JEREMIA 42:5 - ASII LAKDAP Bible (BSI)

⁵ Kiijiishe tsangshiq raq ngi ma nguto, “Riita naishiq raq ümnaq lümaq, naishiq ma jamlai phan aming wa kuqtlaq, kra langmai tlea hai jiila, Tatiwe apaiq riili she dea riikhaqli maq tsapkapkap raüta naishiq tiishut saqse mikuqlaq.

Hawa Naga Bible 2001

⁵ Kvruex yimaq tsuingshiq rueq ngaz muex, “Nuiyshiq tvkoc nuex Yehowa naungshiq Tishox rueq mnoz muex kuq kv-phux nvr kv-phux lotlaz kuex nuiyshiq rueq phvnx miq ngoz ruiux, Yehowa kuex nuiyshiq nuex vlvmx nuiyc tvmtuing hakhix m-yaungx kueq.

JEREMIA 42:5 Referencias Cruzadas

RAPHA HIQWA LAK 31:50

Laban riika akha hali nguto, “Ümniiraq ise jechaksetiim kra haihii haüla, riimakla ümniiraq maiq nyung nyetiim lam haüla, kra ngi raq sap mang li jiimin, tsan na tiitsang shat riilaq, Shiikeawe raq nashiq ka liishat.

DUNGWVNC 20:19

Tsangshiq raq Mosheq ma nguto, “Ümniika raq naishiq ma chonglaq, kriili naishiq raq mitaikai. Shatmaq Shiikeawe raq naishiq rai riibom haüla, naishiq ka atsai mirhai sham nguta, naishiq ka ahai tiitiikai.”

DUNGWVNC 20:7

“Imang ka abi kiimung miitu naq shaphaqkiq. Jamkhano ngukla Ngi, Tatiwe üm Shiikeawe raq imang atu na shaphaqti ka juli jiimin mo mitiihoha.

JEREMIA 42:20

Namshiq raq ashut pinthum thapthi tlan. Namshiq raq ngi nangnga Tatiwe, nashiq Shiikeawe jaq wa achu jaü kuqlaq nguta chong lan. Kiimaq namshiq raq ngi ma kiqkham kuqlan apaiq raq jamlai aming wa kuqtlaq kra phan phan phanrap miklo hai nguta ngulan.

JEREMIA 43:2

Kiijiishe Hoshaia se Ajaria kiimaq Karea se Johanan kiimaq mungmaiqse phong wa ashkongtamli siti kong rai adam maq ikiq ka akhiishe khiito, “Ümniika arot. Tatiwe nashiq Shiikeawe raq ümniika naishiq ma Ejip mung na naqsiki rongkiq nguta tiichongki mak.

JEREMIA 43:4

Kra ningkhan she, Johanan riimin kiimaq phenlabi ajong alabi riimin kiimaq mungmaiqse riimin jurmin Tatiwe raq Juda mung niili sironglaq nguta aming kuqtaq kriika langmak riito.

JEREMIA 5:2

Namshiq riika Tatiwe shomnoq tiikai nguta tiima tlan, shatmaq namnii maq jamlai wa ngutlan kriika tsan mong maq abom riimak.

Mikha 1:2

Ara tairong laq, namshiq mangjong maiqphan wiita raq; Mangjonghiq na siti phiija wa lei, Ajong Thaq Na Ajong Tatiwe raq namshiq mitiishut wan she. Taironglaq, Tatiwe apaiq sichang, asii ramungtan noqkujam maq chongtlo.

MALAKI 2:14

Apaiq raq ümnaq honglu ka jam nguto tao wan mak she nguta waitlaü. Jamkhano ngukla apaiq raq asap, ümniiraq ümchak, man na jero ji na alam haü kiima ümkiqkham akhakuq haü kra apan she riibaiq laü. Apaiq ka ümjamti-nyung shatmaq, ümniiraq apaiq ma, ümkiqkham jaqkhaq raü atiipa kuq haü ka apan she riibaiq laü. Ümniiraq Shiikeawe man na apaiq rai pumshi hanshi she mishong wan ha nguta kiq akham haü kra jin wan laü.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

Romans 1:9

Ngi raq ara chongkuq tiikang arka, tengto dea nguta hakhi keti ka Shiikeawe asi. Shiikeawe ka ngi raq, i tsan i mongjii wiita kiinong kuq lata, Ase manphan Tsütsa Ahea bomtsi ka, nanok ma chongkuq tiikang kra lümaq, ngi raq shomnoq wan tiikang. Ngi raq achu jaü tiikang akhingtek na,

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,

Revelation 3:14

“Laodesia na phungtu sitlaq kra liiti rase ma ara waiq laq: “Ara tsütsa arka Amen, tsapkapkap kiimaq riikhaqli hakhi keti we raq atiiwan. Apaiq ka Shiikeawe raq phanrap phansang wantaq kiima arang chong.

PHOWEBI 11:10

Kiijiishe tsangshiq raq treto, “Tengto. Naishiq riimin kriidea ngutiikai. Tatiwe ka naishiq saqse.”

1 SAMUEL 12:5

Kiijiishe Samuel raq treto, “Riita ikhla, Tatiwe kiimaq apaiq raq ashong hokhamwe ka ümchaü ranaiq saqse ma jatlo, ngi ka namshiq man na jamshut ahü, chiisan maiqse dea nguta namshiq raq chhi wan lan she.” “Tengto. Tatiwe ka naishiq khuthaq na saqse,” nguta tsangshiq raq treto.

1 SAMUEL 20:42

Kiijiishe Jonathan raq Dawit ma nguto, “Shiikeawe ka ümniirai misi laq. Nanai liipan na jamlai kiqkham raüpot wa khathükai kra, Tatiwe raq ümnaq nai ngi liipan na, kiimaq ümsaü ümsetiim nai isaü isetiim pat na niimin pattup tingting mithü kuq laq.” Kra lot jai she Dawit ka ahin niishe wawanto. Kiimaq Jonathan ka chela niishe jang wan nongto.