JEREMIA 42:6 - ASII LAKDAP Bible (BSI)

⁶ Naishiq raq taima ahea riiklo, abi riiklo, naishiq raq Tatiwe, nashiq Shiikeawe jaq wa ümnaq nang nga achu jaü kuqlaq nguta chongtiikai kra mitaihai. Naishiq raq apaiq aming ka lang hai jiila, nashiq ma khu asang miraq.”

Hawa Naga Bible 2001

⁶ Kvruex nuiyshiq rueq raungc raq shix ruezruez, raungc raq miq ruezruez, mnoz rueq thoz kuy tvkoc nuiyshiq rueq thoz vphix Yehowa naungshiq Tishox kvjaz kuex phvnx shix. Nuiyshiq rueq vpiq kvjaz tay phvnx ruiux yuq, nuiyshiq kuex phvnx ruip saz nuex rungwanx wvnc wuez tix,” ngoz tueq jungx tueq.

JEREMIA 42:6 Referencias Cruzadas

Tvtsvmc 128:2

Ümmin shiiqtlaü kriimaq mitiipaohaü; ümniika khoqriiq shishiiq kiimaq rongboq misihaü.

Tvtsvmc 78:36

Shatmaq tsangnübok maq jamlai wa bomtlaq kriika arotli riitlo; tsangshiq raq jamlai wa bomtaq thun kriika tsan mong maq tengteng abom ka riimak.

DUNGWVNC 24:7

Kra raütiishe apaiq raq tongshong lakdam kra lamto. Kiijaq Tatiwe aming thun awaiq thü asi riito. Kiimaq kra mungmaiqse ma tiihong raüta phat kuqto. Tsangshiq raq nguto, “Naishiq raq Tatiwe bom mitai hai. Kiimaq apaiq raq aming tattaq kra phan phan miklohai.”

ISAIA 3:10

Kechu maiqse thun ka chochikhiq miraq. Kiimaq tsangshiq miitu ka phanrap lam na ahea miraq. Tsangshiq ka tsangshiq jaq maq jamlai min wa shiiq wantaq kra tsingo ka chochikhiq maq miphaq siq wan.

JEREMIA 22:15

Nanok thaq na ümjam ka maisak pe maq hai laütiisha, ümniika maiqshaq hokhamwe ma mija haü? Ümwe rilung ka aluwiq sito. Apaiq raq mung ka wranaiqshe tingting kiimaq riikhaqli tri maq pengto, krai mren apaiq raq jaqsham wantaq na, achu shiiman ramram asi riito.

JEREMIA 43:4

Kra ningkhan she, Johanan riimin kiimaq phenlabi ajong alabi riimin kiimaq mungmaiqse riimin jurmin Tatiwe raq Juda mung niili sironglaq nguta aming kuqtaq kriika langmak riito.

JEREMIA 7:23

Shatmaq ngi raq tsangshiq ma ibom tai raüta iwokhong na siraa nguta aming kuqkang. Krai mren ngi ka tsangshiq Shiikeawe miraq. Kiimaq tsangshiq ka isengi miraq. Kiimaq tsangshiq ka ngi raq jamkho aming kuq tiikang kraphan phan siwan ronglaq. Raüla tsangshiq ma rilung na phanrap ka aheawiq miraq nguta chongkuq kang.

Romans 7:13

Kiikha shatmiitiq, ara jamlai phan wa ahea awa phan nguta thü wan tlaq, kra riika, ngi arka jamkho tsatbaiq wan phiita? Kiikha kla riimak! Ngi arka ngarai raq tiina tsatbaiq wantaq. Ngarai riika, jamlai wa ahea phan nguta sitlaq, kra lümaq ngi ara tsatbaiq wanto. Kriika, riikhaqli ngarai rong arai kra tiichhike wan miitu she riito. Kiimaq ara Thungtri aming thun ara lümaq, ngarai ningkun tu heng sitlaq kriika, aheng thaq niimin henghea, bihea sitlo nguta, kra tiichhi kuqtlo.

Romans 7:7

Riita, ikhiijiika ümchaü sanha, Thungtri kriika ngarai tu kaü dea ngutiishe sha mingu rong i? Riimak, kiikha kla riimak! Shatmaq, ngi ma ngarai ka jamlai nang wa ngutla, kra bomtsi kra tru chongketi ka Thungtri raq chongkuqto. Thungtri raq, “Maiqhuk maiqsam ma naq sü ramkiq,” nguta, ngi ma aming kuq mak ngu raü jiika, ngi raq sükha tsii ka jamlai ngo nang wa kra, sap mang mirha wa.

Romans 8:7

Arkha na tiina, juwa maiqmii han-ngam tiima tsantsii jaqkhon mong na sitlaq, kriiti ka Shiikeawe ma wesang. Ara jamkhano chongtiikang ngukla, apaiq ka Shiikeawe thungtri wokhong na silot mak. Kiimaq apaiq riika, ümkhiiriita jiimin, Shiikeawe tri aming ka lang lotmak.

TRI CHONGKE 5:27

Mosheq lei, ümniika kiina jangwa nongkiq. Laüta Tatiwe nashiq Shiikeawe raq jamlai wa chongtlaq kra wiita tiitsang taiwakiq. Laüta ana jangki nongkiq. Kiimaq apaiq raq ümniima jamlai bom wa chongtaq kra naishiq ma mitlü chongkuq haü. Naishiq raq mitaikai. Laita aming ka milangkai.’

TRI CHONGKE 5:29

Tsangshiq raq wranaiqshe akhiisii haisong tsantsii rüm raü ka ahea riichang! Tsangshiq raq Ngi ka wranaiq she akha anato raüta shreng raüka ahea riichang. Raüta Ngi raq akuqha aming thun kra lang raüta shong nga raüka ahea riichang. Kra nguraü ka tsangshiq ma phanrap na jamlai phan rongraa min ahü khusang rakhang maq mishong nga wan wa. Kiimaq tsangsaü tsangsetiim pat niimin pattup pat-sa ahea misi wan wa.

TRI CHONGKE 5:33

Kra thungtri raütu ka wiita kunli lang rong laq. Kra riihantiq namshiq ma phanrap na hansang rakhang miraq. Kra nguraüla namshiq ka hiqshong jiiwantlaq kiijaq aheawiq maq shong nga wan ruq misi wan han.

JOSHUA 24:24

Kiijiishe mungmaiqse raq Joshua ma nguto, “Naishiq raq nashiq Tati Shiikeawe kli mishli hai. Naishiq raq apaiq aming thun kra milang hai.”