshiq raq, Ngi raq ashrinkuqha tri ka no na tsuqbaiqto kiimaq ibomchong lang wan mak riito.

EJEKIEL 7:26

Phanshi then jai phanshi mithen wan. Bihea mra pin raq tong wan wanli she miraq. Namshiq raq shammibi ma riisham makchhi bom miitu mitiipaiq nea han. Ramwebi raq mung maiqse ma jamlai tsütsa shrinke chang min ahü miraq. Kiimaq shiilangbi riimin namshiq ma hon atsii chongke chang jam min ahü she miraq.

AMO LUIK DVP (AMOS) 2:4

Tatiwe raq ngutlo, “Juda mungti raq atang wan ngarai, hiq ma ra ma. Arningkhan ngi raq tsangshiq tiijoq mang. Jamkhano ngukla tsangshiq raq, Tati tri raü wiita jin wanto. Kiimaq tsangshiq raq, Tatiwe aming lang wan mak riito. Tsangtitiim raq phra sumla noq wanto, raüta lamjiq na shea wanto, kiikhiisii tsangshiq riimin phra sumla noq raüta, lamjiq na kihoto.

JEKERIA 13:4

Kra akhing she saü raüla, shammibi raq riisham bomchong chongke miika ajeasi she miraq. Kiimaq shammi jamak she kiimaq shammi miirii min tiimii mak she. Mungmaiqse laolii mak she.

TRI CHONGKE 4:6

Kriithun thungtri ka tsapkapkap maq lang ronglaq. Kra klo han jiila, maiq mung phan hintinok raq namshiq ka taksu maiqsenok dea nguta michhi. Kiimaq tsangshiq raq arthun thungtri kra tai raüta, tsangshiq raq, ‘Ara mungti arka pinthum taksu kiimaq phaqchi jonghea phan maiqse!’ nguta mingu.

2 Timothy 3:15

Ümniima noseji niiphü ashrinkuq wan, Asii Bomtsi ka, ümchaü min ümtsan mong na shaqshat. Asii Bomtsi ümmong jii na shaq tlaü kriiraq, ümniika taksu ma tiija tlo. Raüta ümniiraq Khristo Jesuq ma kamtsantsii thü tlaü kra lümaq tiichhii kuq tlo.