JEREMIA 2:27 - ASII LAKDAP Bible (BSI)

²⁷ Namshiq wiitarü khushü mijam— namshiq raq pechong ashi kra nang nga ümwe nguta ngutlan, kiimaq longkaü nang nga nam nyung nguta ngutlan kata. Ara jamkhano mirhum han ngukla, namshiq ka iwokhong na sihan chang wa, kinphai na juho lan. Shatmaq ümtiikiiwa namshiq raq chamchao riihumtlan, namshiq raq ngi nang nga kira laüta tiichhiikuq laq nguta ngutlan.

Hawa Naga Bible 2001

²⁷ Nuimshiq rueq pulx jungx ngoc m-waz, lung kuiux ngoc mnyuiuz ngoz tueq ngoz vshuinx. Nuimshiq kuex ngaz kox nuex nyez muit, ngaz muex shungnungx shung gay tuit. Yuq muinz nuimshiq kuilc daz rvhumc ruiux yuq, ngaz kaz vtueq palc wvnc tvkoc thoz wuez vshuinx.

JEREMIA 2:27 Referencias Cruzadas

2 KAÜWA WERAÜ 29:6

Nashiq ma atitiim raq nashiq Tati Shiikeawe ka ashi she riiwanto. Kiimaq tsangshiq raq apaiq tsan tiibichang klo wanto. Tsangshiq raq apaiq ka miimbaiqto. Raüta apaiq sichang jam ka jainong maq shungbaiqto.

ISAIA 26:16

Tatiwe lei, ümniiraq ümsenginok ka sintsang maq tsat laü; kiimaq üm motsi ma tsangshiq raq ümjaq wa achu jaüto.

JEREMIA 10:8

Tsangshiq tlotli ka maiqjiq kiimaq angikong. Pe sumla phong kriiwa tsangshiq raq jamlai wa misap tsin?

JEREMIA 18:17

Ngi raq isenginok ka tsangshiq jaqtinok ma botkhulai shedong rahai wan raüjaq tsuq wan tlaq ikha mitii tsuqbaiq wanha. Ngi raq tsangshiq ka jainong maq mishung baiqha. Tsangshiq then wantlaq redong akhing na, Ngi raq tsangshiq ka khrum kuq mang she.”

JEREMIA 2:24

kumtsaiphii rumnyangkhi na doq wan tlaü kata. Kriikaü ka ala haicho akhing na juro mibanlot? Apongwe apaiq ritti ka alu na niikokai min raamak; kra kaü ka ala haicho akhing na kiijaq kheshat sitlo.

JEREMIA 22:23

Ümniika maisak toqpum kham mong na bumsiq tlaü, kriika Lebanon pum wa alam wa; shatmaq ümniima chamchao akhing saü raüjaq, ümniika maiq mang ngam chan michamchao haü, maiqnyungre nowüchhi tsi hoqtlaq ikha mirhaü.

JEREMIA 3:9

Kiimaq apaiq ka ajeasi ngutiimin ahü. Apaiq raq mung ka wiita tiisheshi baiqto. Kiimaq apaiq raq longkaü thun nai pechong thun kra shomnoq raüta awese sishatmaq sethoq ja ngarai tangto.

JEREMIA 30:7

Phiiptsi jonghea ranaiq saü wantlo; kra chamchao ranaiq ka ranaiq ahin rai triingea chang ahü, kriika isenginok ma pit-lang pit-thea chamchao akhing, shatmaq tsangshiq ka alun mirwan.”

JEREMIA 32:33

Tsangshiq raq Ngi ma jainong shungkuq wanto. Ngi raq tsangshiq ma ümtinkhan wa shrinkuq wan kang. Shatmaq tsangshiq raq ibom chong ka taimak dongdii tlea wanto. Kiimaq saptsin wan hai jaq ngutiika manhii mak dongdii.

JEREMIA 37:3

Hokhamwe Jedekia raq Shelemia se Jehukal nai Maaseia se ramwe Jephania ka ngi phana tiiwato. Raüta ngi raq nangnga Tatiwe, nashiq Shiikeawe jaq wa namung miitu achu jaükuqlaq nguta bom tiichong wato.

JEREMIA 42:2

ngi ma chongto, “Mangchan laüta naishiq raq jamlai wa jaütiikai kra shamkuqlaq! Nashiq Tati Shiikeawe jaq wa, naishiq miitu achu jaü laq. Naishiq re jaq song ümchuwa tiichongkaiti thun tlotli miitu achu jaü kuq laq. Man na nashiq ka maiq pahea riikai. Shatmaq ümchaü sanha atsapseli she tiichongkai. Arka ümniiraq ümmak maq achhihaü.

EJEKIEL 23:35

Riita ümchaü, Tati Rakaü Hiqwe raq akha ngutlo: “Ümniika iwokhong wa dongho laüta, Ngi ka laqbaiq laü kiimaq jainong maq shungthü laüta sethoq jatlaü kiimaq mephe jatlaü kra khaniishe ümniika michamchao haü.”

EJEKIEL 8:16

Krai mren, apaiq raq ngi ka Shomjam mong na wang mongti keathung khok kiiniishe shea wanto. Kra khok mong na asii silaitap khok na nyap wan chang kilamchong, berong-wacha nai maiqkhum chang lam wiithung abin ba heawea kiijaq, maiqwere roqnai ri webiingi tin asi riito. Tsangshiq ka asii siqlaitap tsaüwe khamchong kra jainong nü maq shung raüta, tsangtok ka hiq nü na kuraqraq maq, shedong nü nü kiina nyi raüta rashe dongtlaq kra shomnoq rea riito.

DANIEL 9:7

Ümniika Tatiwe, ümniika phanrap tingting tri raükha tiipha shatti. Shatmaq naishiq riika maiqmii khu na, jeasi thoda hophaq wan laitli wranaiqshe siwankai. Arka tengto dea. Naishiq wiitarü raq hophaq tiikai. Juda mung na siti ngu i kiimaq Jerusalem na siti ngu i, kiimaq tlotli Israilnok mungmaiqse thun, ümniiraq pongmung na, aje na nai maiqmung thun luhea na, tiipin jobaiq laü. Jamkhano ngukla tsangshiq ka ümwokhong na simak riito.

Hosea 4:12

Liimanta! tsangshiq raq pepan kiima, shammi bom chong laq, nguta riibom dam tlo! teitlang chang piq kii ma, ‘Chongkuq laq’ nguta bom wai tlo! Tsangshiq raq ngi ka miimbaiqto. Raüta mephe-nyung ikha, tsangshiq sumla puk na nyap wanto.

Hosea 5:15

“Ngi raq isenginok mimiimbaiqha, lata tsang ngarai miitu riitsi tsaitsiiq mitiichamchaoha, jursap, chamchaotsi ma tsangtsii lo chhijiiq riila, raüta ngi lo rit wan jiiq riila.”

Hosea 7:14

Tsangshiq achu jaü ka tsan mong maq riimak, thatsang maiqse achu jaü ikha jaütlo. Akap atsea hiq na bumraüta hoqsiitlo. Tü nai tsam kiimaq spiqtai miitu achu jaü raüla, Thatsang maiqse raq jaütlaq ikha, jasai maq tsangdü na tiihan raüta, ami atsi tamli phetrang tlo. Tsangshiq ka ngi ma wesang kong!