JEREMIA 30:8 - ASII LAKDAP Bible (BSI)

⁸ Tati Ningkun Ajongwe raq ngutlo: “Ümtiikiiwa kra akhing ranaiq she saüjiiq, Ngi raq tsangshiq dangkong na kharü thaikii akhakuq kra atiibun mirbaiqha. Lata tsangshiq khachang jinraü kharü tu kra adii mirbaiqha. Krai mren, tsangshiq ka pongmungti disekong ka riimak she miraq.

Hawa Naga Bible 2001

⁸ Tvphaungc Tvsuip Yehowa rueq jungx tueq, “Kvruex raungnuiyq httuiuc ruiux yuq, tsuingshiq duingx wawc kantaung kuex ngaz rueq tv-ngawk kuq gay ruiux, tsuingshiq vkhvrc yanx ruiuz htenc kuex dawc kuq shaungx, tsuingshiq kuex pungnuk miqsaz dax muex yaungx tuex rvmuq shex.

JEREMIA 30:8 Referencias Cruzadas

Tvtsvmc 107:14

Apaiq raq tsangshiq ka ranyaq chamchao mong wa tiidongto kiimaq tsangshiq kharü jinraü thun pantham panthit panbaiqto.

ISAIA 10:27

Kra akhing she saüwa raüla, Ngi raq namshiq ka Asiria mungti kharii mong wa mitiidong baiqha. Raüla namshiq ka wase she mijahan kiimaq tsangshiq kharii ka namshiq raq homan she mirhan.”

ISAIA 14:1

Tatiwe ka thongshiri hali asengi Israilnok ma mangchan mitiichhikuq nong. Raüta tsangshiq ka apaiq riishe nguta mitsea wan nong. Apaiq raq tsangshiq ka tsang mung na thongshiri hali mitiishong wan nong. Kiimaq pongmungti maiq pahea kiijaq waraüta tsangshiq rai misidam.

ISAIA 14:25

Ngi raq Asiria mungti ka ihiq shong Israil mung na mitiithen baiqha. Kiimaq tsangshiq ka ipum thun thaq kiijaq iji maq nishishi minyat baiqha. Ngi raq isenginok ka Asirianok kharü mong wa adü she mirbaiqha. Kiimaq tsangshiq ma holai jonghea tiihokuqtlaq kriiwa midok dawanha.

ISAIA 14:3

Tatiwe raq Israilnok ka chamchao litkot walü mong wa kiimaq tsangshiq ka di ma tiija raüta ningkun maq jaq tiisham shiinüm shatlaq kriiwa mitiichhiikuq wan.

ISAIA 9:4

Jamkhano ngukla ümniiraq tsangshiq dangkong wa homai laihea chicho kra ngoqbaiqlaü, tsangshiq phaqlam na tsatchang sintsang kra ngoqbaiq laü. Ümsenginok ka ji maq nishishi haihii wantinok mung ka ümniiraq tanglaü she. Arka ümniiraq richü pat na Midian mung phenlabi khat laüta tanglaü ikha tanglaü.

JEREMIA 2:20

Ajong Pinthum Tatiwe raq ngutlo, “Israil lei, rathup niiphü ümniiraq ngi arang ka no na tsuqbaiqlaü; ümniiraq ibom taimaü riilaü, Ngi shomnoq maü riilaü. Kin diilu aweatek na kiimaq pejaq nüm chong aweatek chongji na ümniiraq ase keti phra thun noq laü.

JEREMIA 25:14

Ngi raq Bebilon mungti ma tsangshiq raq ümtinkhan wa maiq ma tiichamchao wantaq kriithaq na thep tliip latiishe tsangshiq ma mitham kuq wanha. Kiimaq maiq mung pahea raq kiimaq hokham jongbi pahea raq Bebilon mungti ka dikong ma miitiijabaiq wan.’”

JEREMIA 27:2

ngamkhü khosetiim nai pepan thun maq minsaü dang na tiihit chang ikha thai ashi hailaq, laüta ümdangkong na holaq nguta thaüto.

JEREMIA 27:7

Mangjong hiq na siti maiq mung wiita raq apaiq klishe mishkumpan wan. Kiimaq tsangshiq raq ase kiimaq apaiq ma asaü kra mishkum pan wan. Kriika apaiq mungtan kra then wan akhing na saüli miraq. Kra jai miishe ka apaiq mungtanti asengi raq maiq mung thun ningkun jonghea hotibi nai hokham ajong jongbi thun kra wokhong niishe misi wan.

JEREMIA 28:10

Kiijiishe Hanania raq idangkong wa thai kaü ngi raq i dang na hoshat kra dopot she lamto. Raüta thai ka bunlak tiibun baiqto.

JEREMIA 28:13

Hanania phana kilaq laüta akha chongkuq kikiq nguta thaüto; “Tatiwe raq nguto, ümniiraq pe maq ahai thaikii kla mitiingoq buk baiqlot haü sham. Shatmaq apaiq raq kriika jin thaikii miishe misongkuq.

JEREMIA 28:4

Kiimaq Ngi raq Juda mung hokhamwe Jehoiakim se Jehoiachin nai mungmaiqse munglu shumwi ma Bebilon mung na atsuq wan kra, wiita ana Juda mung na hali mitsuqho nongha. Tengteng, Ngi raq Bebilon mung hokhamwe ningkun ka wiita she mitiibun baiqha. Arka Ngi, Tatiwe raq toqtan tiikang.”

EJEKIEL 30:18

Ümtiikiiwa Ngi raq Ejip mungti ningkun tu nai tsang hongla shiikongtlaq kra tiibun bukbaiq tiikang, kiitiikaq Tahphanhes chela na ranyaq tangtang miraq. Phumthup raq Ejip mung thun ka mipang wan kiimaq achela nokmaiqse thun ka munglu shumwi kong ma mitsuq wan.

EJEKIEL 34:27

Pechong thun raq atsi mirkuq. Wak ram thun na tsam aheawiq midong man kuq. Kiimaq maiq loweatek ka maiqmii hiqshong na hansang maq mishong wan. Ümtiikiiwa Ngi raq i senginok khachang shumraü kharü thun kra chumbaiq tiikang, lata tsangshiq ka maiqdi sitlaq kiiwa dokda wan lata, wasekong miishe tiijatiikang, kiijiishetiq tsangshiq raq Ngi ardea Tatiwe nguta misap.

NAHUM 1:13

Ngi raq ümchaü, Asirianok shumraü kharü, namshiq khachang kriishe, michumbaiq ha,” nguta Tatiwe raq chongtlo.