JEREMIA 27:12 - ASII LAKDAP Bible (BSI)

¹² Ngi raq Juda mung Hokhamwe Jedekia miimin ara bomtsi kriisiili chongkuq kang. “Bebilon hokhamwe puk na nyap laq. Laüta apaiq wokhong na silaq. Kiimaq asengi amungti kra shiililaq. Kra nguraüla ümniika hansang misi haü.

Hawa Naga Bible 2001

¹² Ngaz rueq kvrulc rv-ngvlc Yuda Hokhvmx Zedekia muex, “Babelon hokhvmx waz kvjaz kuex tay phvnx shuiuz. Piq nuiyc piq miqsaz muex shuimx kaz kuq shuiuz, ngoz ruiux mnoz kuex tvraungx httax lvp tuiux.

JEREMIA 27:12 Referencias Cruzadas

TAKSU LAK 1:33

Shatmaq jurwa ibom chong taitlaq, Kriiti ka khu asang maq misi. Apaiq ka tiikhup wong shat miraq. Kiimaq apaiq haisong chang, jammin ahü she.”

JEREMIA 17:4

Ngi raq namshiq ma akuqha nam mung kra namshiq raq athaqbaiq chang she miraq. Kiimaq namshiq raq namjaqtinok wokhong na silanta, namshiq raq jam man sap man mangtang ramangnok mung kiina silantiishe chiqse rewenok kriishe mishomnoq han. Jamkhano ngukla itsankhiq ka walü wa nyai tlaq ikha nyaitlo. Kra walü ka pattup pat-sa nyairuqli she minyai wan.”

JEREMIA 21:9

Juwa chela mong niili sitlaq kriiti ka redong na re raq mitsatbaiq. Riimakla ram raq mitsai. Riimakla thadong raq mitsai. Shatmaq juwa chela mong wa dongho raüta Bebilon mungti ümchaü chela khatti jaq mong na maiqmii khum ka kiinong kuqtlaq, kriiti ka re raq tsat mak miraq. Kriiti ka maiqmii miisaqse ka atra mitiichhii wan lot.

JEREMIA 27:8

“Shatmaq maiq mung ashira raq kiimaq hokham weshi ra raq, apaiq puk na nyap mak raüla, Ngi raq kra mung ka re ma mitiikhat ha, lata sintsang maq mitsat ha, ram tiidong lata, ram ma mitiitsaiha; kiimaq tha tiidong lata mitiijiimbaiqha. Lata kra mung ka Nebukadnejar ma tiikhat lata botkhulai rai mishot baiqha.

JEREMIA 28:1

Kra rawii wa jipi lübiingi na, kiimaq Jedekia ka hokham jawanli maq wiiblai she angu na, Ajjur se Hanania, apaiq ka shammiwe Gibeon chelati raq ngi rai Shomjam maq riibomto. Ramwebi nai mungmaiqse man na apaiq raq ngi ma chongto,

JEREMIA 28:2

Tati Ningkun Ajongwe, Israilnok Shiikeawe raq akha nguto: “Ngi raq Bebilon hokhamwe ningkun ka tiibunbaiq kang she.

JEREMIA 38:17

Kiijiishe ngi raq Jedekia ma, Tati Ningkun Ajongwe, Israilnok Shiikeawe raq akha chongto nguta chongkang, “Ümniiraq ümkhum ka Bebilon mung hokhamwe siihiipbi jaq na kiinong kuqhaü la, ümmiisaq ka milun haü. Kiimaq ara chela ka wa maq chaqbaiq mak miraq. Ümnaq nai ümjamti thun ka mitiichhii wan.

JEREMIA 42:11

Namshiq ka Bebilon mung hokhamwe ma naqhai rongkiq she. Ngi ka namshiq rai asi. Krai mren apaiq ningkun jaqkhon wa ngi raq namshiq ka mitiichhii kuqha.