JEREMIA 30:10 - ASII LAKDAP Bible (BSI)

¹⁰ “Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

Hawa Naga Bible 2001

¹⁰ “Ngvy miqsaz lex, nauk hiz kaz; Israel miqsaz lex, nauk kv-khuirc hiz kaz. Ngaz rueq nuimshiq kuex lvmx luz mungx nuex thuq wvnc rvhumc tuit mungtan kvwawc palc wvnc phaungx. Nuimshiq kuex yuimx nuex yek waung vtueq nomic httax wuez tuinx; nuimshiq kvwungx httax vtueq uraq muinz nuimshiq kuex tvhiz sungx kv-phuinx rvmuq.

JEREMIA 30:10 Referencias Cruzadas

RAPHA HIQWA LAK 15:1

Arjai maq, Abram raq riisham mak maq chhito kiimaq Tatiwe raq apaiq ma bom achong ka akha taito, “Naq haikiqjo, Abram la. Ngi raq ümniika haisi rasong mong wa khup wong kuq shat mirha. Kiimaq ümniima poksi jonghea mikuqha.”

ISAIA 14:3

Tatiwe raq Israilnok ka chamchao litkot walü mong wa kiimaq tsangshiq ka di ma tiija raüta ningkun maq jaq tiisham shiinüm shatlaq kriiwa mitiichhiikuq wan.

ISAIA 35:9

Kiijiika hangsikong min ahüshe miraq, ngamthaiq phan ka kra lam maq khummak she miraq. Tatiwe raq chhiitaqti thun ka, kra lam maq jam na miwa.

ISAIA 43:5

Naqhaikiq, Ngi ümniirai asi! “Shedong mung luhea wa kiimaq shenyap mung luhea wa, Ngi raq ümnok ümta thun ka jam na mishea wanha.

ISAIA 44:1

Tatiwe raq ngutlo, “Tailaq ümchaü, ijaqshise, Israil lei, Ngi raq tingsang atsea wanha isenginok, Jakob saüse phan.

ISAIA 44:2

Ngi ka Tatiwe ümnaq phansangti; ümrawü chhi wanli miiphü, Ngi raq ümnaq khrum kuqkang. Naqhaikiq; ümniika ijaqshise, ngi raq tingsang atsea wanha isenginok; ngi raq lungwii tiikangnok.

ISAIA 46:11

Ngi raq maiq weshi shedong mung wa heatiikang; apaiq ka liihawe raq phiimtlaq ikha phümsaqli she miphiim wan, raüta Ngi raq jamlai kiimung wa thapthi kang kra riikhaqli mitiiku wan, Ngi raq ngukang she, krai mren miku wan dongdii.

ISAIA 46:13

Ngi raq rekhat tang wan ranaiq ka jeriiqriiq niishe tiisaü wan tiikang, kriika alu niika riimak she. Ngi raq rekhat tang wan akhing ka alu tiihit mak she miraq. Ngi raq Jerusalem ka mitiichhiiha, lata kiijaq Israilnok ma khushü mitiidongkuqha.”

ISAIA 49:12

Isenginok ka maiqmung ratsüko wa misaü wan, shekhu nü mung wa kiimaq shenyap nü mung wa, kiimaq shemai nü mung na Aswan chela wa.”

ISAIA 49:25

Tatiwe raq tretlo, “Kra mihongtha wan ngutiikang ahata. Phenlawe jaqkhon wa shumwikong ka minyea wan, kiimaq abi pinthum tuwe jaqkhon wa, sepat lopi kra wiita minyea wan. Ümnaq khatti ka Ngi raq mikhat wanha; lata ümsetiim ka Ngi raq mitiichhii wanha.

ISAIA 54:4

Ümniika naqhaikiq, ümkhushü ka tiijam nong mak she miraq; ümniika maiq raq jamsha nongmak she miraq. Ümniiraq nose wanyeji na ümwese rai samhea simaü lea wan laü akhing ka alaq she mirbaiq haü, kiimaq manti nyung rilung waqkhü kham nyangli chamchao wan laü kra alaq she mirbaiq haü.

JEREMIA 23:3

Ngi raq isenginok aso atiichong ka, ngi raq tsangshiq ka pongmung thun na ajobaiqha kriiwa adam niishe mirchomha. Lata ngi raq tsangshiq ka tsangshiq hiqshong chü na mitiishong nga wan nongha. Tsangshiq ka saütam serü pahea she mipu chi wan.

JEREMIA 23:4

Ngi raq tsangshiq rümti mungtubi she mishong wan ha. Isenginok ka ahai asong ahü she miraq. Riimakla tsangshiq ka kiinyii mak she miraq. Kiimaq Ngi raq tsangshiq ka thongshi sintsang maq tsat kinong mang she mirha. Arka Ngi, Tatiwe raq toqtan tiikang.”

JEREMIA 23:6

Apaiq raq ümtiikiiwa Juda mung thaq na hokham jaq sham wan jiiq, Juda mungti ka khusang miraq kiimaq Israil mungti ka hansang maq misi. Apaiq mang ka ‘Tatiwe Nashiq Tiichhii Wanti,’ nguta mingu.

JEREMIA 23:8

Kra rii na, tsangshiq raq ngi ka atra Shiikeawe, tsangshiq Israilnok ka hiqkhu nü mung wa nai maiq mung ahin pahea na atiipinbaiqha wa triitam shea wantiwe ngutiishe mitiitum. Raütiishe tsangshiq ka tsangmung niishe mishong nga wan.”

JEREMIA 29:11

Ngi raq namshiq tiijonglu wan miitu ahang sürii lata thütiikang kriika Ngi riili saptiikang. Kra ahang thun ka namshiq ka chiithe ma tiija wan miitu, atiithen jen miitu riimak. Namshiq raq rawiichii miitu ran tsantsii rümtlan thun kra tiikupi wan miitu thütiikang.

JEREMIA 29:14

Kriidea, Ngi raq ngutiikang, namshiq raq Ngi ka mihum han. Kiimaq Ngi raq namshiq ma nam mung ka mijang kuq nongha. Ngi raq namshiq ka maiq mung aweatek wa kiimaq maiqhiq aweatek na, Ngi raq namshiq ka pongmung na, ümchu mung niiwa munglu shumwi kong ma nyinbaiq kang, kra mungthun tlotli wa tsuq wan nong lata, nammung na hali mitiishong wan kang. Arka Ngi, Tatiwe raq toqtan tiikang.’

JEREMIA 3:18

Israil kiimin Juda rai adam na pong wan raütiishe tsangnai ka kongshi miishe shekhu nü mung na munglu shumwi asiwa kiiwa miki raüta, ngi raq namtitiim ma pattup pat-sa miitu tachong hupsam ma akuqha mungtan kiijiishe mijang wan.”

JEREMIA 30:3

Jamkhano ngukla jai maq akhing saüwan raüla Ngi raq isenginok, Israil mungti nai Juda mungti ka tsangshiq hiqchü rachü kiina mitiishongnga wan nongha. Ngi raq tsangshiq ka tsangtitiim ma akuq wanha hiqshong rahai chü mung kiijaq mitsuq wan nongha. Krai mren tsangmung ka tsangshiq raq hali milap wan nong. Arka Ngi, Tatiwe raq ngutiikang.”

JEREMIA 30:7

Phiiptsi jonghea ranaiq saü wantlo; kra chamchao ranaiq ka ranaiq ahin rai triingea chang ahü, kriika isenginok ma pit-lang pit-thea chamchao akhing, shatmaq tsangshiq ka alun mirwan.”

JEREMIA 33:16

Juda mungti nai Jerusalem chelati ka mitiichhii kuq wan. Raüta tsangshiq ka khusang rakhang maq mishong nga wan. Chela mang ka, ‘Tatiwe ka Nashiq kechu,’ nguta mingu.

EJEKIEL 16:52

Riita ümchaü ka ümniiraq ümjea ngaü chamchao homa ka holaüta sichang she. Ümngarai phong nai ümnyino nyungtiim ngarai phong kra adam na triingea raü ka, tsangshiq ka ümnaq nam ma maiqshaq linlin. Ümchaü sanha, ümjeasi khabu kriima tiipang laütli si liina. Jamkhano ngukla ümniiraq ümnyino nyungtiim ka asii maiqse lin lin ikhiishe tiija kuq laü kata.”

EJEKIEL 38:11

Ümniiraq maiq mung ashi khusang rakhang maq ahai asong jam min ahü maq, sangkaq kaq hea ahea wiq siti, tsangshiq chela thun ka kiitelong maq trotam maq tuk hü mung khatkai miitu re mishun haü.

DANIEL 12:1

Rase raihi-nairai khea sam raütise raq nguto, “Kra akhing na, namshiqnok kheti rase jonghea, Maikel kriishe misaüho. Kiijiishe, maiq mung thun phawantaq pat maq riita ümchaü pat na saüli, abi pinthum chamchao mungbrak henghea kriishe midong wan. Kra akhing saü wan raüla, namungti Shiikeawe lakdam na tsangshiq mang asiti thun ka mitiichhiikuq wan.

Hosea 2:18

Kra akhing na ümmiitu, Ngi raq rumnyamsekong nai ra na biti wushi rai, kiimaq hiqraikhü na khumti jongsaü jüse wiita rai, wehea riijawan miitu tong she mishong wan ha. Lata isenginok sichang mung wa, chiqdong redong, ko aliq, ja apiq thun ka wiitashe milam baiq wan ha. Lata Ngi raq ümniika hansang miishe mitiikon kang. Kiimaq ahai asong ahü miishe mitiishong nga wan kang.

Hosea 2:20

Ngi raq ümniima kiqkham kuq kang kra tingting mithü wanha. Lata ümniika ichak dea nguta tsapkapkap mirüm wan ha. Kiimaq kra akhing na ümnii riimin, Ngi ka üm Tatiwe dea nguta milang wan haü.

Hosea 6:11

“O, Juda mungti lei, namshiq sintsang kiimin tiijeje she. Namshiq ngarai tang tlan kha na. Namshiq moho ranaiq saühoto she,” nguta Tatiwe raq chongtlo.

Yoel 2:21

“Ai, hiqkhu rakhu lei naqhai rongkiq, shatmaq kai chochi ronglaq, ümkhiiwa nguraüla, Tatiwe raq namshiq ma jaqsham jonghea klotlo.

Mikha 4:9

Riita ümchaü ümniika agilülü jam hosea wa? Nowü chhitsi ikha shea chamchao rai tlaü? Üm hokhamwe ka ahü riitiishea? Ümmung pengti mungtubi ka atsai kaikun she shea?

JEKERIA 3:10

Kra ranaiq she saü raüla, namshiq ashi maq riita ashi raq, maiqmii jamthaq jamkiqti ka mihea han. Lanta chojong chise maq, kiimaq hansang maq, nam jamkea tro na, spiqro nai phupmupro mong niishe mishong wan han,” nguta Tatiwe raq ngutlo.

John 12:15

“O, Jerusalem chela lei, ümniika naqhai song kiq she jo! Liilaq, ümhokham we ka saühoto she. Kumtoq kaüshii se raikhü na chao raüta kitlo.”