JEREMIA 5:23 - ASII LAKDAP Bible (BSI)

²³ Shatmaq namshiqtiq shea! Namshiq ka maiqphan riiman; Nilannok wanshakshak. Ikiq khüwa sruli. Namshiq ka iwokhong wa juho lan. Lantea ngi ka miimbaiq thülan.

Hawa Naga Bible 2001

²³ Yuq muinz miq htenc lex, Nuimshiq khux tvtsanz vtueq khawx lvlx ruiux; lvmx tvyaq vtueq ngaz kox maq kaz wvnc vtuinx.

JEREMIA 5:23 Referencias Cruzadas

Tvtsvmc 78:8

Tsangshiq ka tsangtitiim kiikha riimak mirlaq, Tsangtitiim pat ka kiqkhii sruwali kiimaq nilan, tsangshiq raq Shiikeawe ma kamtsii ka ümtiikiimin pharangrang maq thümak kiimaq tsangshiq ka apaiq wokhong na tsapkapkap simak riito.

Tvtsvmc 95:10

Wiiroqblai tinkhit Ngi ka tsangshiq ma ishusihea liiromang riikang. Ngi raq ngukang, ‘Tsangshiq ka iwokhong na simak abi pinthum! Tsangshiq raq ngi aming thun lang mak khiitlo.’

ISAIA 1:5

Ümniiraq ikiq khü wanli she ka jam nguto sruriitlaü? Riita ümniiriika imo ka arthaq niimin laihea howan sha rotlaü? Israil loi, ümkhupo niika ümchaü sanha ami atsi phongli she. Kiimaq ümtsantsii nai ümkhutsai ka wiita atsi makaiq she.

ISAIA 31:6

Tatiwe raq nguto, “Israilnok lei, namshiq raq imakki na ngarai tanglan kiimaq ikiq khiilan. Shatmaq ümchaü sanha iwokhong na jang wa rongkiq she!

JEREMIA 17:9

“Maiqse tsantsii ka juro mikhon lot? Atinkhan laopha pinthum ka ahü; Arka ahealot chang riimak tsihea.

JEREMIA 4:17

Kiimaq tsangshiq raq Jerusalem ka trotam maq wakkheti raq khetlaq ikha mikom wan. Jamkhano ngukla Jerusalem chelati raq Tatiwe kiq khiiwanto. Arka Tatiwe raq ngutlo.

JEREMIA 5:5

Ngi ka ajong alabi phana mikiha, lata tsangshiq rai mirbom kiha. Tengteng, tsangshiq raq jamlai jaqsham raüwa Shiikeawe raq miro kriika asap ahiq na, Tatiwe raq tsangshiq ma jamlai jaq tiisham rowa kriika asap ahiq.” Shatmaq tsangshiq tarü ka Tatiwe wokhong na simak, kiimaq apaiq aming ka langmak.

JEREMIA 6:28

Tsangshiq ka wiita kunli nilan kong wanshakshak ikiqkhiiti siisaq. Miiki ngam ikha siisaq. Tsangshiq tsantsii ka jinbu ikha tsindang dang siisaq. Tsangshiq tarü ka anam akam kong siisaq. Ashut kiimungti tonglong. Barap binrii na khumshkhum maq shapshaü miqshii tiikonti siisaq.

Hosea 11:7

Isenginok iwokhong wa dongho roli hongla wanto. Krai mren maiqtijong howanto. Raüta maiqdikong ma jawanto. Chamchao tsi maq hoqphaq wanto. Shatmaq ngi raq tsangshiq maaho tre mang.

Hosea 4:8

Namshiq raq isenginok ngarai tsiiq siq lanta, chiithe ma jatlan. Kriikha na mungmaiqse ma, ngarai apapa tiitang tlan.

JEPHANIA 3:1

Jerusalem chela ka thento she, mungrüm kappe sham tsin mak, Shiikeawe bom taimak chelati, senaino mungmaiqse shaphaqti.

TRI CHONGKE 21:18

“Bom shiiton maiq weshi ka ase ashi asi miraq. Apaiq ka maiq bom taimak wanshak shak. Kiimaq anyungwe bom tai mak maiq kiq khiiwa sruli. Anyungwe raq atiitsii ma tsat son raü min tsii mak.

TRI CHONGKE 31:27

Ngi raq asapha tsangshiq ka nilan wanshak shak kiimaq Tatiwe kiq khii srutinok. Tsangshiq ka iri lung na Tatiwe kiq khii wanti. Kiimaq ngi ahü jijai niika tsangshiq raq Tatiwe kiq khii ka sruhea she miheng wan.

Hebrews 3:12

Lungwii Phungmaiqse phunainotiim lei, namshiq phong wa jurmin tiima tsantsii ka abi naq thü rongkiq. Tsantsii abi thüti nai angiim boqshat maq siti ka, atra Shiikeawe wokhong wa adong mirho. Shiikeawe wokhong wa dongho man chang miitu, honkam shat maq si rong laq.