JEREMIA 5:22 - ASII LAKDAP Bible (BSI)

²² Ngi ka Tatiwe; Namshiq ngi ma hai man ka jaro? Namshiq raq ngi ma namhai tiisiman jaro ngikilan? Ngi raq khamjong chumkii na kumtsai ka phong lata khamjong chum hiq rai thükang. Kriika pattup pat-sa miitu. Kham raq liim wan lot mak she. Khamjong chum ka rathaiq wan raüla miblunrai sham. Shatmaq ara takii rai ka lüm wan lot mak she. Khamjong chum ka miblun siq wan sham. Shatmaq takii raikang kra lüm wan lot mak.

Hawa Naga Bible 2001

²² Ngaz kuex Yehowa rvtauk; nuimshiq kuex yvmx ngoz tueq lac ngaz muex hiz muit? Ngvy max nuex yvmx ngoz tueq lac nuimshiq kvkhuirc muit? Ngaz rueq svmuktvrax tvkoc ghaqruiy vtueq, yuix rueq yanz wvnc muq laung kumtsvy maq ruiy taq tauk. Svmuktvrax yuix daungx duiz yaq, yuq muinz yanz lot muq; yuix daungx kuex tvruingx yaq, yuq muinz ghaqruiy kuex yanz lot muq.

JEREMIA 5:22 Referencias Cruzadas

RAPHA HIQWA LAK 1:9

Raütiishe Shiikeawe raq akha aming kuqto, “Ra takiq wa kham ka bashi na riichomlaq, raüta hiq ka midonglaq,” kiimaq kriika dongto.

1 HOKHVMX 13:28

Krai mren apaiq ka kumtoq kaü thaq na ngaraüta kihoto. Raüta kra shammiwe maa ka lam na weraü chhihoto. Kiimaq kumtoq kaü nai hangsikaü kiimin kiijaq chap shat li lohoto. Hangsikaü raq kra maiq maa ka phaq mak dea. Kiimaq kumtoq kaü kiimin kaq mak dea riito.

YOBA 26:10

Apaiq raq rawüli ka ranyaq nyang wa sammok tra chum na atro honbaiq raüta tiikho baiqto.

YOBA 37:24

Arningkhan, awang rai chang ka ahü, maiqse angu wiita ka apaiq man na khakii akei alei chaptlo, kiimaq apaiq raq taksu maiqsetiim nguta tiitsakiti ka brorii mak.

YOBA 38:8

Hiq mong nyang maq kham phok raüta, khamjong chum klo wantaq akhing na, khamsha kilü thun kra shaqbaiqti ka juwa?

Tvtsvmc 104:9

Ümniiraq hiqrai ka tsangshiq raq jinlot mak chang tiihonglaü, tsangshiq raq hiq ka thongshi lümbaiqnong mak chang miitu.

Tvtsvmc 119:120

Ümniima ngi kai hai tiikang; ngi ka ümniiraq kha photlaü kriima pinthum hai tiikang.

Tvtsvmc 33:7

Apaiq raq khamjong chum thun ka bashi na riichomto; apaiq raq sammoktra chummak thun ka khamtum mong na shaqbaiqto.

Tvtsvmc 46:3

kiimaq khamjong chum thun ka amok watrang la khiqtrang wan raü min, kiimaq kra muwantaq kriiraq kin thun kra tiibai wan raü min, nashiq ka haisong mai.

Tvtsvmc 99:1

Tatiwe ka hokham; kiimaq mungmaiqse thun tiikhaitlo. Abaiq ngacho cherubimkaü thun thaq na ato kiijaq ngatlo kiimaq hiq ka tiikhai banban mutlo.

TAKSU LAK 8:29

kiimaq khamjong raikii thun ka, apaiq aming phanphan raiwantaq akhing na, apaiq raq mangjong hiq raikhü tiiq wantaq akhing na, ngi ka asi she dongdii riikang.

ISAIA 50:2

“Isenginok raq ibom jam nguto tremak, Ngi ka tsangshiq phana tsangshiq tiichhiikekai kikang ta? Ngi raq tsangshiq hea kang ta, tsangshiq raq ibom jamto tremak? Ngi ka ningkun jomhea tsangshiq tiichhiikuqlot mang shea? Ngi raq khamjong chum ka bom tsishi miili trübaiqlot tiikang, kiimaq khamrai thun ka kumtsaiphii wang ma mitiijabaiqlot ha, krai mren kiijaq siti ngiq ka kham ahü kha maq wiita mijiim.

ISAIA 64:2

Tsangshiq ka khamtak wa na atiida kham phomraitlaq ikha mitiikhai siq wan. Kira satkikiq. Laüta ümningkun ka ümjaqtinok ma tiichhikuq laq. Kiimaq ümman na maiq mung thun kra akii anyii miphiipsiq laq!

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

JEREMIA 10:7

Ümniika maiq mung thun tlotli thaq na hokham, ümnaq shreng makti ka juwa maiq asi shea? Ümnaq shreng ka thektlo dongdii. Ümniikhan ahin ka jumin ahü, maiq mung thun na sitlaq taksma maiqse phong na. Kiimaq tsangshiq hokhambi phong niimin ahü.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 31:35

Tatiwe raq rashe kaü ka ranaiq na atiikii riitlo, Jipi kaü nai raiqsaiq thun ka rawa na tli liimtlo. Apaiq raq khamjong chum ka brakbaiqtlo, raüta amok dungdung tiimoktlo; apaiq mang ka Tatiwe Ningkun Ajongwe.

DANIEL 6:26

Ngi raq ara imungtan na siti mungmaiqse wiita ma, Daniel Shiikeawe kiima haisong tsantsii thü raa, kiimaq apaiq ka shreng raa nguta aming kuq tiikang: “Apaiq ka atra Shiikeawe, kiimaq apaiq riili pattup pat-sa, mung mipeng. Apaiq mungtan ka pattup thenki mak phan, kiimaq apaiq ningkun ka ümtiikiimin thummak phan.

AMO LUIK DVP (AMOS) 4:12

“Riita, ara chongtiikang akha, Israilnok lei, ngi raq namshiq kha ka mipho ha. Lata namshiq ka mitiichamchao ha. O, Israilnok lei, namshiq Shiikeawe rung na chap ma, khekham sirong laq!”

AMO LUIK DVP (AMOS) 9:6

Tatiwe raq ajam ka ramungtan na haitlo. Raüta mangjong hiq ka, ramungtan tiingachang khamchong ma tiija tlo. Apaiq raq khamjong chum wa kham ka khutlo. Raüta mangjong hiq raikhü na raütlo. Apaiq mang ka Tatiwe

Jona 1:16

Kiijiishe kiiwa maiqthun ka Tatiwe ma pinthum haisong raüta, tsangshiq raq Tatiwe ma honglu kuqto. Kiimaq tsangshiq raq Tatiwe minoq hai nguta sinkiitiqto.

NAHUM 1:4

Apaiq raq khamjong chum ma aming kuqtlo. Apaiq raq jürai thun trü baiqtlo! Hiqpo hiqwin Bashan tan kiimin, ashin riikitlo, Karmel pum kiimin, ajung she riikito, kiimaq Lebanon pepü kiimin, jukkito.

Matthew 10:28

Maiqse riika han-ngam khum kli mitsat lot; shatmaq wenyi ka tsatlot mak she. Tsangshiq miika naqhai rongkiq. Shatmaq han-ngam nai asak tsitsü kra wamungtan na tiikai lotti we Shiikeawe miili haisong tsantsii ka rüm lanta siwan lili ronglaq.

Mark 4:39

Krai mren, Jesuq ka tiidopot raüta rathaiq ma, “Kaiq laq!” nguta aming kuqto. Kiimaq khamtso miimin “Sang laq!” nguta aming kuqto. Krai mren, rathaiq wa ka tsaqsaq she tsaqkito. Kiimaq tiikaiqshak sanglili she riito.

Luke 12:5

Namshiq ka ju ma hai chang wa kriika ngi chongpha, taironglaq. Namshiq ka Shiikeawe miili hai chang. Shiikeawe riika, han-ngam khum kra tsea baiq lot jai min, wenyi rilung kra wamungtan na michaq baiq. Ara i bomchong arma kam ronglaq. Namshiq ka Shiikeawe miili hai chang!

TRI CHONGKE 28:58

“Kiimaq ümniiraq ara lakdap na Shiikeawe raq shrinkuqtlaq bomtsi thun ara tsapkapkap maq lang maü raüla, kiimaq ümniiraq awang chang mang kiimaq maiqkha akii haisi chang Tatiwe üm Shiikeawe mang kra shreng maü rii haüla,

Revelation 15:4

O Tati we lei, ümniima haimakti juwa? Ümmang jong ka tiitsam makti juwa? Ümniili kata asii. Mangjong maiqse angu raq, ümniili she mishom noq. Ating arai ümjaq sham, tsangshiq raq chhi wanto.”