JEREMIA 24:9 - ASII LAKDAP Bible (BSI)

⁹ Ngi raq tsangshiq khuthaq na pinthum achonglot mai, chamchao sangrai mitiisaüha. Kra tsangshiq thenjen wan kra chhi raüta pongmungti thun pahea ka phiip raq mitsai. Maiqse raq tsangshiq ka pinthum aslailii she mirwan. Kiimaq tsangshiq ka slailii raüta naikü sherüli she miraq. Raüta, shummii shaqshaq mirwan. Kiimaq tsangshiqnok mang kra chong raüta, Ngi raq tsangshiq ka maiq mung ümtin niiwa tiipin baiq kang kiijaq maiq manson tiihap chang bomtsi miishe mitiija wan.

Hawa Naga Bible 2001

⁹ Ngaz rueq mungkawx wawc miqphvnx lotlaz kv-khuirc hiyaz laz juing bac hvlc thuimkux kuex tsuingshiq htauk nuex tv-httuiuc shaungx. Ngaz rueq tsuingshiq tvpenc gay tauk baung ruip saz wawc miqphvnx lotlaz rueq tsuingshiq muex nueykuic shuex, shummarc shuex, ngoz ngax jungx saq vtueq tsuingshiq muingc maq kvtuemc taungc bomc rvhumc tuex.

JEREMIA 24:9 Referencias Cruzadas

1 HOKHVMX 9:7

kriishe nguraüla, Ngi raq isengi Israilnok ka Ngi raq tsangshiq ma akuq wanha mungtan kriiwa akoq she mirbaiq wanha. Kiimaq Ngi raq ara Shomjam ara, Ngi shomnoq wan chang hiqba nguta phumram kham maq atiibok wanha asii jam arka amiimshe mirbaiqha. Mangjong maiqse barap binriiti raq Israilnok ka thophi riiqphi saisikhiq she mishum miiwan.

2 KAÜWA WERAÜ 7:20

ngi raq namshiq ka namshiq ma mung ashi kuqkang arwa alam mirbaiqha. Kiimaq ngi raq ngi shomnoq miitu ara hiqba asii ramkham maq atiibokha Shomjam ara amiim she mirbaiqha. Krai mren mangjong maiqse barapti raq ara mishummii wan. Raüta chuphit nüphit lishe misai siwan.

Tvtsvmc 69:11

Ngi raq wunthaü riinaü khea sam lata maaho manyi sikang, kiimaq tsangshiq raq ngi ka naiküto.

ISAIA 43:28

Kiimaq ümmung tuwebi riimin, isiqlaitap ka riikhiq pinthum tiishebaiqto. Atinkhan shutkha na Ngi raq Israilnok ka tiithenbaiq kang, Ngi raq isenginok ka maiq ma tiishummii kang.”

ISAIA 65:15

Ngi raq atsea arwanha isenginok raq namshiq mang ka chong raüta maiq ma manson miitu mishton wan. Ngi Ajong Thaq Na Ajong Pinthum Tatiwe raq, namshiq ka mitsatbaiqha. Shatmaq jurwa ibom tai tlaq raüta iwokhong na sitlaq kriiti miika mang anye she mikuq wanha.

JEREMIA 15:4

Ngi raq mangjong maiqse tlotli ka tsangshiq miq wantaq kra chhi raüta phiip ma mitiitsaiha, jamkhano ngukla Hejekia se Manase raq apaiq raq Juda mung hokham jawantaq akhing na Jerusalem maq jamlai wa abi klo wantaq, kra kha na, Ngi raq ara klo wan tiikang.”

JEREMIA 19:8

Ngi raq ara chela na pinthum maiqse nübok maq chonglot mai chang khan, phiiptsi chang thenjen wan jaqsham mitiichhi kuqha. Krai mren maiq loweatek arlam maq lea wanti raq kra chhiraüta akiinyii mirwan kiimaq awang athangli mirwan.

JEREMIA 25:18

Jerusalemti kiimaq Juda mung na chela thun sitlaq wiita ma, tsangshiq hokhambi kiimaq mung welabi thun rai nong nong adam maq tiibak nyang kang. Kriika tsangmung thun ka botkhulai rai shot raüta kumtsaiphii ma tiijabaiq tlii mirlaq nguta kuq kang. Kriika hiqmiq changkhü ikhiishe maklii jai na tiijang phat she mija wan. Krai mren maiqse raq tsangshiq mang ka maiq ma manson chang ashi ikhiishe mitiija wan. Kriika ümchaü min nguruqli ngutlo.

JEREMIA 26:6

Namshiq raq ibomchong ka tlea wanruqli la riihanla, Ngi raq Shilo chela wa asii jam ka jamkho tiithen baiqkang, kiikha, ara Shomjam armin atiithen mirbaiqha. Kiimaq maiq mung thun raq ara chela mang ka chong raüta manson shiiton miishe mitiija.”

JEREMIA 29:18

Ngi raq tsangshiq ka re ma mitiijo wanha. Ram tiidong lata, ram ma mitiihaüha, kiimaq tsangshiq ma tha mitiidongha. Raüta tsangshiq thenjen wan kra chhi raüta mangjong hiq na siti maiq mung thun tlotli ka phiip raq mitsai. Ngi raq tsangshiq ka barap binrii na mitiipin baiqha. Tsangshiq thenjen wan ka chhi raüta mangjong maiqse ka akii anyii phiipraq atsai miraq. Maiqse raq tsangshiq ka aslailii, ashummii she mirwan. Raüta tsangshiq mang ka chong raüta maiqse liipan na manson bom shiiton ma mitiija wan.

JEREMIA 29:22

Ümtiikiiwa Jerusalem wa Bebilon mung na re wa shumwi kong ma tsuq wantaqti raq maiq ashi thaq na manson kuq raüla, tsangshiq raq, ‘Tatiwe raq ümniika Bebilon hokhamwe raq Jedekia nai Ahab ka atra maq wa na shu raüta tiikhiim phaqtaq kiikhiitiq mitiikhiim chaq kiiphaü!’ nguta mison.

JEREMIA 34:17

Riita ümchaü min, Ngi, Tatiwe raq ngutiikang, namshiq raq Ngi aming ka jin lan. Namshiq raq namshiq maiqmii Israilnok phan ka wasetiim ma tiija wan man dea riilan. Ahea na, ikhiijiika ahea kata. Ngi riimin namshiq ka wasetiim ma hali mitiija nong kang. Kriika redong na tsai miitu, thadong na tsai miitu, ram raq jiim wan miitu she wasetiim mija han. Ngi raq mangjong hiq na maiqmung sitlaq tek ka, Ngi raq namshiq tiithenbaiq wan tiikang kra tiichhi kuq lata phiip ma mitiitsaiha.

JEREMIA 42:18

“Tati, Israilnok Shiikeawe raq ngutlo, ‘Ngi raq itsankhiq walüwa ikha hengtlaq kra Jerusalem na siti khuthaq na jamkho tlü chaq kang, namshiq ka Ejip mung na laüho han jiila, ngi raq namshiq khuthaq niimin kra mitlü chaqha. Namshiq ka maklii jai na tiijang phat phiiptsi jiiptsi mithen wan han. Maiqse raq namshiq thenjen wan kra chhi raüta slaislii thophi riiqphi mishummii wan. Kiimaq namshiq mang ka chong raüta maiqse raq manson shiiton ma mitiija wan. Namshiq ara hiqshong arka thongshi chhinong man she mirhan.’”

JEREMIA 44:12

Riita arningkhan na, Juda mung na maiq ümchuwa aso atiichongki thun raq ümchaü Ejip mung na laüho raa dongdii, raüta Ejip mung na shongkai raa nguta honglatlaqti thun ka, ahea na, Ngi riitiq miliiha. Tsangshiq ka tiithumpak laimiq mitiithum baiqha. Tsangshiq tarü kunli, ajong aran wiita kunli Ejip mung na mijiim. Redong akhing na riimakla ramdong raq mijiim. Tsangshiq thum wan kra chhi raüta maiqse makki na phiiptsi chang miraq. Maiqse angu raq tsangshiq ka shummii shaq shaq raüta milii. Kiimaq tsangshiq mang ka chong raüta maiq raq manson bom shiiton ashi miishe mitiija.

JEREMIA 44:13

Ngi raq Jerusalem na siti jamkho redong na, ramdong na, kiimaq tha tiidong lata imo tiihokang, kiikhiisii Ejip mung na siti kiimin imo mitiihoha.

JEREMIA 44:22

Ümchaü ranaiq na saüli, nam mung ka hiqmiq changkhü miishe jakito. Maiq ka kiijaq jumin simak she. Nammung ka maiqphiip maiqjiip changli she sitlo. Nam hiqshong namrahai mang kra chong raüta maiqse raq manson shiiton ke bomtsi miili she tiijatlo. Jamkhano ngukla Tatiwe raq namshiq raq abi kiimung tlan homa thun ka ninlot mak she riito.

EJEKIEL 23:46

Riita Tati Rakaü Hiqwe raq ngutlo: “Mung maiqse phong shea wan laq. Lanta tsangnai ka phiip ajiip ma tiitsai ronglaq. Lanta tsangnai tsiiq anyam ka wiita trunbaiq ronglaq.

EJEKIEL 25:3

Tsangshiq ma Ngi, Tati Rakaü Hiqwe raq jamlai wa chongtiikang ara tiitsang tailaq nguta chonglaq: Ümniiraq i Shomjam ka tiishebaiq wan kra chhilaüta kai chochi laü; Israil mung ka tiihihut tiithenbaiq wan kra chhilaüta, kiimaq Juda mungti ka rewa shumwikong ma pongmung na tsuq wan kra chhilaüta chochisiq laü.

EJEKIEL 26:2

“Maiqse lei, Tajar chelati raq akha ngu raüta chochi siqtlo. Tsangshiq ka, ‘Jerusalem ka bunto she! Apaiq laopan ja ningkun kiimin thento she! Apaiq ka nashiq rai riilong pailot mak she!’

EJEKIEL 5:8

Kra ningkhan, Ngi, Tati Rakaü Hiqwe raq ümniima chongtiikang, Ngi ka ümniima wesang she. Ngi raq ümkha ka miphoha. Lata mo mitiihoha. Kra mo hotlaü ka maiq mung pahea raq michhi.

TRI CHONGKE 28:25

“Tatiwe raq ümniika ümjaqtinok ma tiikhat raüta mitiitang. Ümniiraq tsangshiq ka lamshi maq wa laüta mikhat haü. Shatmaq ümniika tsangshiq hai ma lamrap miishe miju haü. Kiimaq ümnaq thum rai laü kra chhi raüta, mangjong maiqse kunli ka phiip raq mitsai.

TRI CHONGKE 28:37

Tatiwe raq ümniika ümra mung niiwa nyin shin baiq tlaq, kra mungti raq üm tsütsa ka tai raüta pinthum akiinyii miraq. Tsangshiq raq ümniika naikü sherü raütli mishum miisiq.