JEREMIA 5:21 - ASII LAKDAP Bible (BSI)

²¹ Samhea tiitsang taironglaq, namshiq angok anginok kiimaq maiqjiqnok raq. Nammakpo ka asi; shatmaq chhiman. Kiimaq namni ka asii shatmaq maiqbom ka taiman.

Hawa Naga Bible 2001

²¹ muik httax yaq, yuq muinz khiz muq, nac httax yaq, yuq muinz tay muq, miqyaq tharc guez miq lex, tay shuinz.

JEREMIA 5:21 Referencias Cruzadas

Tvtsvmc 94:8

Isenginok lei, namshiq ka atinkhan ngilasang jaro ngikilan? Namshiq raq ümtinchotiq wa tsii michhihan?

TAKSU LAK 17:16

Maiqjiqti raq phaqchi tsin miitu, laktlang kai kampho wanbaiq ka atuli. Jamkhano ngukla atsii sintla ahü.

ISAIA 27:11

Pechong wa akü ako thun ka wiita ajungshe riikito. Raüta angoq she riikito. Kriika jechakre raq chin miishe riichom chaqtlo. Tsangshiq raq tsang tsü chhimak kha she, tsang Phansangti Shiikeawe raq tsangshiq ka mangchan mak she miraq. Kiimaq tsangshiq ma tiihang mangchan tiichhikuq mak miraq.

ISAIA 43:8

Shiikeawe raq ngutlo, “Isenginok ka rung na tiichap ronglaq. Tsangshiq ka wiimak shatmaq makchuk; tsangshiq ka wiini, shatmaq nibii!

ISAIA 44:18

Akhnok maiqse kong ka angi ngila sang kong. Tsangshiq raq jamlai wa klotlaq kra sapphaq mak. Tsangshiq mak ka achuk kai kunshe. Kiimaq tsang khutsai kiimin abi kaikun she. Tengteng bomtsi ka tak wan lot mak she.

JEREMIA 10:8

Tsangshiq tlotli ka maiqjiq kiimaq angikong. Pe sumla phong kriiwa tsangshiq raq jamlai wa misap tsin?

JEREMIA 4:22

Tatiwe raq ngutlo, “Isenginok ka maiqjiq angikong; tsangshiq raq ngi sap mak. Tsangshiq ka nosere maiqjiqse kong ikha; tsangshiq raq takmak. Tsangshiq ka abi kiimung lam na siimakong, shatmaq jaqsham ahea phan sham ka sapmak.”

JEREMIA 5:20

Tatiwe raq ngutlo, “Jakob saüsetiim ma chonglaq, Juda mungti ma chonglaq:

JEREMIA 5:4

Kiijiishe ngi raq akha tiimakang, “Arkong arka miitsan maiqse kong, kiimaq jammin sapmak kong. Tsangshiq ka angok angi ikhli sitlo. Tsangshiq raq Shiikeawe tri lam phan sap mak. Tatiwe ka tsangshiq raq jamlai jaqsham raüwa michochi kra sap mak.

JEREMIA 6:10

Ngi raq akha trekang, “Ngi raq tsangshiq ma honlam tsii chongkuqha jiika ibom ka juro mitai? Tsangshiq ka nilan krai mren ümtsütsa ka chongkuqki raümin taimak angiimli riitlo. Ümniiraq ngi ma jamlai bom wa tiichongki tlaü, kra chongki kangla, tsangshiq raq ngi ka anaiküli riitlo.

JEREMIA 7:13

Ngi raq namshiq ma bliiq kiki chongkuq wankang. Shatmaq namshiq raq arthun ngarai tang wan lan. Namshiq raq ibom taiman, ikiq khiiwan lan. Ngi raq namshiq mangchong lata heawan pha jiila, namshiq raq ibom ka treman.

JEREMIA 8:7

Rum wushi stok kong raq santla tsangshiq ka ümtincho na laü wan nong changwa kra akhing ka asap. Kiimaq haütaü kong, tsakklailu kong, kiimaq wukam kong raq santla tsangshiq ka ümtincho na laüho chang wa kra akhing ka asap. Shatmaq isenginok, namshiq riitiq nya ngi raq namshiq peng tiikang thung alai kra sap man.

EJEKIEL 12:2

“Maiqse lei, ümniika ikiq khii sruwali, nilannok rai sitlaü. Tsangshiq mak ka asi. Shatmaq tsangshiq raq jam min chhimak. Tsangni ka asi. Shatmaq tsangshiq raq jamlai min taimak. Jamkhano ngukla tsangshiq ka maiqkiq khü srutinok.

Hosea 7:11

Angi parokaü phephiiq raitlaq ikha, Israilnok ka phephiiq raitlo, apha na Ejip mung tijong hokito! Kra jai maq Asiria mung tijong hokito! tsangshiq raq ngi alaq riibaiqto.

JEKERIA 7:11

“Shatmaq isenginok raq tsangni lanlaqlaq maq siwanto. Tsangshiq khutsai ka tlan phan baiqto.

Mark 4:12

Arka, asii bomtsi na akha chongthüje dongdii, ‘Tsangshiq raq mak maq chhi shatshat taü miimin, chhi mak miraq; tsangshiq raq taishat shat taü miimin, tak lot mak miraq. Tsangshiq raq tak raü jiika, tsangshiq tsantsii miklai wa; kiimaq Shiikeawe raq tsangshiq ngarai ka midii kuq wa.’ ”

Mark 8:18

Namshiq mak asi riimak sha? Chhi man sha? Namni asi riimak sha? Taiman sha? Namshiq raq ümchaü niitaq tiitsang man sha?

John 12:40

“Shiikeawe raq tsangshiq mak ka atiichuk baiq wishe. Kiimaq tsangshiq tsii ka atiimo baiq wishe. Krai mren, tsangshiq riika chhi mak she. Kiimaq tsangshiq tsii ka tsang mak she. Kiimaq ngi raq tsangshiq tsii ka tiitsang kuq wan jiiq nguta, tsangshiq ka ngi phana wamak she, nguta Shiikeawe raq chongtlo.”

Acts 28:26

Apaiq raq riisham bom maq akha tiithai chongthüto, ‘Kilaq, laüta arnok ma akha chongkuq kikiq: Namshiq riika tairuq tairuq tai tlan, shatmaq tak man; namshiq riika liiruq liiruq lii tlan, shatmaq chhi phaq man.

Romans 1:20

Shiikeawe raq ra nai hiq ara tiiq wanli miiphat, maiqse raq mak maq chhilot mai chang apaiq pü-alii pattup pat-sa ningkun rüm tlaq nai apaiq asii rong arai rüm tlaq kriika maiqse angu tarü raq chhi shat. Ara chongtiikai Shiikeawe pü-alü nai apaiq rong arai rüm tlaq kriika Shiikeawe raq phansang wantaq thun ümchu wa sitlaq kriijaq chhi tiikai. Arkha maq, ara chhi shatshat taü maq maiqse ümchu riiwa ngarai tang tlaqti ka, ahangkai chang lamlu ka ahü she!

Romans 11:8

Riita, arka Asii bomtsi na, “Shiikeawe raq tsangshiq khutsai ka shaqmii ma tiija baiq wanto she. Kiimaq tsangshiq tsan among ka, theapakpak miishe tiija baiq wanto. Ümchaü ranaiq na saüli, tsangshiq raq Shiikeawe bomchong ka tak wan lot mak. Kiimaq tsangshiq ni maq tai wan mak miili lea wan tlo,” nguta chong tlo. Ara Asii bomtsi na chong tlaq arphan phan she dea hongtha rai wantlaq chhi wan tiikai.

TRI CHONGKE 29:3

Namshiq raq phiiptsi chang thadong thun kra, awang chang jaqsham thun kra, kiimaq amao chang jaqsham thun Tatiwe raq shamtaq thun kra chhilan she.

TRI CHONGKE 29:4

Shatmaq ümchaü ranaiq na saüli, namshiq raq jamlai wa lea wan lan thun kra apaiq raq namshiq ma tiitak kuq wan mak dea.

TRI CHONGKE 32:6

Tatiwe ka namshiq raq akha shipoq chang sha? namshiq angi, tsiihünok lei? Apaiq ka namwe, namshiq Tiiqtiwe, apaiq raq namshiq ka maiq mung ashi ma tiijato.