JEREMIA 52:13 - Hawa Naga Bible 2001

¹³ Piq rueq Yerusalem wawc Shomc Yuimx, hoc htenc nuiyc vkhek miqsaz yuimx htenc lotlaz kuex jauk gay tueq,

ASII LAKDAP Bible (BSI)

¹³ Raüta apaiq raq Shomjam nai hokhamwe jam, kiimaq Jerusalem chela wa ajong alabi jam thun kra wiita wa maq chaqbaiqto.

JEREMIA 52:13 Referencias Cruzadas

1 HOKHVMX 9:8

Vruex Shomc Yuimx kuex vphungc vruex gay ikhoc kvrunx bac wvnc vtueq, kvruex lvmx maq lvy wvnc jix miq ruip rawx kuex vwangc raz tueq, ‘Yehowa rueq vruex mungtan nuiyc vruex Shomc Yuimx kuex yvmx ngoz tueq lac vkhoc ruez gay tvnx?’ ngoz tueq wisoz wuez shuex.

2 HOKHVMX 25:9

Piq kuex Yerusalem wawc Shomc Yuimx, hokhvmx hoc nuiyc Yerusalem ghaq wawc vkhek miq httax yaq yuimx htenc kuex jauk gay tueq,

2 KAÜWA WERAÜ 36:19

Piq rueq Shomc Yuimx nuiyc ghaqyungx muinz hokhvmx hoc tsak vnyvmx lotlaz kuex wvr maq jauk gay tueq, ghaqyungx palx ruk muinz tvrul tvbunx gay tueq.

Tvtsvmc 79:1

O Tishox lex, mungganc jix miqsaz htenc m-ghaq mraungx kuex nyuip khvt wuez yaq. Mnoz vsawc Shomc Yuimx kuex tsuingshiq rueq tvshuy shac wvnc vshuex, Yerusalem ghaqyungx muinz httak tvbac wvnc vshuex.

JEREMIA 19:13

Yerusalem yuimx htenc, Yuda hokhvmx yuimx htenc, miqmac yuimx wux khux raungx nuex vhomc vtumc phvnx jauk vtueq ruiysuiyq htenc nuiyc vganc tishox htenc muex svpiq tix shvy vtueq shomc kuq yaq yuimx lotlaz kuex Tophet ikhoc sawc muq baung muex yaungx tuex,” ngoz tueq.

JEREMIA 21:10

Ngaz rueq vruex ghaqyungx kuex kvjungx muq tvkoc htvp htaz gay tauk, kvruex tvbac gay shuex. Kvruex ghaqyungx kuex Babelon hokhvmx muex lekuq gay vtueq, piq rueq ghaq rawx nuex httuiuc laz jauk gay shuex. Ngaz Yehowa rueq jungx vshaungx.”

JEREMIA 21:14

Yuq muinz mnoz rueq shuimx wvnc toq rulc rv-ngvlc ngaz rueq mnoz muex murx tvgurc phaungx. Mhoc kuex wvr maq jauk gay shaungx, kvmaq wvr kvraq tvroz tuimz kuex khamc gay shuex. Ngaz, Yehowa rueq jungx vshaungx.”

JEREMIA 22:14

“Ngaz rueq raungx htvp nuex htep htep khok htenc httax yaq yuimx yungx kuex ngvy shauk pumz maq guirx shaungx,” ngoz tueq jungx jix waz kuex vphoc rvhumc yaq. Kvkhoc rvtueq piq rueq vyuimx nuex katvnc puc tvpuc ruiux ruippulx maq ruk vtueq nvm-yaz shawx maq tsac shec tueq.

JEREMIA 32:29

wvr nuex jauk gay shuex. Ngvy thuinz tvkhvy muex ngoz tueq, yuimx htenc htauk nuex Bala muex vhomc vtumc phvnx jauk ruiux, vganc tishox htenc muex svpiq tix shvy shomc kuq yaq yuimx htenc kvrulc vdvmz tsuingshiq rueq kvruex ghaqyungx kuex jauk gay shuex.

JEREMIA 34:22

Ngaz rueq nvr ruiux yuq, tsuingshiq kuex vruex ghaqyungx vyuq yek waung tuex. Tsuingshiq kvruex khvt tueq, lvp tueq, nuiyc wvr maq jauk gay tueq. Ngaz rueq Yuda mungx wawc miqghaq ruinx htenc kuex ukhaq muinz httax muq ghaqkuiyq ghaqkhvmx kumtsvy tvnx ikhoc tvyaungc gay shaungx. Ngaz, Yehowa rueq jungx vshaungx.”

JEREMIA 38:23

Kvruex yimaq ngaz rueq, “M-yalxjuik nyuiuz rulx nuiyc nosaz hez lotlaz kuex Babelon miqsaz yix nuex shvlc lvy rvhumc tuex, mshauk pumz muinz tsuingshiq kox wawc dung wvnc lvp muq. Mnoz kuex Babelon hokhvmx yauk nuex khoktep nuex shuiuz gay rvhumc tuiux, vruex ghaqyungx kuex labuinx tvyaungc gay shuex,” ngoz tueq jungx tauk.

JEREMIA 6:5

Raungwvrx nuex khvt shix; ghaqyungx lung palx ruk htenc kuex tvbac wuez shuinz,” ngoz tueq.

JEREMIA 7:14

Kvkhoc rvtueq ngaz rueq Shilo ghaq kuex ruez gay tauk ikhoc mnoz rueq tvluimc vshuiux vruex Shomc Yuimx vmuinz ruez gay shaungx. Mjix m-waz tamx nuiyc mnoz muex vruex baung vmuinz Shilo ghaq nuex ruez gay tauk ikhoc rvgay shaungx.

AJONJÜ 2:5

Taungjix rueq ralx ikhoc Israel kuex tvbac gay tueq; Vpiq rueq nolaungx ghaqshungc htenc nuiyc hoc htenc kuex tvbac gay tueq. Vpiq rueq Yuda miqsaz htenc htauk nuex vhtumx vguez yonzyex kuex tvhttuiuc kuq tueq.

AJONJÜ 2:6

Vpiq kuex naungshiq rueq nawk palx shix Shomc Yuimx kuex tvhuyx tvhut rop gay tueq; Vpiq rueq vsawc raungnuiyq htenc nuiyc Vguilc raungnuiyq htenc kuex tvhtumx gay tueq. Hokhvmx waz nuiyc shomc waz rueq muinz vpiq thuinkhvy kuex rv-ngvlc rvhumc wuez yaq.

AJONJÜ 2:7

Taungjix rueq vpiq shomrawx kuex tvdux gay ruiux vpiq vsawc Shomc Yuimx kuex kuiyqshuik kuiyq shix tvyaungc gay tueq; Vpiq rueq kvruex ruk htenc kuex httak gay tvkoc ralx muex lekuq tueq. Tsuinghez kuex kungkhux nuex naungshiq rueq vkoz vkez maq nawk palx ruiux shix baung nuex lotlaungc taungx vtueq guyc sez wuez yaq.

AJONJÜ 2:8

Yehowa rueq Zion palx ruk htenc kuex httak gay tvkoc htvp htaz tueq shex; Vpiq rueq kvruex vsuingc suing tvsawc ric tvbac gay tvkoc kvruex shenc lawc yaq. Majuiuc kuex pvrrawx htenc nuiyc ruk htenc kuex vdvmz nuex httak gay tueq.

EJEKIEL 16:41

Yalxjuik rulx htenc rueq mnoz muex murx tvgurc yaq kuex mkhiz shueq, tsuingshiq rueq m-yuimx htenc kuex jauk gay shuex. Ngaz rueq mnoz kuex mehpex nyuiuz yaungx muq tvkoc muinz, lungwawc vshuiux hez muex yauk noalc kuq vshuiux kvmuinz, tvthauk gay shaungx.

EJEKIEL 24:21

Israel miqsaz muex vruex bomjungc kuex jungx kuq shuiuz: Mnoz kuex Shomc Yuimx hungc vlaungc muex ngamc ngax vtuiux. Mnoz rueq kvruex lawc roc vtueq kvyuq guilc kaz vtuiux, yuq muinz Yehowa rueq kvruex baung kuex tvshuy shac gay shuex. Yerusalem nuex tvjungx taq shec tueq m-yuimx wuinz wawc yalxtux yalxrox bix kuex ralx rvlungc nuex thvy gay rvhumc tuex.

AMO LUIK DVP (AMOS) 2:5

Kvkhoc rvtueq ngaz rueq Yuda htauk nuex wvr tvdvy vtueq Yerusalem nolaungx ghaqshungc htenc kuex tvkhamc gay shaungx,” ngoz tueq jungx tueq.

AMO LUIK DVP (AMOS) 6:11

Yehowa rueq vnvrc bomc kuq koq tueq, yuimx vyungx vruinx lotlaz kvhttak runx wvnc tuex.

Mikha 3:12

Kvkhoc rvtueq, nuimshiq ningkhvnc nuex, Zion kuex nax ikhoc htoay gay rvhumc ruiux, Yerusalem kuex tvbac httak phungc gay rvhumc tuex, Shomc Yuimx luimx kuex luingx vlak yaungx wvnc tuex.

JEKERIA 11:1

Lebanon lex, mkaluix htenc kuex daz taq shuiuz, ngoz ruiux wvr rueq mruenx pulx htenc kuex khamc gay lot shuex!

Matthew 24:2

Vpiq rueq tsuinghez muex, “Rvtueq, vruex yuimx htenc lotlaz kuex nuimshiq rueq khiz vshuinx. Ngaz rueq nuimshiq muex vsuing jungx kuq ix, vruex yuimx htenc kuex lung poshiz htauk nuex poshiz kvdaungc muq nuex httuiuc laz kvhttak bac wvnc tuex,” ngoz tueq jungx tueq.