JEREMIA 51:5 - ASII LAKDAP Bible (BSI)

⁵ Ngi, Tati Shiikeawe, Ningkun Ajongwe raq Israil mungti nai Juda mungti ka, Ngi Israilnok Ma Asiiwe, makki na ngarai pahea tang wanto. Li jiimin, Ngi, raq tsangshiq ka shubaiqtlii ka shubaiq mang.

Hawa Naga Bible 2001

⁵ Ngaz, Tvphaungc Tvsuip Yehowa Tishox kuex, Israel muex Vsawc Waz ngoz yaq ngaz muex mvrax yaq ruiux doc muinz ngaz rueq Israel nuiyc Yuda kuex gay shec mauk.

JEREMIA 51:5 Referencias Cruzadas

1 HOKHVMX 6:13

Ngi ka isenginok Israilnok rai ara ümniiraq ahai haü Shomjam mong na misi damha. Krai mren Ngi raq tsangshiq ka ümtiikii jiimin miimbaiq mang she mirha.”

2 HOKHVMX 21:16

Manase raq maiq pahea sepii tsat baiqto. Raüta Jerusalem chela chii heawea lam thun na maiq tiijai ka khamrai ma tiija wanto. Apaiq raq arthun maiq miisaq tan wantaq arka apaiq raq Juda mungti ka sumla phra phong shomnoq thiikho na tiidea baiq wantaq kra tiitsuq ma kloto. Raüta mungmaiqse ma Tatiwe makki na ngarai tiitangto.

EJRA 9:9

Naishiq ka akhing ashi na di ma jakai. Shatmaq ümniiraq naishiq ka di ama rilung mong niili ka tiishaü baiqthü maü riilaü. Ümniiraq Parsia mung langwanti hokham ajongbi thun tsan nai tsii ka, naishiqnok khuthaq na mangchan tsantsii tiichhike miitu, tsangshiq tsan nai mongjii kilü ahea she dikuq wan laü. Krai mren, tsangshiq raq naishiq ka khusang rilung shongnga wan nong miitu, kiimaq ümnaq shomnoq wan chang Shomjam atiithenbaiq kra, tiihea hai wan nong miitu kilü she dikuq laü. Kiimaq ara Judia mung nai Jerusalem chela na khusang maq shongnga wan miitu, akhing ahea she kuq wan nong tlaü.

Tvtsvmc 94:14

Tatiwe raq asenginok ka tiishaübaiq mak miraq; apaiq raq awokhong na siti ka miimbaiq mak miraq.

ISAIA 44:21

Tatiwe raq ngutlo, “Israil lei, ara tsan na tiitsanglaq; ümniika ijaqshise nguta ümtsan na thülaq. Ngi raq ümniika ijaqshise miitu phansangkang, kiimaq Ngi raq ümniika ümtiikii min laq mang she.

ISAIA 51:15

“Ngi ka Tatiwe, üm Shiikeawe; Ngi raq khamjong chum ka shotshaqshaq tiibrak tiikang, lata atso jonghea tiimok tiikang. Imang ka Ajong Thaq Ajong Tatiwe!

ISAIA 62:12

Namshiq ka “Shiikeawe sengi asii maiqsetiim,” ngutiishe mingu. “Tatiwe raq achhü wan maiqse” nguta mingu. Jerusalem ka, “Shiikeawe raq lungwiitlaq chela,” nguta mingu wan. “Shiikeawe Raq Thaqbaiq Mak Phan Chela” ngutiishe mingu wan.

JEREMIA 14:19

Tatiwe, riita ümniiraq Juda mung ka tiishaübaiqtlii dea shea tiishaübaiqlaü? Ümniiraq Jajon chelati ka shukhiq dea shea shuho laü? Ümniiraq naishiq ka tiinamtok langlang jam nguto tiiqbaiq laü? naishiq motsi ka ahea min healot mak she? Naishiq raq hansang singa miitu rit tiikai, shatmaq jamlai min ahea saümak; naishiq raq mung atsing mirwan ahiq nguta ran tiikai, shatmaq phiiptsi chang rahai kli saü wan ruqruq.

JEREMIA 14:9

Jam nguto ümniika maiqwe ashi tiihanghiiq maq atiihangrat ikha jam nguto jaki laü? phenla weshi ningkun ahü maiq khrum kuqlot mak ikha jam nguto jaki laü? Tengteng, Tatiwe lei, ümniika naishiq rai asi! Naishiq ka ümsenginok; naishiq ka naqbaiqthükiq.’”

JEREMIA 16:18

Ngi raq tsangshiq ka tsangshiq ngarai ümchuwa klo wantaq kra thaq na thep tliip lata tsangshiq ma mithamkuqha. Tsangshiq raq thep liip raüta imo ka miho. Jamkhano ngukla tsangshiq raq ngi raq akuqha mungtan ka tsitsü ahü sumla phra phong kra noq wan raüta wiita tiisheshi baiq wanto. Kiimaq tsangshiq raq arot akiq phra phong kra hiqma rama phong wan raüta ihiq shong ka tiisheshi wanto.”

JEREMIA 19:4

Ngi raq ara hiqshong ara jamkhano tiithenbaiq tiikang ngukla, tsangshiq raq ngi ka no na miimbaiqto. Raüta ara hiqshong ara laihin phra kong ma honglu takuq raüta wiita tiishe shibaiqto. Tsangshiq raq nai tsangtitiim riimin sapmak kiimaq Juda mung wa hokhambi riimin sapmak phan phra kong kra shomnoq wanto. Kiimaq tsangshiq raq ara hiqshong na khühü lamhü na maiqsang sepii thun kra tsatbaiqto. Raüta maiqsang tiijai pahea raübaiqto.

JEREMIA 23:15

“Riita arthun arkha na, Ngi Tati Ningkun Ajongwe raq, Jerusalem na siti shammibi miitu ara toqtan tiikang: Ngi raq tsangshiq ma akhap akhiq phan pecham mitiiphaqha kiimaq achok chang phan kham mitiinyangha, jamkhano ngukla tsangshiq raq ra weahü ngarai jaqsham maq armung ka tlotli tiinyam baiqto.”

JEREMIA 31:37

Riita ranaiqshi akhing na ra jonglu kra shinlot raütiq, kiimaq hiq raikhü shong chang hiq mai kü tho kra konchon wanlot raütiq, apaiq raq Israilnok ka mitiishaübaiqlot, tsangshiq raq ümtinkhan wa klo wantaq kriikha na. Arka Tatiwe raq toqtantlo.

JEREMIA 46:28

Ngi ka namshiq phana mikikang, lata namshiq ka mikhup wongkuq kang. Ngi raq maiq mung thun ka wiita mitiithen baiqha, ngi raq namshiq nyinbaiq wan kang mung thun kra, shatmaq Ngi raq namshiq ka tiithenbaiq mang, Ngi raq namshiq ka mo tiihohü ka tiihang mang; shatmaq ümtiikiiwa Ngi raq namshiq ma mo tiihotiikang, Ngi raq riikhaqli athi latli mitiihoha. Arka Ngi, Tatiwe raq toqtan tiikang.”

JEREMIA 50:20

Kra akhing she saü wan raüla, Israilnok mung na ngarai ka ahüshe miraq. Kiimaq Juda mung na abi kiimungti ka ahüshe miraq. Jamkhano ngukla, Ngi raq ümchuwa khupwong kuq wan kang maiq thun ngarai ka adiishe mirbaiqha. Arka Ngi, Tatiwe raq toqtan tiikang.”

JEREMIA 51:19

Jakob Shiikeawe ka tsangshiq kiikha riimak; apaiq ka phanrap phansangtiwe, kiimaq apaiq raq Israilnok ka awokhong na sima asenginok miishe tsea wanto. Tati Ningkun Ajongwe ka apaiq mang.

EJEKIEL 8:17

Raütiishe Tatiwe raq ngi ma nguto, “Maiqse lei, kra chhitlaü sha? Ara Juda mungti ka arthun maiqphai asi jaqsham thun arka miinan asham lamlam miili nai armung hamli na riitsea riita raq nyam wantaq kra riika tsangshiq ma mit-si li chhaq ka riimak. Tsangshiq ka ana kai raa dongdii, raüta arthun arka Shomjam na klo raa dongdii she jakito. Raüta tsangshiq raq itsan ka tiikhiq raa dongdii. Raüta itsan ka apapa tiikhiq chang kata. Liimaüta, tsangshiq raq pinthum maklii jai na tiijangphat abi jaqsham raüta ngi ka shummiitlo ahata!

EJEKIEL 9:9

Kiijiishe Shiikeawe raq treto, “Israil mungti nai Juda mungti raq achonglot mai abi pinthum ngarai thun tang raüta shutto. Tsangshiq raq mung hamli na maiq tsatbaiq wanto. Kiimaq Jerusalem ka ajiq ashut kha phong maq tiima wanto. Tsangshiq nga, Ngi, Tatiwe raq, tsang mung ka miimbaiq kang she nguta ngutlo. Kiimaq Ngi raq tsangshiq kiimin chhimang she nguta ngutlo.

Hosea 1:10

Israilnok ka puchi wan raüta khamjong phii na kumtsai riiphong tlaq ikha miraq. Awealot chang riimak miraq. Riita ümchaü ka Shiikeawe raq tsangshiq ma, “Namshiq ka isengi riimak” nguta ngutlo. Shatmaq akhing ashi misaü wan, “Namshiq ka atra Shiikeawe setiim!” nguta apaiq raq tsangshiq ka mihea wan.

Hosea 2:1

Kriikha na namphu namno Israilnok ka “Shiikeawe sengi” kiimaq “Tatiwe raq Lungwiiheanok” ngutiishe mingu wan.

Hosea 2:3

Kiimaq apaiq mephe ja ka tsaqmak, jaruq li ja raü la, ngi raq anaiq ka wiita chhut baiq lata, kheahü miishe, anyung wok mong maq, rawiichhi ranaiq na kheahü riitaq, kiikha anaiq ka michhut baiqha. Ngi raq apaiq ka wakram shinram shinriiq kealoklok, jamlai chhijang wanchang min riimak ikhiishe, mishthen baiqha. Raüta apaiq ka akhamnyangtsi raq mitsai.

Hosea 4:1

O, Israilnok lei, taironglaq, Tatiwe raq namshiq ma kha nyantlo. Tatiwe raq akha ngutlo. “Armungti raq ngi ka tsangshiq Shiikeawe nguta sap mak. Tsangshiq raq ngi ka tsapkapkap maq shomnoq mak. Kiimaq ngi ma lungwii tsantsii rüm mak.

Hosea 4:2

Tsangshiq raq kiqkhamtlo. Shatmaq tsangshiq riili diibaiq nongtlo. Tsangshiq raq arot akiq bomtlo. Kiimaq tsangshiq ka maiqtseati, ahuk jati, maiqchak rai srati, khachü thaq na khanye tiipati, mat kha ashi dong jai, khanye maq tiipati.

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

Mikha 7:20

Ümniiraq man na naititiim, Abraham nai Jakob pat na, jamkho kiqkham kuqlaü, kra phan phan, naishiq ümsenginok ka, ümniiraq tsapkapkap maq mirüm wan haü. Kiimaq mimangchan wan haü.

JEKERIA 12:6

“Kra akhing na, ngi raq Juda mungti ka ralii na peshin arongchaq ikha, kiimaq tsamkü rü wa maq achaq ikha trotam na siti maiqmung thun ka wiita mitiikhiimbaiqha. Jerusalem chelati ka chela mong na hansang miraq.

JEKERIA 12:8

Kra akhing na Tatiwe raq Jerusalem na siti ka wiita apaiq raq mikhup wongkuq. Krai mren, tsangshiq phong wa wepuq pusutwe kra dongdii min, Dawit ikha mija wan. Kiimaq Dawit saüsetiim raq tsangshiq mung ka Tatiwe rase ikha, Shiikeawe apaiq ikha, senaino mungmaiqse ka mipeng wan.

JEKERIA 2:12

Thongshiri hali Juda mungti ka Tatiwe ma apaiq asii hiqshong na tsiiqchong nyamchong ma mija wan. Kiimaq Jerusalem ka wiitarü thaq na apaiq tsantsii ranphan chang chela miishe mija wan.

1 SAMUEL 12:22

Tatiwe raq namshiq ka apaiq sengi ma tiija wan miitu thapthi wanto she. Apaiq raq sinkham raüpot atsin maq namshiq miitu khakuqto she. Apaiq raq namshiq ka tiishaü baiq mak she.