JEREMIA 42:2 - ASII LAKDAP Bible (BSI)

² ngi ma chongto, “Mangchan laüta naishiq raq jamlai wa jaütiikai kra shamkuqlaq! Nashiq Tati Shiikeawe jaq wa, naishiq miitu achu jaü laq. Naishiq re jaq song ümchuwa tiichongkaiti thun tlotli miitu achu jaü kuq laq. Man na nashiq ka maiq pahea riikai. Shatmaq ümchaü sanha atsapseli she tiichongkai. Arka ümniiraq ümmak maq achhihaü.

Hawa Naga Bible 2001

² ngaz kox nuex kaz vtueq, “Nuiyhez rueq thoz vphix kuex kejux maq shuimx kuq koq! Nuiyshiq tvkoc Yehowa nuiyshiq Tishox kox wawc vjux thoz kuq koq. Nuiyshiq nuex kvjungx yaq miq htenc tvkoc vjux thoz kuq koq. Nuiyshiq kuex kungkhux nuex paunghvlc rvtiq; yuq muinz majuiuc kuex mnoz rueq khiz vshuiux rulc rv-ngvlc raungluingx dvyx shex kvjungx vtix.

JEREMIA 42:2 Referencias Cruzadas

1 HOKHVMX 13:6

Kiijiishe Hokhamwe Jeroboam raq shammiwe kiima, “Mangchan laüta ngi miitu üm Tatiwe üm Shiikeawe jaq wa achu jaülaq kiimaq apaiq ma ijaq ara tiiheakuq laq nguta achu jaükuq laq!” nguta tiipaiq neato. Krai mren shammiwe raq Tatiwe jaq wa achu jaüto. Kiimaq hokhamwe jaqtsi ka tiidoq ra heakito.

Tvtsvmc 119:170

Ngi achujaü ara trelaq, laüta ngi chhiilaq ümkiqkham bomtsi kra phan phan!

DUNGWVNC 8:28

Kiijiishe hokhamwe raq nguto, “Namshiq ka luhea na kiho man jiila, ngi raq namshiq ka Tatiwe, namshiq Shiikeawe ma honglu takekai kumtsaiphii rumnyangkhi wang na mitiiki kang. Ngi miitu achu jaü kuqlaq.”

DUNGWVNC 9:28

Tatiwe jaq wa achu jaü kuqlaq! Naishiq khuthaq na ara rathaiqtaq kiimaq tsak-hiiq roktaq arka hongto she! Ngi raq kiqkham kuq tiikang. Namshiq ka mitiiwa kang she. Namshiq ka arjaq alu shong nga rai ngomin raamak she.”

ISAIA 1:15

“Ümtiikiiwa ümniiraq ümjaq ka ra na dolaüta achu mijaühaü, Ngi raq ümniika alü min liimang she mirha. Ümniiraq ümtinkhan li achu jaü raümin, Ngi raq tre mangshe. Jamkhano ngukla ümjaq ka maiq tiijai na atsam reawi she.

ISAIA 1:9

Riita Tati Ajong Pinthum raq khup wongkuq mak nguraü ka akha aso amose dongdii min tiichong mak, Sodom nai Gommora chela then wantaq kiikha ara Jerusalem chela armin laimiq mitiithen baiq wa.

ISAIA 37:4

Asiria mungti hokham ajongwe raq asengi ajong pinthum siihiipwe ka atra Shiikeawe tiishummiikai tiikito. Riita Tatiwe üm Shiikeawe raq atinkhan shummiitlaq kra mitailaq. Raüta arthun bomtsi ngotibi ka apaiq raq mo mitiiholaq. Arningkhan Shiikeawe jaq wa achu jaülaq nashiqnok ümchuwa atra sitlaq thun kra miitu.”

ISAIA 42:20

Israil lei, ümniiraq phanrap kunli chhilaü she, shatmaq jamlai wa saptsin wan laü? Maiqbom tai miitu ümnilok ka asi. Shatmaq riikhaqli ka jamlaili wa tai laü?”

JEREMIA 15:11

Tatiwe lei, ngohea dea ngi raq ümniika aheawiq maq riikhaqli maq shomnoq wan mang dea jiila, tsangshiq manson ka minilaq. Ijaqtinok ka chamchao sangrai riihum raitaq akhing na, ngi raq tsangshiq miitu ümjaq wa achu jaükuq mang dea la jiila, manson ka ngi ma minilaq.

JEREMIA 2:27

Namshiq wiitarü khushü mijam— namshiq raq pechong ashi kra nang nga ümwe nguta ngutlan, kiimaq longkaü nang nga nam nyung nguta ngutlan kata. Ara jamkhano mirhum han ngukla, namshiq ka iwokhong na sihan chang wa, kinphai na juho lan. Shatmaq ümtiikiiwa namshiq raq chamchao riihumtlan, namshiq raq ngi nang nga kira laüta tiichhiikuq laq nguta ngutlan.

JEREMIA 21:2

“Mangchan laüta naishiq miitu Tatiwe rai riibomlaq. Jamkhano ngukla Bebilon mung Hokhamwe Nebukadnejar raq apaiq phenlabi shea raüta Jerusalem chela ka komtam maq kombaiqto. Jursap Tatiwe raq nashiq miitu phanshi ra awang chang jaqsham raüta Nebukadnejar ka nashiq ka khat mak tsaqki raüta mitiiwa baiqlaq.”

JEREMIA 36:7

Jursap tsangshiq raq Tatiwe jaq wa achulo jaü jiiq riila. Raüta tsangshiq ka abi kiimung lam phantlaq kriiwa aklai lo riiwan jiiq riila. Jamkhano ngukla Tatiwe raq arnok ka mishthenbaiqha she nguta atsankhiq henghea amok dungdung miishe tiiphiiptlo.”

JEREMIA 37:20

Riita ümchaü min, Chaü lei, ngi raq ümniima tiipaiq nealata ngutiikang, ibom chong ara tai laq. Mangchan laüta, ngi ka Jonathan jam na phaqtek khok kiijiika naq thükikiq she. Ümniiraq ngi ka kiijaq hali la thüki raüla, ngi ka mitsaiha ngushat.”

JEREMIA 37:3

Hokhamwe Jedekia raq Shelemia se Jehukal nai Maaseia se ramwe Jephania ka ngi phana tiiwato. Raüta ngi raq nangnga Tatiwe, nashiq Shiikeawe jaq wa namung miitu achu jaükuqlaq nguta bom tiichong wato.

JEREMIA 38:14

Akhing ashi na hali Hokhamwe Jedekia raq ngi ka atsam ngoja Shomjam kilamchong ba kiijaq tiiheakito. Raüta apaiq raq akha nguto, “Ngi raq ümniima bom poshi waipha. Ümniiraq ngi ma bom ka riikhaqli tengteng chonglaq.”

JEREMIA 40:15

Kiijiishe Johanan raq apaiq ma, apaiq honhon se na chongto, “Ngi kilata Ishmael ka tsatki pha. Kra ngu raüla jurwa tsattaq kra jurmin sap mak miraq. Apaiq ma ümniika jaram tiitsea wa? Kriishe nguraü ka ümwokhong na siti Jehudinok thun kra wiita pongpin riipin she khata mipinki? Krai mren, Juda mung na aso atiichongki thun mungmaiqse miitu ka athen wan changli she khata miraq.”

JEREMIA 42:20

Namshiq raq ashut pinthum thapthi tlan. Namshiq raq ngi nangnga Tatiwe, nashiq Shiikeawe jaq wa achu jaü kuqlaq nguta chong lan. Kiimaq namshiq raq ngi ma kiqkham kuqlan apaiq raq jamlai aming wa kuqtlaq kra phan phan phanrap miklo hai nguta ngulan.

AJONJÜ 1:1

Jerusalem chela ka man na asengi raq ama riito! Mangjong maiqse wiita raq kai ra tsa ikha tsa wanto. Shatmaq ümchaü san mantinyung ikhiishe; Chela rümti aki miikiimbi thun re raq jiip baiqto. Rewe jaqkhon mong na shumwi kong miishe tiija wanto.

EJEKIEL 12:16

Ngi raq tsangshiq phong wa maiqse wiijam ka redong jaqsong, ramdong jaqsong, kiimaq thadong jaqsong mithüha. Kra akhing niishetiq tsangshiq raq ümtinkhan wa ashe ashi, maiqphai asi sumla thun noq wan raüta itsan tiikhiq wantaq kriishe misap wan. Kiimaq tsangshiq raq Ngi ardea Tatiwe ka nguta misap wan.”

Hosea 8:10

Shatmaq ümchaü ngi raq tsangshiq ka adam niishe mitriichomha. Lata sintsang ma mitsatha. Asiria hokham ajongwe ka isintsang kii. Tsangshiq ka tsaija chhunja michamchao wan.

LEWI 26:22

Ngi raq namshiq phana phiiptsi chang ngamthaiq kong she mitiiwaha. Kiimaq ngamthaiq kong raq namsetiim ka mikaq raüta mitsai. Namshiq jam nyamse kong kra mitiithen baiq. Kiimaq namshiq ka atsap seli mitiichong han. Kiimaq chiihea wea tung alam thun kiijiimin maiq akhum ashiimti ka ahüshe miraq.

AMO LUIK DVP (AMOS) 7:2

Ngi raq riisham mak maq hiq na nyiipjaq nümwan tlaq kra tiisiirai kupchi raq phaqbaiq chhikang. Kra chhilata ngi raq akha achu jaü kang: “O, Ajong Thaq Na Ajong Pinthum Tatiwe lei, Jakob raq jamkho minin? Apaiq ka aran se chaplot mak!”

Matthew 24:22

Shatmaq Shiikeawe raq kra chamchao thawa ranaiq akhing ka atiitoq baiq wishe. Apaiq raq kra tiitoq baiq mak ngu raü jiika maiqse angu jumin lun lot mak miraq. Shatmaq Shiikeawe raq apaiq raq atsea wan asengi thun kra miitu chamchao rahiq akhing ka atiitoq mirbaiq.

Acts 8:24

Kiijiishe, Simon raq, “Phuno we nai lei, mangchan lanta, ngi miitu Tatiwe jaq wa achu jaükuq ronglaq. Ümchaü namnai raq jamlai wa chong lan kra manson ka i dü na nimak chang miitu,” nguta Petar nai Johan ma chongto.

TRI CHONGKE 28:62

Ümniika pu wan laüta ra na raiqsaiq diimtlaq ikhli purai haü min, namshiq phong wa maiq ka atsap seli she aso mitiichong han. Jamkhano ngukla ümniiraq Tatiwe üm Shiikeawe aming thun ka lang wan maü riilaü.

TRI CHONGKE 28:63

Tatiwe raq ümniika jamkho chochi khiq maq chiithe lüwawe ma tiija wantaq kiimaq ümniika tiipuchi kuq wantaq, raüta maiq ka pahea tiipa wantaq, kra niqriri sii hali, apaiq raq ümniika chochi khiq maq mitiithen baiq wan. Raüta ümniika miqchup she mitiithen baiq wan. Ümniika ümchaü mung jiiwan tlaü, laüta shong nga wan tlaü mung kiiwa arang chong maq barot raüta miphai baiq wan.

TRI CHONGKE 4:27

Tatiwe raq namshiq ka pong mung thun na wiita miwan baiq. Kra mung thun na namshiq ka maiq atsapko li she mitiichong han.

James 5:16

Kriikha maq, namshiq ngarai thun ka weshi raq weshi ma tiidii rong laq. Kiimaq weshi raq weshi miitu, achu jaü kuq rong laq. Kra riihan jiila, namshiq tsisi kriimin mitiihea kuq. Maiqshaqti raq achu jaü ka ningkun ajong tiidoq ra miraq.

1 SAMUEL 12:19

Kiimaq tsangshiq raq Samuel ma akha nguto, “Shiilangwe lei, mangchan laüta, Tatiwe üm Shiikeawe jaq wa naishiq tsaiki maichang miitu achu jaü laq. Ümchaü naishiq raq, naishiq ngarai ümtinkhan wa sitlaq kra thaq na hokhamwe shongkuq laq nguta jaü kai ngarai kra hali tiitsuq nongkai nguta sapkai.”

1 SAMUEL 12:23

Riita ngi raq riiwe kla, Tatiwe man na namshiq miitu achu jaüke ka nungpaq lata, apaiq man na ngarai ka tangmang mirha. Kra la na, ngi raq namshiq ma jamlai wa ahea kiimaq namshiq ma riikhaqli jaqsham chang kra mishrin kuq kang.

1 SAMUEL 7:8

Kiimaq Samuel ma nguto, “Tatiwe, nashiq Shiikeawe raq nashiq ka Philistainnok jaq wa mitiichhii kuqlaq nguta achu jaüke ka shiichaq ruq riilaq.”