JEREMIA 51:5 - Hawa Naga Bible 2001

⁵ Ngaz, Tvphaungc Tvsuip Yehowa Tishox kuex, Israel muex Vsawc Waz ngoz yaq ngaz muex mvrax yaq ruiux doc muinz ngaz rueq Israel nuiyc Yuda kuex gay shec mauk.

ASII LAKDAP Bible (BSI)

⁵ Ngi, Tati Shiikeawe, Ningkun Ajongwe raq Israil mungti nai Juda mungti ka, Ngi Israilnok Ma Asiiwe, makki na ngarai pahea tang wanto. Li jiimin, Ngi, raq tsangshiq ka shubaiqtlii ka shubaiq mang.

JEREMIA 51:5 Referencias Cruzadas

1 HOKHVMX 6:13

Mnoz rueq guirx vshuiux Shomc Yuimx vyuq ngvy miqsaz Israel rulc vdvmz nuex httax taungx, tsuingshiq kuex mkaq muinz ngaz rueq httvr gay shaungx rvmuq,” ngoz tueq jungx tueq.

2 HOKHVMX 21:16

Manase rueq mvrax vguez miq paunghvlc thvy gay ningkhvnc nuex Yerusalem lvmx nuex tvguiy yvlx yaq; Yuda miqsaz htenc kuex yac yuimx nawk layx nuex shvlx wvnc vtueq Yehowa muex mvrax yaq juing lvmx nuex tsuingshiq muex jvnc vtueq piq rueq tvshuimc wvnc tueq.

EJRA 9:9

Nuiyshiq kuex dax hez rvtiq, yuq muinz mnoz rueq nuiyshiq kuex dax yauk shuimc nuex tuip gay shec phux rvmuq. Yuda mungx nuiyc Yerusalem nuex kvwungx juing lvmx humc wvnc tiq, tvhttoarc vtueq httaz lvp tvkoc muinz, kvhttak bac kaz tueq Mshomc Yuimx kuex tvhvlc guirc yek tvkoc muinz, Persia honoc ningkhvnc nuex mnoz rueq nuiyshiq muex htvlx phawc tvlvp kuq phux.

Tvtsvmc 94:14

Yehowa rueq vpiq miqsaz htenc kuex tuip gay shuex rvmuq; vpiq nuex seng yaq miq htenc kuex gay shuex rvmuq.

ISAIA 44:21

Yehowa rueq, “Israel lex, vruex rvwvl shuiuz; mnoz kuex ngvy nvrc waz rvtoq kuex rvwvl shuiuz. Ngaz rueq mnoz kuex ngvy nvrc waz tvyaungc muex tvdung sung phaungx, ngaz rueq mnoz kuex mkaq muinz lauk gay mauk.

ISAIA 51:15

“Ngaz kuex Yehowa nuimshiq Tishox rvtauk; Ngaz rueq svmuktvrax kuex tvbvruik vtueq yuix daungx tvruingc tvdung tauk. Ngvy muingc kuex Tvphaungc Tvsuip Yehowa rvtauk!

ISAIA 62:12

Mnoz kuex “Tishox muex Vsawc miqsaz, Yehowa rueq vpalc wvnc miqsaz,” ngoz tueq ngoz shuex. Yerusalem kvmuinz “Tishox rueq Lungwawx yaq Ghaqyungx,” “Tishox rueq Tuip gay Muq Ghaqyungx,” ngoz tueq ngoz shuex.

JEREMIA 14:19

Yehowa lex, mnoz rueq Yuda mungx kuex tvdux gay tvlanc shec haz? Mnoz rueq Zion miqsaz haz shuiuc vshuiux? Nuiyshiq hvlx lot miq laz juing mnoz rueq yvmx ngoz tueq lac nuiyshiq tvthuiuz sac hvlc ruez vphux? Nuiyshiq rueq nomic lvmx kuex thuiyx vshix, yuq muinz vhvlx muex yaungx muq; nuiyshiq hvlc wvnc tvkoc tvluimc vshix, yuq muinz vhiz juing dvyx dung wvnc yaq.

JEREMIA 14:9

Mnoz kuex yvmx ngoz tueq lac kvtawx ngawx kaz vtueq, romc kuy tvkoc hungc vlaungc vnulx nolaungx waz ikhoc yaungx kaz tuiux? Vsuing, mnoz kuex nuiyshiq rulc vdvmz httax vtuiux! Nuiyshiq kuex mmiqsaz rvtiq; nuiyshiq kuex nauk tuip gay vkueq,’ ” ngoz tueq ramc jungx tueq.

JEREMIA 16:18

Tsuingshiq rueq ngvy mungtan kuex thuiuzthuic vguez vmaungx ikhoc dvyx phara yac yuimx htenc maq tvshuy shac vtueq, tsuingshiq vrot vkaq tishox htenc maq tvmvrc yaq ningkhvnc nuex, ngaz rueq tsuingshiq kuex tsuingshiq mvrax nuiyc honc bac htenc laung nuex murx mvnnueyc kuq shaungx,” ngoz tueq jungx tueq.

JEREMIA 19:4

Ngaz rueq vruex shuimx shaungx, yvmx khoc lac ngoz ruiux lec miq htenc rueq ngaz kuex tuip gay phuex; tsuingshiq nuiyc tsuingshiq jix vwaz tamx rueq muinz, Yuda hokhvmx bix rueq muinz tuiuz muq vganc tishox htenc muex vruex baung htenc vyuq, shomc nawk kuy juing maq shomc kuq vtueq tvshuy shac tueq. Tsuingshiq rueq vruex baung vyuq mvrax vguez miqsaz tvguiy tvmvrc tueq,

JEREMIA 23:15

“Kvkhoc rvtueq, vruex kuex ngaz, Tvphaungc Tvsuip Yehowa rueq Yerusalem shvmmax bix nuex seng vtueq vjungx kvjaz rvtueq: “Ngaz rueq tsuingshiq muex khuip hvlc pulx ruingx phuiuz tvkoc nuiyc vyangx vhttax tix kuex tvnuingc tvkoc kuq tauk, yvmx khoc lac ngoz ruiux lec tsuingshiq rueq wvmungx tuimx nuex tishox htenc honc vyaungc kuex tv-nyvmc wvnc ningkhvnc nuex rvtueq,” ngoz tueq.

JEREMIA 31:37

Raungnuiyq shishiz nuex raungx kuex htaz lot vtueq mungkawx vjungx vbaung kuex thuiyx konx lawc lot ruiux yuq jix, Israel miqsaz tsuingshiq lotlaz rueq shuimx wvnc tueq yauk shuimc ningkhvnc nuex vpiq rueq tvdux gay shuex. Yehowa vpiq rueq jungx tueq.

JEREMIA 46:28

Ngaz kuex nuimshiq kox nuex kaz vtueq palc kaz raungx. Ngaz rueq nuimshiq tvpanc gay phaungx mungtan wawc miqphvnx lotlaz kuex ngaz rueq tvbac gay shaungx, yuq muinz ngaz rueq mnoz kuex tvbac gay mauk. Ngaz rueq nuimshiq muex murx tvgurc mauk maq httvr gay phaungx rvmuq; yuq muinz ngaz rueq mnoz muex murx tvgurc phaungx nuex, ngaz kuex tvrac vlvmz maq tvgurc phaungx. Ngaz, Yehowa rueq jungx vshaungx.”

JEREMIA 50:20

Kvruex vkhing httuiuc tuex nuex, ngaz rueq vtvjungx taq shec miq htenc muex mvrax kuex dawc kuq shaungx ningkhvnc nuex, Israel miqsaz htenc nuex yvmx mvrax muinz humc shaungx rvmuq, Yuda nuex muinz layx vbac phvnx kop tuex rvmuq. Ngaz, Yehowa rueq jungx tauk.”

JEREMIA 51:19

Yaku Tishox kuex tsuingshiq rulc rv-ngvlc yaq rvmuq; vpiq kuex phvnx ruip saz tvdungc sungc jix waz rvtueq, vpiq rueq Israel kuex vpiq miq tvyaungc muex thvl taq tueq. Tvphaungc Tvsuip Yehowa kuex vpiq muingc rvtueq.

EJEKIEL 8:17

Yehowa rueq ngaz muex, “Vthueyc rvyaq miq lex, kvkhoc ruez yaq kuex khiz toq haz? Kvruex Yuda miqsaz htenc kuex vruex yuq mnoz rueq khiz vshuiux tsuingshiq rueq shuimx yaq miqsuirc vsac yauk shuimc lotlaz nuiyc wvmungx tuimx nuex yauk laungc yalawx rvyaq kvmac doc muinz thuinz suing wuez yaq rvmuq. Tsuingshiq kuex vruex Shomc Yuimx mungx nuex kaz vtueq ngvy thuinz pinhtumc tvkhaq wuez yaq. Tsuingshiq rueq ngaz kuex rvlot yaq tanc khvnc maq wvlc guez waqguez mtanc lac yomnamc yaq nguinx kuex lawc shuiuz!

EJEKIEL 9:9

Tishox rueq, “Israel nuiyc Yuda miqsaz htenc kuex kvhiz juing mvrax htenc yaq gay tueq. Tsuingshiq rueq wvmungx tuimx nuex miq thvy gay mvrax yaq gay nuiyc Yerusalem muinz mvrax yauk shuimc htenc mvrc yaq. Ngaz, Yehowa rueq tsuingshiq mungtan kuex gay shec ruiux, tsuingshiq kuex khiz muq shex ngoz tueq tsuingshiq rueq jungx wuez yaq.

Hosea 1:10

Israel miqsaz kuex svmuktvrax wawc kumtsvy ikhoc vwvlc vhtaz lot miq laz juing paung wvnc tuex. Majuiuc Tishox rueq tsuingshiq muex jungx tueq, “Nuimshiq kuex ngvy miqsaz rvmuq,” yuq muinz kvruex raungnuiyq httuiuc wvnc tuex nuex vpiq rueq tsuingshiq muex jungx shuex, “Nuimshiq kuex vtvraungx httax yaq Tishox suiuz vsaz hez rvtuit!” ngoz tueq ngoz shuex.

Hosea 2:1

Kvkhoc rvtueq mphuz mnox Israel miqsaz htenc kuex, “Tishox miqsaz” nuiyc “Taungjix rueq lungwawx rvhumc jix hez,” ngoz tueq gvl shuiux.

Hosea 2:3

Kvruex yauk shuimc kuex piq rueq httvr muq ngoz ruiux yuq, ngaz rueq piq khoz vkhvy kuex put gay ruiux piq jawx tueq raungnuiyq ikhoc sawkumx ruez kuq shaungx. Ngaz rueq piq kuex httuiz rawk yaq ghaq sawc htungx ikhoc tvyaungc gay shaungx, piq kuex khvmx svy rueq thueyc wvnc tuex.

Hosea 4:1

Yehowa rueq vruex mungtan nuex httax yaq miqsaz htenc muex khawc lvlc juing httax yaq. Israel lex, vpiq rueq jungx yaq kuex tay shuiuz: “Vruex mungtan vyuq tvmtuing nuiyc lungwawc thuinz ngoz tueq vguez, miq htenc rueq muinz ngaz ngoc Tishox rvtueq ngoz tueq kvjungc wuez muq.

Hosea 4:2

Tsuingshiq rueq bomkhvmc taq tueq kvruex tvbac gay tueq; tsuingshiq kuex vrot vkaq, miq thvy gay, vguiuq nuiyc miqjuik miqwaz rulc rvsenc yauk shuimc shuimx wuez yaq. Khuec khac yauk shuimc paung wvnc vtueq miq thvy khac kvhtvp kvhtvp yaungx yaq.

Mikha 7:18

O Yehowa lex, mnoz rulc rv-ngvlc jix vganc tishox vguez; kvjungx yaq mmiqsaz htenc rueq khawx lvlx yaq mvrax htenc kuex dawc kuq shuiuz, mnoz kuex pattup thuinkhaq vtuiux rvmuq, yuq muinz mnoz kuex nuiyshiq muex phaungx ngaungx yaq lungwawc thuinz taq vshuiux.

Mikha 7:20

Mnoz rueq mvnnuex pat maq phuex nuiyshiq jix vwaz tamx muex mnoz rueq kuq toq bomkhvmc rulc rv-ngvlc, Abraham nuiyc Yaku suiuz vsaz phvnx rvtueq mmiqsaz htenc muex mnoz tvmtuing nuiyc phaungx ngaungx yaq lungwawc thuinz kuex tvkhic shuiux rvtueq.

JEKERIA 12:6

“Kvkaq Yuda phvnx waruiuz htenc kuex yaruix wvr ikhoc muinz, tsvmz muinc ruix nuex luic yaq wvr ikhoc muinz tvyaungc gay shaungx, tsuingshiq rueq tvroz wawc miqphvnx htenc kuex tvbac gay shuex. Yerusalem ghaq wuinz kuex ghaqyungx mungx nuex kvwungx httax wuez tuex.

JEKERIA 12:8

Kvkaq Yehowa rueq Yerusalem nuex httax yaq htenc kuex tvkhup wungx shuex, tsuinghez wawc hungc vlaungc vnulx jix waz doc muinz Dawid ikhoc hungc vlaungc vhttax waz muex yaungx wvnc tuex. Dawid suiuz vsaz phvnx kuex Yehowa raungkamx ikhoc, Tishox vpiq pumz ikhoc tsuingshiq muex lvmx shvlx shuex.

JEKERIA 2:12

Yuda kuex Yehowa vpiq vsawc mungtan nuex lauk shiz htep hulawx guimz lawc rvhumc yek tuex, Yerusalem kuex lotlaz htauk nuex vpiq rueq lungwawc hvlc ghaqyungx yaungx tuex.

1 SAMUEL 12:22

Yehowa rueq kenrix bomkhvmc taq tueq rulc rv-ngvlc nuimshiq kuex vpiq miqsaz shauk muex tvyaungc muex vpiq rueq htvp htaz wvnc tueq ningkhvnc nuex vpiq rueq nuimshiq kuex httvr muq.