JEREMIA 42:1 - ASII LAKDAP Bible (BSI)

¹ Kiitiikaq phentubi tlotli rai adam maq Karea se Johanan kiimaq Heshaia se Ajaria kiimaq mungmaiqse ajong aran wiita kunli ka kiqshi maq ri raüta,

Hawa Naga Bible 2001

¹ Kvruex yimaq nolaungx yungx bix lotlaz, Karea saz Yohanan, Heshaia saz Jezania nuiyc mungx miqsaz htvp maq htvp htenc kuex,

JEREMIA 42:1 Referencias Cruzadas

2 HOKHVMX 25:23

Riita ümtiikiiwa Juda mung wa siihiipbi nai phenlabi, Bebilon mung tijong puk na nyap mak deati thun raq kra tsütsa ka taito. Raüta tsangshiq ka Mijpa chela maq Gedalia rai pong wan damto. Ara ajong alabi thun ka arthun ara riito. Nethania se Ishmael, Karea se Johanan, Tanhumeth se Seraia. Apaiq ka Netopha chelati. Kiimaq Maaka chelati Jejania ri.

ISAIA 29:13

Tatiwe raq nguto, “Arnok riika tsangshiq raq ngi shomnoq tiikai nguta tiitsakitlo. Shatmaq tsangshiq bomtsi ka jamlai liichum min ahü, hiqti li banbok miili. Kiimaq tsangshiq tsantsii ka ahin na. Tsangshiq raq shomnoqtlaq kriika miinan maiqse thungtri lamlam li. Kriika tsangshiq raq tsan na tiitsangtlii ashrin wan tri raütuli.

ISAIA 48:1

Ara taironglaq, Israilnok lei, Namshiq Juda saüsetiim raq: Namshiq raq Tatiwe mang chong lantea tiitumtlan; kiimaq Israilnok Shiikeawe ka shomnoqtiikai nguta tiitsakitlan. Shatmaq namnübok maq bomtlan ka rakhütsiri miili bomtlan.

JEREMIA 37:3

Hokhamwe Jedekia raq Shelemia se Jehukal nai Maaseia se ramwe Jephania ka ngi phana tiiwato. Raüta ngi raq nangnga Tatiwe, nashiq Shiikeawe jaq wa namung miitu achu jaükuqlaq nguta bom tiichong wato.

JEREMIA 40:13

Arjai miishe, Johanan nai phenlabi pengti welabi jurwa Bebilon puk na nyap mak deati thun kra, Gedalia rai riihumkai Mijpa chela na wato.

JEREMIA 40:8

Krai mren, Nethania se Ishmael, Karea se Johanan, Tanhumeth se Seraia, Netopha hiq wa Ephai setiim, kiimaq Maka hiqti Jejania thun ka tsangshiq kongtibi thun shea raüta Mijpa chela na Gadalia rai riihumwa wawanto.

JEREMIA 41:11

Kiijiishe, Johanan nai apaiq rai siti phenlabi pengti ajong alabi raq Ishmael raq ashut mat klotaq tsütsa ka taito.

JEREMIA 41:16

Kiijiishe Johanan nai ajong alabi phenlabi kriiraq Ishmael raq Gedalia tseabaiq jaishe Mijpa chela wa mungmaiqse rewa shumwi ma atsuq wan kong kra phenlabi, jechakre kong, nosere kong kiimaq ashoqwetiim kong thun kra tsangshiq wokhong niishe peng wanto.

JEREMIA 42:20

Namshiq raq ashut pinthum thapthi tlan. Namshiq raq ngi nangnga Tatiwe, nashiq Shiikeawe jaq wa achu jaü kuqlaq nguta chong lan. Kiimaq namshiq raq ngi ma kiqkham kuqlan apaiq raq jamlai aming wa kuqtlaq kra phan phan phanrap miklo hai nguta ngulan.

JEREMIA 42:8

krai mren ngi raq Johanan kiimaq apaiq rai siti phenlabi ajong alabi thun tlotli, kiimaq mungmaiqse maiq ahinti thun kri adam na triitam heakang.

JEREMIA 43:2

Kiijiishe Hoshaia se Ajaria kiimaq Karea se Johanan kiimaq mungmaiqse phong wa ashkongtamli siti kong rai adam maq ikiq ka akhiishe khiito, “Ümniika arot. Tatiwe nashiq Shiikeawe raq ümniika naishiq ma Ejip mung na naqsiki rongkiq nguta tiichongki mak.

JEREMIA 44:12

Riita arningkhan na, Juda mung na maiq ümchuwa aso atiichongki thun raq ümchaü Ejip mung na laüho raa dongdii, raüta Ejip mung na shongkai raa nguta honglatlaqti thun ka, ahea na, Ngi riitiq miliiha. Tsangshiq ka tiithumpak laimiq mitiithum baiqha. Tsangshiq tarü kunli, ajong aran wiita kunli Ejip mung na mijiim. Redong akhing na riimakla ramdong raq mijiim. Tsangshiq thum wan kra chhi raüta maiqse makki na phiiptsi chang miraq. Maiqse angu raq tsangshiq ka shummii shaq shaq raüta milii. Kiimaq tsangshiq mang ka chong raüta maiq raq manson bom shiiton ashi miishe mitiija.

JEREMIA 6:13

Maiq ajong aran wiita pili raq, kampho ka arot akiq lamlu kiiwa lapwan kli shiichaq wantlo. Shammibi nai ramwebi raq dongdii min mungmaiqse ka laoliitlo.

JEREMIA 8:10

Kra ningkhan Ngi raq tsangshiq wak ajam thun ka maiq anyeti miishe mikuqha. Kiimaq tsangnyungre ka maiq ahinti miishe miromkuqha. Maiq angu tarü, ajong aran wiita lotli raq, piikii lam na kampho ka arot akiq lam maq lap wan kriili rittlo. Shammibi nai ramwebi raq dongdii min mungmaiqse ka arot chong raüta laoliitlo.

EJEKIEL 11:1

Shiikeawe wenyi raq ngi ka ra na dopot do wanto. Raüta Shomjam rinkea shedong nü ruk kilamchong nü nü kiiniishe shea wanto. Kiijaq kilamchong tho na ngi raq maiqlare roqnai ri webiingi chhikang. Tsangshiq rai mung wela wenai, Ajur se Jaajania nai Benaia se Pelatia kriimin asi riito.

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

EJEKIEL 8:11

Kiijaq Israilnok welabi roqmiishi asi. Tsangshiq rai Shaphan se Jaajania kiimin asi. Tsangshiq loweatek raq honglu homseng chaq chang sindea lakkong kra sham raqraq riito. Kiimaq honglu homseng chaq tlaq kriiwa wakhuk mong wa ka phum apong wan ikha riito.

Matthew 15:8

‘Arnok raq ngi ka nü maq lamlam li shreng tlo, shatmaq tsangtsan mong miika shreng mak.

Acts 8:10

Krai mren, kra chela na siti mungmaiqse, ajong aran wiitarü raq, apaiq bomchong ka aheawiq maq tiitsang tai wanto. Raüta, “Notsam, apaiq arka Shiikeawe ningkun tu, ‘Ningkun Jonghea Rümti we’ nguta chongtlaq irshe dea pokito sham nya,” nguta tsangshiq liipan na bom ka riichongto.