JEREMIA 27:11 - ASII LAKDAP Bible (BSI)

¹¹ Shatmaq ümra mungti wa Bebilon hokhamwe puk na nyap wan tlaq, raüta apaiq wokhong na sitlaq, raüla, kra mungti ka ngi raq tsangshiq maiqmii mung na, mitiishong nga wan ha. Raüta maiqmii wak ajam kra mishamsiq wan. Arka Ngi Tatiwe raq toqtan tiikang.”

Hawa Naga Bible 2001

¹¹ Yuq muinz Babelon hokhvmx waz kvjaz kuex tay phvnx vtueq piq muex shvmx kaz kuq ruiux yuq, unuk phvnx ngoz ruiux muinz miqmac mungtan nuex tvhttax ruiux, kvruex yuq httax vtueq shuimx lvmz phauk saq httax lvp tuex. Ngaz, Yehowa rueq jungx vshaungx,” ngoz tueq jungx tueq.

JEREMIA 27:11 Referencias Cruzadas

JEREMIA 21:9

Juwa chela mong niili sitlaq kriiti ka redong na re raq mitsatbaiq. Riimakla ram raq mitsai. Riimakla thadong raq mitsai. Shatmaq juwa chela mong wa dongho raüta Bebilon mungti ümchaü chela khatti jaq mong na maiqmii khum ka kiinong kuqtlaq, kriiti ka re raq tsat mak miraq. Kriiti ka maiqmii miisaqse ka atra mitiichhii wan lot.

JEREMIA 27:12

Ngi raq Juda mung Hokhamwe Jedekia miimin ara bomtsi kriisiili chongkuq kang. “Bebilon hokhamwe puk na nyap laq. Laüta apaiq wokhong na silaq. Kiimaq asengi amungti kra shiililaq. Kra nguraüla ümniika hansang misi haü.

JEREMIA 27:2

ngamkhü khosetiim nai pepan thun maq minsaü dang na tiihit chang ikha thai ashi hailaq, laüta ümdangkong na holaq nguta thaüto.

JEREMIA 27:8

“Shatmaq maiq mung ashira raq kiimaq hokham weshi ra raq, apaiq puk na nyap mak raüla, Ngi raq kra mung ka re ma mitiikhat ha, lata sintsang maq mitsat ha, ram tiidong lata, ram ma mitiitsaiha; kiimaq tha tiidong lata mitiijiimbaiqha. Lata kra mung ka Nebukadnejar ma tiikhat lata botkhulai rai mishot baiqha.

JEREMIA 38:2

Tatiwe raq akha nguto, “Juwa chela na sitlaqti thun ka re dong na, riimakla ram raq, riimakla thadong raq mitsai. Shatmaq juwa chela rukphai na dongho raüta, Bebilon mungti puk na nyaptlaqti thun ka tsat mak miraq. Kriiti raq maiqmii miisaq ka mitiichhii wan,” nguto chongtlo nguta tsangshiq raq bom ka taito.

EJEKIEL 28:25

Tati Rakaü Hiqwe raq akha nguto, “Ngi raq Israilnok ka pongmung thun na anyinbaiqha kiiwa, Israil mung na hali mitiijang shea wanha. Kiimaq maiq phan tlotli raq Ngi ka asii nguta misap wan. Kiimaq Israilnok ka Ngi raq ijaqshi se Jakob ma akuqha tsang mung kiijiishe mishong nga wan.