JEREMIA 24:9 - Hawa Naga Bible 2001

⁹ Ngaz rueq mungkawx wawc miqphvnx lotlaz kv-khuirc hiyaz laz juing bac hvlc thuimkux kuex tsuingshiq htauk nuex tv-httuiuc shaungx. Ngaz rueq tsuingshiq tvpenc gay tauk baung ruip saz wawc miqphvnx lotlaz rueq tsuingshiq muex nueykuic shuex, shummarc shuex, ngoz ngax jungx saq vtueq tsuingshiq muingc maq kvtuemc taungc bomc rvhumc tuex.

ASII LAKDAP Bible (BSI)

⁹ Ngi raq tsangshiq khuthaq na pinthum achonglot mai, chamchao sangrai mitiisaüha. Kra tsangshiq thenjen wan kra chhi raüta pongmungti thun pahea ka phiip raq mitsai. Maiqse raq tsangshiq ka pinthum aslailii she mirwan. Kiimaq tsangshiq ka slailii raüta naikü sherüli she miraq. Raüta, shummii shaqshaq mirwan. Kiimaq tsangshiqnok mang kra chong raüta, Ngi raq tsangshiq ka maiq mung ümtin niiwa tiipin baiq kang kiijaq maiq manson tiihap chang bomtsi miishe mitiija wan.

JEREMIA 24:9 Referencias Cruzadas

1 HOKHVMX 9:7

Tsuingshiq muex ngaz rueq kuq tauk mungtan wawc ngvy miqsaz Israel kuex tvhttot gay shaungx. Ngaz muex nawk palx juing baung ngoz tueq ngaz rueq pungx thvlc vthvl taq vruex Shomc Yuimx kuex ngaz rueq gay shec shaungx. Baung ruip saz nuex httax yaq miq htenc rueq Israel kuex shummarc vtueq wvlc guez tvyaungc shuex.

2 KAÜWA WERAÜ 7:20

ngaz rueq nuimshiq muex kuq phaungx mungtan wawc nuimshiq kuex ngaz rueq tvyenc gay ruiux, ngaz muex nawk palx tvkoc vlekuq vruex Shomc Yuimx kuex ngaz rueq gay shec shaungx. Baung ruip saz wawc miq htenc rueq muinz Israel kuex wvlc guez tvyaungc vtueq shummarc nueykuic wuez shuex.

Tvtsvmc 69:11

Ngaz rueq vyonz vyec khvy svmx koq muinz, tsuingshiq rueq ngaz kuex nueykuic wuez yaq.

ISAIA 43:28

mnoz vyungx vlaungx bix rueq ngvy vsawc baung kuex tvshuy shac tueq. Kvkhoc rvtueq ngaz rueq Israel htauk nuex tvbac gay lvmz tvhttuiuc tauk; ngaz rueq ngvy miqsaz htenc kuex wvlc guez waqguez tvrvhumc tauk,” ngoz tueq jungx tueq.

ISAIA 65:15

Ngaz rueq thvlc rvhumc jix miqsaz rueq mmuingc kuex mvnhttonc mvntvmc bomc muex shuimx shuex. Ngaz, Johvlc Yehowa rueq mnoz kuex thvt gay phaungx. Yuq muinz ngvy kvjaz tay jix muex kuex muingc vnyalx kuq shaungx.

JEREMIA 15:4

Hezekia saz Manase kuex Yuda hokhvmx yaungx yaq nuex, Yerusalem nuex piq rueq shuimx wvnc tueq yauk shuimc ningkhvnc nuex ngaz rueq mungkawx miqsaz lotlaz muex ekvruex hez kuex khiz vtueq tvkawc yawc shaungx,” ngoz tueq.

JEREMIA 19:8

Ngaz rueq vruex ghaqyungx vyuq bac hvlc vhiz juing tvhttuiuc shaungx ningkhvnc nuex, kvruex maq lvy jix miq tek vtueq kawc yawc ruiux wangc wuez tuex.

JEREMIA 25:18

Yerusalem nuiyc Yuda ghaq htenc lotlaz, hokhvmx bix nuiyc walaungx bix kuex vdvmz nuex kawk kvwawc nuingx wuez tueq, tsuingshiq kuex ghaqkuiyq ghaqkhvmx baung, kawc yawc juing nuiyc kv-khuirc hiyaz juing ikhoc baung muex yaungx wvnc wuez tueq, miq htenc rueq muinz tsuingshiq muingc kuex majuiuc nuex httuiuc laz shuimx yaq honc vyaungc rulc rv-ngvlc tuemc taungc juing baung tvyaungc yaq.

JEREMIA 26:6

Mnoz rueq tvhttoarc vtueq phvnx muq ngoz ruiux yuq, ngaz rueq Shilo kuex ruez gay tauk ikhoc vruex Shomc Yuimx vmuinz ngaz rueq ruez gay shaungx. Vruex mungkawx wawc miqphvnx htenc lotlaz rueq vruex ghaqyungx muingc kuex kvtuemc kvtaungc juing ikhoc tvyaungc shuex,” ngoz tueq jungx tueq.

JEREMIA 29:18

Ngaz rueq tsuingshiq kuex ralx rvlungc, khvmx vrvmc nuiyc vmac vtsac thuimkux maq tvyurc gay shaungx, mungkawx wawc miqphvnx lotlaz rueq tsuingshiq kuex khiz vtueq kawc yawc wuez tuex. Tsuingshiq kuex ngaz rueq tvpanc yurc gay shaungx baung ruip saz wawc miq htenc kuex tsuingshiq nuex yaungx wvnc tueq lvmz htenc kvmac kawc yawc kv-khuirc wuez tuex. Miq rueq tsuingshiq muex shummarc vtueq tsuingshiq muingc kuex kvtuemc kvtaungc juing bomc tvyaungc shuex.

JEREMIA 29:22

Yerusalem wawc Babelon nuex thuq wvnc rvhumc hez rueq miq vshiz shiz muex tuemc ngoz shuex nuex, tsuingshiq rueq, ‘Babelon hokhvmx waz rueq tvraungx juiuz gay rvhumc tueq Zedekia nuiyc Ahab ikhoc Yehowa rueq mtvyaungc kv-phux!’ ngoz tueq ngoz shuex.

JEREMIA 34:17

Kvkhoc rvtueq, mnoz rueq ngvy kvjaz tay phvnx muq; mnoz rueq Israel miqsaz vdvmz dvmz muex muinz dungc wvnc vkhangx kuq muq ngoz tueq ngaz, Yehowa rueq jungx vshaungx. Pinhtumc vhvlx, kvkhoc ningkhvnc nuex ralx rvlungc maq muinz, vmac vtsac maq muinz, khvmx vrvmc maq muinz vthueyc vsuimz rvwvnc yaq dungc wvnc vkhangx kuex ngaz rueq mnoz muex kuq phaungx. Ngaz rueq mnoz muex tvdung kuq phaungx kuilc daz jamjaux maq mungkawx wawc mungtan ruip rawx muex ngaz rueq tvhiz sungx shaungx rvtueq.

JEREMIA 42:18

“Yehowa Israel Tishox rueq jungx tueq, ‘Ngaz khaq vtaungx nuiyc thuinkhvy phuk yaq kuex Yerusalem ghaq jix htauk nuex ruiuc gay tauk ikhoc nuimshiq Ejip mungx nuex kaz wvnc tuit ngoz ruiux yuq nuimshiq htauk nuex muinz ngvy thuinkhvy kuex ruiuc gay shaungx. Nuimshiq kuex kvhiz juing muex yaungx khvmz tuit, miq htenc rueq muinz nuimshiq muex shummarc vtueq mmuingc kuex kvtuemc kvtaungc kvjaz jungx shuex nuex shuimx wuez shuex. Nuimshiq rueq vruex baung kuex mkaq muinz khiz yek shuinx rvmuq shex rvshuinx,’ ” ngoz tueq jungx tueq.

JEREMIA 44:12

Ejip mungx nuex httaz tvkoc htvp htaz vtueq httaz kay jix kvjungx yaq Yuda miqsaz kvlec kuex tsuingshiq lotlaz tvbac gay rvhumc tuex kuex ngaz rueq khiz shaungx. Ejip mungx nuex httax yaq vruinx maq vyungx nuex httuiuc laz tsuingshiq lotlaz kuex ralx rvlungc nuex muinz, khvmx vrvmc rueq muinz, thueyc mvy wvnc tuex. Tsuingshiq kuex kvhiz juing muex yaungx wvnc tuex; miq htenc rueq tsuingshiq kuex shummarc vtueq tsuingshiq muingc kuex mvnhttonc mvntvmc kvjaz nuex jungx yaq ikhoc shuimx wuez shuex.

JEREMIA 44:13

Ngaz rueq Yerusalem muex murx tvgurc tauk ikhoc, Ejip mungx nuex httaz kay jix hez kvmuinz, ralx rvlungc nuex, khvmx vrvmc nuex nuiyc vmac vtsac htenc maq tvgurc shaungx.

JEREMIA 44:22

Nuimshiq layx vbac nuiyc miqsuirc vsac honc vyaungc htenc kuex Yehowa rueq raungluingx muinz nanx lot muq ningkhvnc nuex nuimshiq mungtan kuex majuiuc raungnuiyq yaungx yaq kvkhoc, ghaqkuiyq ghaqkhvmx yaungx wvnc vtueq washiz muinz httax tuex rvmuq. Kvhiz juing baung muex yaungx wvnc vtueq kvruex mungtan muingc kuex miq rueq kvtuemc kvtaungc kvjaz muex jungx shuex.

EJEKIEL 23:46

Vruex kuex Johvlc Yehowa rueq jungx yaq kvjaz rvtueq: “Tsuingnueyc kuex tvhiz sungx vtueq nyvlc wvnc tvkoc miq vkung vdaungx shvlx wvnc shaungx.

EJEKIEL 25:3

Ngaz, Johvlc Yehowa rueq jungx shaungx kvjaz kuex tay tvkoc tsuingshiq muex jungx shuiuz: mnoz rueq tvshuy shac gay toq ngvy Shomc Yuimx kvmuinz, kuiyqshuik kuiyq shix yaungx wvnc tueq Israel mungtan kvmuinz, vthuq vruez wvnc Yuda miqsaz htenc kvmuinz khiz vtueq kokez vtuinx.

EJEKIEL 26:2

Vpiq rueq, “Vthueyc rvyaq miq lex, vruex kuex Tire ghaqyungx wuinz kokez tvruingc rvtueq. Tsuingshiq rueq, ‘Yerusalem kuex kvhttak bac kaz shex! Kvruex ghaq wawc tsak nyvmx luimc kawc muinz htumx kaz shex! Kvruex ghaq kuex naungshiq rulc rvlongx lot phuex rvmuq shex!’ ngoz tueq guyc jungx tueq.

EJEKIEL 5:8

Kvkhoc rvtueq ngaz, Johvlc Yehowa kuex mnoz muex ralx yaungx vtaungx lvmx mnoz muex jungx vphaungx. Ngaz rueq mnoz kuex miqphvnx htenc lotlaz rueq khiz yaq baung nuex phox phaungx.

TRI CHONGKE 28:25

“Yehowa rueq nuimshiq muex ralx yaungc jix hez muex tvtaungx gay kv-phuinx. Nuimshiq rueq ralx khux vshiz maq dvyx khvt yaq nuex ralx nuex sumx vtueq khuic ruip maq yuz wvnc wuez tuinx. Ghaq htauk wawc miq lotlaz kuex nuimshiq nuex yaungx wvnc tueq htenc kuex lawc vtueq hiyaz kvkhuirc wuez tuex.

TRI CHONGKE 28:37

Nuimshiq kuex mungtan ruip rawx nuex tv-phvlc nyanc gay ruiux yuq, kvruex mungx wawc miq rueq nuimshiq rvhumc vtuinx lvmz kuex khiz vtueq vkawc yawc rvwuez tuex; nuimshiq muex shummarc nueykuic wuez kv-phuinx.