JEREMIA 2:26 - ASII LAKDAP Bible (BSI)

²⁶ Tatiwe raq ngutlo, “Ahukwe ka maiqraq lapho raüla jeasi khatamshi mingaü. Ikiikhiisii hali namshiq Israilnok riimin, jea mingaü han. Nam hokhambi raq, nam siihiipbi raq, nam ramwebi raq, kiimaq shammibi raq jea mingaü phaq han.

Hawa Naga Bible 2001

²⁶ Yehowa rueq jungx tueq, “Vlvp gay rvhumc vtueq vguiuq waz yvlc sac yaq ikhoc, mhokhvmx bix, vyungx vlaungx bix, shomc waz bix nuiyc shvmmax bix nuimshiq Israel miqsaz kuex yvlc svy rvhumc tuinx.

JEREMIA 2:26 Referencias Cruzadas

EJRA 9:7

Naiti naiwi pat maq pha raüta, ümchaü niitaq saüli, naishiq ara ümsengi, ümphan ümmaq asii maiqsetiim raq pinthum achong min lot mai, ngarai pahea tang wan kai. Naishiq nok raq ngarai tang wan kai kriikha maq, naishiqnok hokhambi thun, kiimaq naishiqnok ramwebi wiita, pongmungti hokham rewe jaqkhon mong na lap wanto. Raüta tsangshiq ka jiipbaiq wanto. Kiimaq naishiqnok tsiiq anyam tum thun ka wiita khaükhokkhok hut wanto. Kiimaq naishiqnok ka pongmung na, rewa shumwi ma shea wanto. Naishiqnok ka achong lotmai, ji maq niwantlii raüta, ümchaü ranaiq niitaq saüli, chamchao shummii homa howan laitli sitiikai.

Tvtsvmc 97:7

Sumla thun noqtibi loweatek ma jea tiingaütlo; tlotli tisho thun raq Tatiwe khaki na bum raüta noqtlo.

ISAIA 1:29

Ümniiraq pechong thun shomnoq wan kiimaq asii bagan thun chhijang wan kha na, ümniika pinthum tsantsi mongtsi she mitiishudaq wan haü.

ISAIA 44:11

Kra noqtibi thun ka loweatek raq jeasi jonghea mingaü phaq wan. Sumla phra thun tiiqtibi ka miinan maiqsekongli. Tsangshiq ka wa raüta rung na michaplaq. Raüta tsangshiq kha ka mitiipholaq. Tsangshiq ka phiip raq mitsai. Raüta pinthum jea mingaü phaq.

ISAIA 44:9

Sumla phra phong tiiqtibi ka thiihü. Kiimaq tisho kong tsangshiq raq pinthum shrengtlaq thun ka jam riichang min riimak atuli. Jurwa ara tisho phong ara noqtibi makchuk kiimaq tsiihü kong. Kiimaq tsangshiq ma jea mitiingaü.

JEREMIA 2:36

Namshiq ka maiq mung ahinti thun phra kong jaiphan wan lantea, namshiq maiqmii miinu kra thiinin miishe tiijabaiqlan. Asiria mungti raq namshiq tsiim tiijübaiqto, kiikhiisii hali Ejip mungti riimin mitiijübaiq.

JEREMIA 22:22

Namwelabi ka rahai raq wiita mipan wan, namphunonok reraüshiti ka munglu shumwi kong ma mitsuq wan, namchela khushü mitiijam kiimaq jea mitiingaü, jamkhano ngukla namshiq raq ashut pahea klolan.

JEREMIA 32:32

Jamkhano ngukla tsangshiq raq Juda mungti nai Jerusalemti raq, tsangshiq hokhambi rai kiimaq tsangshiq welabi rai adam na, kiimaq tsangshiq ramwebi nai shammibi rai adam na pong raüta, ashut aphit bihea phan pahea she klo wanto.

JEREMIA 4:9

Tatiwe raq nguto, “Kra ranaiq hokhambi nai ajong alabi raq tsaiji wiita mitiidoq. Ramwebi ka phiipraq mitsai. Kiimaq shammibi ka akii anyiili she miraq.”

JEREMIA 48:27

Mob lei, ümtsan na tiitsang laq, ümniiraq Israilnok ka jamkho naiküsiq laü ira? Ümniiraq tsangshiq ka thiimeaq kong rai alap wan ikha haihii laü ihata.

EJEKIEL 16:54

Ümniika jeasitsi ma hiq na ku laüta minga haü. Kiimaq ümjeasi ngaü tlaü kriiraq ümnyino nyungtiim ka maiqshaq linlin ma mitiija.

EJEKIEL 22:26

Ramwebi raq itri raütu thun kra jintlo. Kiimaq jamlai wa asii hupsam thun kra shreng mak riitlo. Tsangshiq raq asii phan nai siimak phan hupsam liipan na atsea atsiiq chang nguta sap mak. Tsangshiq raq maiqse ma asii phan hupsam nai ashe ashi phan hupsam liipan na arai arii raüta shrinkuq mak. Kiimaq tsangshiq raq Asii Niitiitsak Ranaiq ka shili shaqlaqli liitlo. Kra ningkhan na Israilnok raq Ngi ka shreng mak.

JEKERIA 5:4

Tati Ningkun Ajong Pinthumwe raq, arjaq waiq tlaq manson ka apaiq raq armung na siti ahuk jatibi jam na mitiisaüha nguta chongtlo. Kiimahali armung na jurwa rung na atiitum raüta, arot saqse kuq tliiti jamkun na mitiisaü ha nguta chongtlo. Arjaq chongtlaq rai mren, tsangshiq ashut aphittibi jamkun kriika wiita mitiithen baiq,” nguta chongtlo.

Romans 6:21

Riita, man na ji na, namshiq raq ngarai minshiiq wan lan kra miitu, ümchaü ka ajiasi she riitlan. Riita kriiwa namshiq ma jamlai phan amet wa lap lan? Kra thun jaqsham wan lan, kra tsingo ka namshiq ma, atsai lam siisaqli tankuq wanto!