JEREMIA 52:13 - ASII LAKDAP Bible (BSI)

¹³ Raüta apaiq raq Shomjam nai hokhamwe jam, kiimaq Jerusalem chela wa ajong alabi jam thun kra wiita wa maq chaqbaiqto.

Hawa Naga Bible 2001

¹³ Piq rueq Yerusalem wawc Shomc Yuimx, hoc htenc nuiyc vkhek miqsaz yuimx htenc lotlaz kuex jauk gay tueq,

JEREMIA 52:13 Referencias Cruzadas

1 HOKHVMX 9:8

Raüta ara Shomjam kaü arka jamriimkaü athamki ikhli she hiqrai mishotbaiq. Kiimaq maiqse angu ümchu riiwa alea wan lam maq chhi wantlaq, kriiti ka akiinyii miraq kiimaq awangli she mirwan. Raüta, ‘Riita Tatiwe raq armung ara nai ara Shomjam arka atinkhan lang langtiq jam nguto tiithen jenbaiq wantiinya?’ nguta tsangshiq raq miwai wan.

2 HOKHVMX 25:9

Raüta apaiq raq Shomjam kra, hokhamwe jam kra, kiimaq Jerusalem na siti welabi ajongbi thun jam kra wiita wa maq chaq baiqto.

2 KAÜWA WERAÜ 36:19

Apaiq raq Shomjam kiimaq chela ka among na hokhambi jam thun kra kiimaq kiijaq tsiiq anyam ümchuwa sitlaq kra thun nongnong maq wa maq chaqbaiqto. Raüta kra chela tro ruk kiimin wiita tiibun buk baiqto.

Tvtsvmc 79:1

O Shiikeawe lei, thatsang maiqse raq ümmungtan long wanto. Tsangshiq raq asii üm Shomjam tiisheshi baiqto raüta Jerusalem ka wiita tiibunbaiqto.

JEREMIA 19:13

Jerusalem wa maiqjam thun kra, kiimaq Juda mung wa hokhambi jamthun kra, kiimaq tsangshiq wukhu thung na ra na sitlaq raiqsaiq thun kra shomnoq wan homseng honglu kuq wantaq thun kra, kiimaq laihin phra thun ma che kok maq tiibok wantaq hongluke chang jamthun kra, wiita kunkun Topheth Tan jamkhiiwa ashe ma jakitaq kiikha wiita ashe siisaq she miraq.”

JEREMIA 21:10

Ngi raq ara chela arka tiihang kuq mang she dongdii nguta khatan alot wishe. Shatmaq tiibunlak she mishthenbaiqha. Ara chela arka Bebilon mung hokhamwe jaqmong niishe mikuq baiq. Kiimaq apaiq raq arka wa miishe michaqbaiq. Raüta hiqrai mishotbaiq. Arka Ngi, Tatiwe raq chong tiikang.”

JEREMIA 21:14

Shatmaq ümniiraq jamlai wa ashut klolaü kriikha na Ngi raq ümniima mo mitiihoha. Ngi raq ümhokham jam ka wa maq michaqha. Krai mren wa raq kra jam ka trotam maq bunlak mikhiimbaiq. Arka Ngi, Tatiwe raq toqtan tiikang.”

JEREMIA 22:14

Chongthum ma mija jurwa, “Ngi miitu kiitelong jam mihaiha, rathong khok thun ka binlu binli mihaiha,” nguta ngutlaq. Krai mren apaiq raq ajam ka kitanpu thun thep thep haitlo, raüta maisak pe pen maq thep haitlo raüta rongshii maq lotlo.

JEREMIA 32:29

Raüta wa maq michaq baiq, mungmaiqse raq jam wukhu thung kiijaq Baal phra ma homseng honglu chaq wantaq, kiimaq laihin phra kaütiim thun ma che honglu raükuq wan raüta itsan tiikhiq wantaq jam thun kra romshaq na michaq baiq wan.

JEREMIA 34:22

Ngi raq aming mikuqha. Tsangshiq ka ara chela khatkai nong mijangki. Tsangshiq raq ara chela ara mikhat. Raüta chela ka milap wan. Raüta arka wa maq michaqbaiq. Ngi raq Juda mung wa chela thun ka rumnyangkhi kumtsaiphii miishe mitiija baiqha. Kiijaq maiq asiti jumin ahü she miraq. Arka Ngi, Tatiwe raq toqtan tiikang.”

JEREMIA 38:23

Kiijiishe ngi raq tiitsuq akha ngukang, “Namnyung tiim thun kiimaq namsetiim thun ka wiitarü Bebilon mungti jaq khon na mikiinong kuq baiq. Raüta tsangshiq raq mishea wan. Kiimaq ümniimin tsangshiq jaq khon mong wa lun lot maü mirhaü. Bebilon mungti hokhamwe raq ümniika munglu shumwi ma mishea wan. Raüta ara chela ka wa miishe michaq baiq. Raüta botkhulai rai mishotbaiq.”

JEREMIA 6:5

Nashiq raq rawa niishetiq mikhat rong i; nashiq raq chela tro kiitelong ruk thun ka wiita mishthen baiq rong i,”

JEREMIA 7:14

Arningkhan she, ngi raq Shilo chela ka jamkho tiijabaiq kang, kiikhiisii hali, namshiq kamsiqtlan i Shomjam kaü ara ngi raq atiithen she mirbaiqha. Ara Shomjam arka ngi raq namtitiim ma akuq wanha kiimaq namshiq miimin kuq wankang. Ngi raq jamkho Shilo chela wa tiithen baiq kang kiikhiisii hali armin mitiithen baiqha.

AJONJÜ 2:5

Tatiwe ka rewe ikha ja raüta, Israil mung shiithen baiqto; Apaiq raq Israil mung wa, phentiip thun nai hokham jam thun, wiita runbaiqto. Apaiq raq Juda mungti thaq na, jonjü thaq na jonjü tiitsuq kuqto.

AJONJÜ 2:6

Apaiq shomnoq chang Jam, bunlak buncha tiibun baiqto. Apaiq raq asii liipan ranaiq thun, nai Asii Niitiitsak Ranaiq lang akhing, wiita tangta baiqto. Atsankhiq moho sintsang ka, Hokhamwe nai ramwebi ma, pilichhaq tiihoto.

AJONJÜ 2:7

Tatiwe raq apaiq hongluke chang, berong-wacha nai, apaiq asii Shomjam kiimin jai maq nong baiqto. Apaiq raq rewe ma atuk thun, runbaiq miitu kiinong kuqto. Man na naishiq shomnoq chochi chang Jam na, tsangshiq raq tang raüta riiriiq wanto,

AJONJÜ 2:8

Tatiwe raq Jajon ruk ka, tiithen baiq raa dongdii nguta, tiithen baiqto. Apaiq raq thiwiithi maq ruk ka tiitsiirai runbaiqto. Rewa khechang kongmong chong thun, bunlak buncha tiithen baiqto.

EJEKIEL 16:41

Tsangshiq raq ümjam thun kra wa maq michaqbaiq. Raüta maiq jechakre kong pahea ma ümniiraq mo hotlaü kra mitlii. Ngi raq ümniika mephe nyung ma tiija mang she mirha. Kiimaq ümkongtiwetiim ma kongphiq kuqtlaü kra tiikuq mang she mitiithaqha.

EJEKIEL 24:21

Namshiq Israilnok ma ara tsütsa ara chonglaq nguta thaüto: Namshiq raq Jerusalem Shomjam ka nganghea nguta shiikongsiqtlan. Namshiq raq kra liisea lungwiitlan kiimaq khum lanta liisea lungwiitlan. Shatmaq Tatiwe raq kra atiishe she mirbaiq. Kiimaq namshiq jamkun wa jerobi thun ümchaü Jerusalem na tiichongtlaq thun kra redong na wiita mijiipbaiq.

AMO LUIK DVP (AMOS) 2:5

Arningkhan ngi raq Juda mung na wa mitiisat ha. Jerusalem chela kiitelong peruk weshaü, wiita wa maq michaqha,” nguta Tatiwe raq chongtlo.

AMO LUIK DVP (AMOS) 6:11

Liironglaq, Tatiwe raq aming kuqtlo. Jamjong kaütiim thun ka bunlak buncha mibuk baiq. Jamransetiim thun ka apun min ahü mishthen baiq.

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

JEKERIA 11:1

Lebanon lei, kilü thun ka dithü laq, Maisak pero wa maq tiikhiim chaq ma!

Matthew 24:2

Kiijiishe, “Üm,” nguta apaiq raq treto. “Namshiq raq ara Shomjam kaü tsomwa arli liisiq tlan nya. Ngi raq chongtiikang arka tengteng: Arjam kaü ümchaü namshiq raq liisiq tlan arka, ranaiqshi akhing na namjaqti raq hiq maq barot raüta, wiita tiisii rai she mishthen baiq. Ara jam thun chhi wan tlan arka wiita mirun baiq.”