JEREMIA 30:9 - ASII LAKDAP Bible (BSI)

⁹ Raüta tsangshiq raq Ngi ka, tsangshiq Shiikeawe she nguta mishli liiwan, kiimaq Dawit lai wa maiq weshi, Ngi raq hokham ma shong wan tiikang kra mishkum pan wan.

Hawa Naga Bible 2001

⁹ Kvkhoc ruec tvraung, Yehowa tsuingshiq Tishox rvtauk ngaz muex muinz, hokhvmx hoc nuex vtvduiz Dawid suiuz vsaz muex muinz shuimx kaz kuq wuez shuex.

JEREMIA 30:9 Referencias Cruzadas

Tvtsvmc 89:49

Tatiwe lei, man niiwa ümlungwii hakhi thun ira ümbano? Ümniiraq Dawit ma kiqkham kuqlaü thun ira ümbano?

JEREMIA 23:5

Tatiwe raq ngutlo, “Ngi raq Dawit saüse phan wa kechu hokhamwe ashi mishongha. Kra hokhamwe raq taksu tsü maq kiimaq tri raü ka riikhaqli sham raüta mung hamli ka aheawiq mipeng wan.

JEREMIA 29:11

Ngi raq namshiq tiijonglu wan miitu ahang sürii lata thütiikang kriika Ngi riili saptiikang. Kra ahang thun ka namshiq ka chiithe ma tiija wan miitu, atiithen jen miitu riimak. Namshiq raq rawiichii miitu ran tsantsii rümtlan thun kra tiikupi wan miitu thütiikang.

JEREMIA 30:21

Tsangshiq pengti tuwe ka tsang mungti wa mishong, tsang hokham se ka tsangshiqnok wa mishong wan. Ngi raq apaiq hea tiikang na Ngi phana miwa, tiiheahü miika juwa miwalot? Tsangshiq ka isenginok miraq; kiimaq Ngi ka tsangshiq Shiikeawe mirha. Arka Ngi, Tatiwe raq ngutiikang.”

JEREMIA 33:15

Kra akhing na, Ngi raq Dawit saüse phan wa, kechu hokhamwe ashi mishongha. Kra hokhamwe raq tingting kappe sham raüta mung tlot li ka mipeng wan.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

Matthew 2:2

Raüta akha waito, “Jehudinok hokhamwe ma jati no dotaq kra ümchaü ümbano? Naishiq raq apaiq raiqsaiqpo ka shedong mung nü na atiiji arki chhi kai. Kra chhi laita naishiq ka apaiq shomnoq kai ana kikai.”

Luke 1:69

Apaiq raq nashiq Chhii wanti Ajong ashi tiisaüto she. Apaiq ka ajaqshi se Dawit weraü phan wa.

Acts 13:23

Riita, ija ara chong tlaq arai mren she, Shiikeawe raq Dawit lai Jesuq ka Israilnok Chhiiti we miishe shongkuqto. Ara shongtaq arka, Shiikeawe raq richü pat na Israilnok ma kiqkham kongphiq raü khakuq wantaq kra phanphan she tiihongtha kuqto.

Acts 13:34

Kiimahali, Shiikeawe raq apaiq ka ama wa tiidong wan raüta, pattup pat-sa atra lishe mitiisi wan ha nguta akha chong tlo: ‘Ngi raq Dawit ma kiqkham kuq wan kang krai mren, namshiq ma asii kiimaq tengteng achu shiiman mikuq wanha.’

Acts 2:30

Apaiq ka Shiikeawe shammi. Krai mren, Shiikeawe raq apaiq ma kiqkham kongphiq raü khakuq wantaq kriika wiita asap. Shiikeawe raq Dawit ma, Dawit apaiq lai ala phan wa, maiq weshi ka, rawiichii pat na, Dawit apaiq kiikha, Hokham ma mishong wan ha nguta kiqkham kuqto.