JEREMIA 24:10 - ASII LAKDAP Bible (BSI)

¹⁰ Ngi raq re mitiidongha; ram mitiidongha; kiimaq tsangshiq khuthaq na tha mitiidongha; lata ara Ngi raq tsangshiq ma nai tsangtitiim ma akuqha mung arjaq maiq ka weshi min tiichong mang maq thumthum miqchup mitiijiimbaiqha.”

Hawa Naga Bible 2001

¹⁰ Tsuingshiq nuiyc tsuingshiq jix vwaz tamx muex ngaz rueq kuq tauk mungtan nuex tsuingshiq vshiz muinz vtvraungx httax muq laz juing tsuingshiq kox nuex ralx rvlungc, khvmx vrvmc nuiyc vmac vtsac htenc tv-httuiuc shaungx,” ngoz tueq jungx tueq.

JEREMIA 24:10 Referencias Cruzadas

1 HOKHVMX 14:15

Tatiwe raq Israilnok ma mo laihea mitiiho wan. Kra ningkhan na Israil mung ka wiita mibrak shaq wan. Khamrai mong na khamtso raq tingjang rü baiqrat tlaq ikhiishe mibai wan. Apaiq Israilnok ka ara hiqpo hiqwin mung apaiq raq tsangtitiim ma akuq wan arwa arangchong maq miphai baiq wan. Raüta apaiq raq tsangshiq ka pongmung niishe Euphretis rai kra tlea mung niishe miwan baiq wan. Jamkhano ngukla tsangshiq raq jechak phrakaü Ashera sumla kaü kra thun ka klo wanto. Raüta Tatiwe tsankhiq walüwa kra shaü wanto.

ISAIA 51:19

Ümniima mo tiiho ka thap nai maq thap raütiishe tiihotlo; Ümmungtan ka redong na botkhulai rai shotbaiqto, kiimaq ümsenginok ka ram raq jiimto. Ümniima mangchan tiichhiketi ka jumin ahü.

JEREMIA 14:12

Tsangshiq raq amang maq achu jaü raü min, ngi jaqwa khrum jaütlaq kra bom ka trekuq mang. Kiimaq tsangshiq raq ngi ma chaqtlii-honglu thun nai wong-honglu thun kuq raü min, ngi ka tsangshiq rai itsan riihea mang she. Kra rii na ngi raq tsangshiq ka re ma mitiijiipbaiqha, kiimaq ram tiidong lata mitiijiim baiqha kiimaq tha tiidong lata mitiijiimbaiqha.”

JEREMIA 15:2

Tsangshiq raq ümniima, riita tsangshiq ka ümbana kaiho chang wa ngutla wai raüla, tsangshiq ma ngi raq chongkang nguta chonglaq. Tsangshiq ka: Tsangshiq wiijam ka thatsi raq mitsai— kiijaq tsangshiq ka kaiho chang! Maiq wiijam ka re na miqchup mitsai— kiijaq tsangshiq ka kaiho chang! Maiq wiijam ka ram raq miqchup mijiim— kiijaq tsangshiq ka kaiho chang! Maiq wiijam ka munglu shumwi ma mitsuq wan— kiijaq tsangshiq ka kaiho chang!

JEREMIA 16:4

Tsangshiq ka thadong henghea phiiptsi chang dongtlaq kiina mijiim. Tsangshiq maajoti maiq jumin ahü miraq. Kiimaq tsangshiq maaphong kra lapsheti min ahü miraq. Tsang maaphong ka minsaü daiq phong wak na aphong ikha mirphong. Tsangshiq ka redong akhing na re raq mijiipbaiq, riimakla ramdong raq amang maq mijiim. Tsangshiq maaphong ka wushikong raq miphaq kiimaq rum wa ngam kong raq miphaq.

JEREMIA 19:7

Ara hiqshong armaq Ngi raq Juda mungti nai Jerusalemti raq ümtinkhan kiimung jaqsham wa misham hai nguta sürii wantaq thun kra wiita atiikan mirbaiqha. Ngi raq tsangshiq ka tsang jaqtinok ma tiikhat lata mitiitangha. Lata tsangshiq ka rekhat na wiita mitiijiip baiqha. Ngi raq tsangshiq maaphong ka rum na siti wushi kong ma nai rum nyamse kong ma mitiibak phaqha.

JEREMIA 21:9

Juwa chela mong niili sitlaq kriiti ka redong na re raq mitsatbaiq. Riimakla ram raq mitsai. Riimakla thadong raq mitsai. Shatmaq juwa chela mong wa dongho raüta Bebilon mungti ümchaü chela khatti jaq mong na maiqmii khum ka kiinong kuqtlaq, kriiti ka re raq tsat mak miraq. Kriiti ka maiqmii miisaqse ka atra mitiichhii wan lot.

JEREMIA 27:8

“Shatmaq maiq mung ashira raq kiimaq hokham weshi ra raq, apaiq puk na nyap mak raüla, Ngi raq kra mung ka re ma mitiikhat ha, lata sintsang maq mitsat ha, ram tiidong lata, ram ma mitiitsaiha; kiimaq tha tiidong lata mitiijiimbaiqha. Lata kra mung ka Nebukadnejar ma tiikhat lata botkhulai rai mishot baiqha.

JEREMIA 29:17

Tati Ningkun Ajongwe raq ngutlo, ‘Ngi raq arjaq siti ma re mitiidongha, ram mitiidongha lata amang maq mitiihaüha, kiimaq tsangshiq ma tha mitiidongha. Lata Ngi raq tsangshiq ka phupmuptsi, wiita namtoktok, aphaq asea maimak ikhiishe mitiija baiqha.

JEREMIA 29:18

Ngi raq tsangshiq ka re ma mitiijo wanha. Ram tiidong lata, ram ma mitiihaüha, kiimaq tsangshiq ma tha mitiidongha. Raüta tsangshiq thenjen wan kra chhi raüta mangjong hiq na siti maiq mung thun tlotli ka phiip raq mitsai. Ngi raq tsangshiq ka barap binrii na mitiipin baiqha. Tsangshiq thenjen wan ka chhi raüta mangjong maiqse ka akii anyii phiipraq atsai miraq. Maiqse raq tsangshiq ka aslailii, ashummii she mirwan. Raüta tsangshiq mang ka chong raüta maiqse liipan na manson bom shiiton ma mitiija wan.

JEREMIA 32:24

“Bebilon mungti raq chela kra khat raüta jiiwan miitu chela trotam na hiqphong raüta hiqkhu thun she haito. Redong raq, ram raq haü wan raüta, kiimaq thadong raq jiim wan raüta chela mong na siti maiqse ka tsangshiq jaqkhon niishe mitsai. Ümniiraq jamlai wa chonglaü ümchaü sanha ümmakki niishe hongtha wanto.

JEREMIA 32:25

Li jiiminla, Tati Rakaü Hiqwe lei, ara chela arka Bebilonnok raq khat raüta ajii wan napnap she taü maq, ümniiraq ngi ma hiqphu ka kiimwebi makki na rilaq nguta aming kuqlaü.”

JEREMIA 34:17

Riita ümchaü min, Ngi, Tatiwe raq ngutiikang, namshiq raq Ngi aming ka jin lan. Namshiq raq namshiq maiqmii Israilnok phan ka wasetiim ma tiija wan man dea riilan. Ahea na, ikhiijiika ahea kata. Ngi riimin namshiq ka wasetiim ma hali mitiija nong kang. Kriika redong na tsai miitu, thadong na tsai miitu, ram raq jiim wan miitu she wasetiim mija han. Ngi raq mangjong hiq na maiqmung sitlaq tek ka, Ngi raq namshiq tiithenbaiq wan tiikang kra tiichhi kuq lata phiip ma mitiitsaiha.

JEREMIA 42:17

Maiq ümchu riiwa Ejip mung niidea laüho ratlo nguta hongla tlanti thun ka, kiimaq kiijaq shongkai raa dongdii nguta honglatlanti thun ka redong na mitsai han. Riimakla ramdong raq mijiim han. Riimakla thadong raq mijiim han. Kra Ngi raq tsangshiq khuthaq na athen jen wan sawa tiisaü wan tiikang kra mong wa, tsangshiq phong wa maiq ka ashi ra min tiichong mak mitsai, kiimaq weshi ra dongdii min lunmak miraq.’

JEREMIA 42:22

Kra ningkhan ümchaü sanha, ara tsan na tiitsang ronglaq: Namshiq ka redong na mijiim han; riimakla ramdong raq mijiim han; riimakla thadong raq mijiim han; namshiq ümra mung na sikai wa laüho tlan, kiijaq mijiim siq han.”

JEREMIA 5:12

Tatiwe senginok raq apaiq ka no na tiishaü baiqto. Raüta akha nguto, “Apaiq raq ngohea shaq shaq ka klo mak miraq. Nashiq ma chamchao litkot akhing ka tiisaü mak miraq. Nashiq ma re ka dong mak miraq. Kiimaq ramdong ka saümak miraq.”

JEREMIA 9:15

Arningkhan, tiitsang tailaq, Ngi Ajong Pinthum Tatiwe, Israilnok Shiikeawe raq jamlai jaq wa misham wanha kra tailaq. Ngi raq isenginok ma pechong khap dokdok phan thun kriishe mitiiphaq wanha. Kiimaq maiqchok raq chang phan kham kriishe mitiinyang wanha.

JEREMIA 9:16

Ngi raq tsangshiq ka maiq pong mungti thun mung luhea na, tsangshiq riimin sapmak kiimaq tsangtitiim riimin sap mak, mangtang ramangnok mung niishe munglu shumwikong ma mitiitsuq wanha. Lata ngi raq tsangshiq ka tiithumpak mitiithen baiqha shaq wiiwii, chiqse rewe pahea tiiki lata tsangshiq ka mitiikhat wanha.”

EJEKIEL 33:27

“Tsangshiq ma chonglaq, Ngi, Tati Rakaü Hiqwe raq tsangshiq ma honlam bom chongtiikang, tengteng, Ngi ka atra Shiikeawe. Athen arki chela thun na siti mungmaiqse thun ka re jaq na mitsai. Kiimaq hiqshong thun na siti mungmaiqse ka rum wa ngamthaiq kong raq mikaqbaiq. Raüta miphaq wan. Kiimaq ku akin thun na kiimaq chongkhong longsha thun na tiipaüti thun ka thadong raüta mitsai.

EJEKIEL 6:11

Tati Rakaü Hiqwe raq nguto, “Ümjaq ka naüshaü shaü riilaq! Ümjitham maq hiq ka kung shiikung haplaq! Laüta Israil mungti raq ümtin khan wa abi klo wantaq, maiqphai asi jaqsham wantaq kriithun kra miitu, makphai trok laüta hoqlaq. Tsangshiq ka re raq mitsatbaiq, ramdong raüta mijiim, kiimaq thadong raüta mijiim.

EJEKIEL 7:15

Chiihea wea lam thun na rekhat trangli she. Jamkun thun na atsi asi nai ramdong riili she nyam wanto. Chiiphai na rum na maiq ümchuwa sitlaq kriithun ka re rai riikhat lam maq mijiim wan. Kiimaq chela mong na ümchuwa sitlaqti thun ka thadong raq nai ram raq mijiim.

TRI CHONGKE 28:21

Apaiq raq üm khuthaq na thup atha ka phanshi thaq na phanshi tiipat hoho mitiisaü, raüta ümniika ümchaü jiiwan tlaü mung kiiwa miqchup, maiq ka weshi min tiichong mak mijiipbaiq.

Revelation 6:8

Kiijaq ngi raq liikang. Kiimaq lütaitai kaü, kumrang ashi chhikang. Kriithaq na chaoti we mang ka Tsailam we nguta chongtlo. Kiimaq apaiq jaiphanti we mang ka Wulum we nguta chongto. Tsangnai ma mangjong maiqse ka, manblai wa manshi rii ka redong na, ramdong na, kiimaq thadong raq, kiimaq rum ngamse lümaq tiijiip baiq miitu arang kuqto.