JEREMIA 27:12 - Hawa Naga Bible 2001

¹² Ngaz rueq kvrulc rv-ngvlc Yuda Hokhvmx Zedekia muex, “Babelon hokhvmx waz kvjaz kuex tay phvnx shuiuz. Piq nuiyc piq miqsaz muex shuimx kaz kuq shuiuz, ngoz ruiux mnoz kuex tvraungx httax lvp tuiux.

ASII LAKDAP Bible (BSI)

¹² Ngi raq Juda mung Hokhamwe Jedekia miimin ara bomtsi kriisiili chongkuq kang. “Bebilon hokhamwe puk na nyap laq. Laüta apaiq wokhong na silaq. Kiimaq asengi amungti kra shiililaq. Kra nguraüla ümniika hansang misi haü.

JEREMIA 27:12 Referencias Cruzadas

TAKSU LAK 1:33

Yuq muinz ngvy kvjaz tay phvnc jix htenc kuex vhvlx kvwungx httax tuex, piq kuex vhiz sungx juing lvmx yvmx muinz rvhumc tuex rvmuq.”

JEREMIA 17:4

Mmvrax ningkhvnc nuex nuimshiq muex ngaz rueq kuq phaungx mungtan kuex tuip gay shec shuinx. Ngvy thuinkhvy kuex wvr ikhoc ningkhvnc nuex pattup luic hvt luic vtueq, ngaz rueq nuimshiq kuex miqmac httuiuc muit shauk doc mungx nuex ralx muex shuimx lvmz kuq wuez shuinx,” ngoz tueq jungx tueq.

JEREMIA 21:9

Vruex ghaqyungx vyuq httaz jix ukhaq yuq muinz ralx rvlungc, khvmx vrvmc nuiyc vmac vtsac htenc maq thvy gay rvhumc tuex. Yuq muinz majuiuc ghaqyungx vruex khvt yaq Babelon miqsaz kox nuex nyuip waungc jix hez kuex vthvy gay rvhumc tuex rvmuq; tsuingshiq rullungx kuex dung wvnc lvp tuex.

JEREMIA 27:8

“Yuq muinz mkhoc miqphvnx, rvmuq ngoz ruiux mkhoc mungtan dvyx ngoz ruiux muinz, piq rueq guimz lawc yaq kuex phvnx muq ngoz ruiux yuq, tsuingshiq kuex tvdup suik tvbac gay tvkoc Nebukhadnezar tvkaz shaungx vkhing nuex httuiuc laz kvruex miqphvnx kuex ralx rvlungc nuiyc khvmx vrvmc thuimkux maq ngaz rueq murx tvgurc shaungx.

JEREMIA 28:1

Kvruex raungwawc dvyx, Yuda hokhvmx Zedekia hokhvmx yaungc yaq wawc bvlic rac yapix lex bv-ngac nuex, Gibeon ghaq wawc Azur saz shvmmax Hanania rueq Shomc Yuimx mungx maq ngaz muex jungx phuex. Piq rueq ngaz kuex shomc waz bix nuiyc mungx miqsaz htumc nuex

JEREMIA 28:2

Tvphaungc Tvsuip Yehowa, Israel Tishox rueq jungx tueq lvmx vkhoc jungx tueq: “Ngaz rueq Babelon hokhvmx waz luimc vkawc kuex tvbunx gay tauk.

JEREMIA 38:17

Kvruex yimaq Zedekia muex ngaz rueq jungx tauk Tvphaungc Tvsuip Yehowa Israel Tishox rueq jungx tueq, “Mkhoc shoc maq Babelon hokhvmx waz piq vyungx vlaungx bix kox nuex mnoz nyuip ruiux yuq, mrullungx dung lvp tuiux, ghaqyungx muinz jauk gay muq. Mnoz nuiyc m-yuimx wuinz muinz tvraungx httax lvp tuinx.

JEREMIA 42:11

Babelon hokhvmx waz muex nauk hiz kaz shex. Ngaz nuimshiq rulc vdvmz httax yaq, ngaz rueq nuimshiq kuex piq yauk wawc palc wvnc phaungx.