JEREMIA 2:25 - ASII LAKDAP Bible (BSI)

²⁵ Israil lei, ümhok atu na naq tiisungkiq, riimakla ümrotpo ka naq tiishinbaiqkiq, laihin phra kong jai josea nguta. Shatmaq ümniiraq ngutlaü, ‘Riimak! Ngi ka jai na janglot mang she. Ngi raq pongmungti phra kong lungwiitiikang, krai mren ngi raq tsangshiq jai phanruqli miphan ha.’”

Hawa Naga Bible 2001

²⁵ Israel lex, vganc tishox htenc kox nuex yuz wvnc vtueq, m-yaz wawc jotac nauk put gay kaz, mrawt muinz nauk tvwul gay kaz. Yuq muinz mnoz rueq, ‘Rvmuq! Ngaz yek mauk shex. Ngaz rueq pungnuk phvnx tishox htenc kuex lungwawx vtueq tsuingshiq yix nuex kaz wvnc taungx,’ ngoz toq.”

JEREMIA 2:25 Referencias Cruzadas

2 KAÜWA WERAÜ 28:22

Riita apaiq dii na chamchao sangrai ka henghea she saü wan kiita, Ahaj raq Tatiwe makki na ngarai ka pahea tang wan wan khoti riito.

2 KAÜWA WERAÜ 28:23

Apaiq riika apaiq khatti raüta apaiq ka tang wantinok Siria mungti phra kong kriima khoti honglu hongtan thun ka kuq hoto. Apaiq riika akha khoti nguto, “Siria mung wa phra kong riika Siria mung hokhambi khrum kuqto. Krai mren, jursap ngi raq tsangshiq ka shomnoq lata hanglu takuq wan ha jiika, tsangshiq raq ngi min wa khrum kuqjiiq riila.” Apaiq raq ara ngarai klo kha na, apaiq khuthaq na nai mung khuthaq na athen wan chang lamlu she saü wato.

ISAIA 2:6

O, Shiikeawe lei, ümniiraq ümsenginok, Jakob saüsetiim ka tiishaübaiq laü she kata! Armung arka shedong mungti nai Philistain mung maq awati mintin loqle klotithun riishe mawanto. Mungmaiqse raq pongmungti thung nai lai kriili she langtlo.

ISAIA 57:10

Namshiq ka ahin phra thun kra ritkot kai riitsitsaitsiiq hunnii raitlan. Shatmaq namshiq ka nungpaq man phan. Namshiq riika namshiq sumla phra kong khuhü kheahü thun kriiraq namshiq ma ningkun kuqtlo nguta tiimatlan. Krai mren, namshiq ka huntsi niitsi ngutiimin sap man sitlan.

JEREMIA 13:21

Ümniiraq jamlai she wa mingu haü, ümniiraq kongtibi khla nguta atiima haü nok raq nam mung ka khat raüta, namshiq ka jamsha wan raüjaq? Ümniika maiq nyung nowü chhi tsi ma hoqtlaq ikha mihoq haü.

JEREMIA 13:22

Kiimaq ümniiraq arthun mat dong ara jamkho saü wanta nguta bom waihaüla, ümkhu ümkhea thun ka wiita wunthaü riinaü she chaibaiqtaq kra, kiimaq ümniika maiq raq wiitashe haihü baiqtaq kra jamkhano ngukla ümnaq ngarai ka bihea pinthum tang wan laü. Kriikha na ümniika maiq raq haihü wanto.

JEREMIA 14:10

Tatiwe raq arnok miitu akha ngutlo, “Tsangshiq ka iwokhong wa juho kli lungwiitlo. Tsangshiq raq tsangshiq tsantsii ka shiikhing tsümak. Kra ningkhan ngi ka tsangshiq ma itsan heamak. Tsangshiq raq ümchu wa shutphittaq kra ngi raq tsan na mithüha. Lata tsangshiq ngarai kha na tsangshiq ma mo mitiihoha.”

JEREMIA 18:12

Raüla tsangshiq raq mitre, ‘Naishiq ka tsaqmai. Naishiq raq maiqmii jaqsham kiimung ka jaram tsaqkai wa? Naishiq ka ümchaü jamkho nilan wanshakshak sitiikai, kiimaq abi kiimung tiikai kriika klo ruqli mirhai,’”

JEREMIA 2:31

Israilnok lei, ngi raq jamlai bom wa chongtiikang ara tiitsang taironglaq. Ngi ka namshiq ma rumnyangkhi kumtsaiphii ikhiishea jaki kang? Kiimaq namshiq ma ranyaq tangtang kaü kiimaq maiqphiip maiqjiip mung ikhiishea jakikang? Ikhla, namshiq riika maiqmii tsan raq aroro phan kli klo lanta misihan, ngi phaniika jang wan man she nguta jaram wa ngutlan?

JEREMIA 22:20

Jerusalemti lei, Lebanon kiina waronglaq, lanta siironglaq, Bashan wang kiina kironglaq, lanta hoq trang ronglaq; Mob mung wa pumthun maq gitrang ronglaq, jamkhano ngukla namphuno nok reraüshi chapti thun wiita re raq khat baiqto.

JEREMIA 22:21

Namshiq arong awin silanji na Tatiwe raq namshiq ma chongkuqto, shatmaq namshiq raq taiman tlea lan. Namrilung wiili kriili klowan lan ihata; namshiq raq Tatiwe bom taiman tlea lan.

JEREMIA 3:13

Ümniika shutkang dea nguta mra ka tiidiilaq. Kiimaq üm Tatiwe, üm Shiikeawe kiq ka khii laü dea nguta mra ka tumlaq. Laüta pechong tong aweatek na ümniiraq üm lungwii tsü ka pongmungti phra kong ma kuq wan laü nguta tum wan laq. Kiimaq ümniiraq ngi raq akuqha aming thun ka jin wan laü dea nguta tak wan laq. Arka Ngi Tatiwe raq ngutiikang.

JEREMIA 44:17

Naishiq raq man na jamlai miklohai ngutiiwa chongkai, kriili miklohai. Naishiq raq naishiq phra nyungkaü, Ramungtan Hokham Nyung kriimiili honglu mitaakuqhai. Kiimaq naishiq raq apaiq ma che honglu thun kra mitiibok kuqhai. Arka naititiim riimin, naishiq hokhamwe riimin, kiimaq naishiq pengti tuwebi riimin, manniiphü Juda mung na chela thun maq, kiimaq Jerusalem chela na chiiheawea lam thun maq honglu kuq wanto. Kra kuq wankai akhing na, naishiq ka chamtraq arong awin siwankai. Naishiq ka chiithe lüwa tonglong siwankai. Kiimaq jamlai chamchao litkot athüm alit min sap mai sikai.

AJONJÜ 1:2

Jerusalem mantinyung ikha waruwaru jonjütlo, amakphai sa atheaphi na rajun ikha. Kongtichü weshi ra riimin, apaiq tiijaiq wamak she. Pongmung hokhambi reraüshiti raq tiishaübaiqto, Kiithun wiita ümchaü apaiq ngengti siisaq.

AJONJÜ 4:4

Ase noshiisetiim ka anyungre raq, aramtsi miilishe tiihaü wan tlo. Noserekong ka tsang ramtsi ma, aphaqsea chang jaü poraki ikha aho anyi khumtlo. Shatmaq tü adung keti tsangshiq ma, jumin ahü.

EJEKIEL 20:32

Namshiq raq namtsan mong na, namshiq kiimin nanok pongmungti thun jamkho sitlaq kiikhiisii misi rong i nguta, athapthi wan kun she. Pongmungti thun jamkho pechong thun nai longkaü thun kra shomnoq raüta sitlaq kiikha shonga wan miitu namtsantsii ka atiinyi wan kun she. Shatmaq kriika ümtiikiimin hongwa mak miraq.

Hosea 2:3

Kiimaq apaiq mephe ja ka tsaqmak, jaruq li ja raü la, ngi raq anaiq ka wiita chhut baiq lata, kheahü miishe, anyung wok mong maq, rawiichhi ranaiq na kheahü riitaq, kiikha anaiq ka michhut baiqha. Ngi raq apaiq ka wakram shinram shinriiq kealoklok, jamlai chhijang wanchang min riimak ikhiishe, mishthen baiqha. Raüta apaiq ka akhamnyangtsi raq mitsai.

Hosea 2:5

Jamkhano ngukla anyung mephe ja wanto, kriiwa asetiim ka hum wanto. Tsangshiq chiiwanti anyung ka ajeasi ahü mephe jawanto. Jamkhano ngukla, “Ngi ka iwesetiim ahinti phaniishe mikihoha; Tsangshiq raq ngi ma tü adung kuqphaq siq tlo. Ngi ma skurai khea kiimaq raihi-nairai khea, kiimaq olip petsi tsai nai che thun kuqphaqsiq tlo” nguta anyung raq bomtlo

MALAKI 3:14

Namshiq raq, ‘Shiikeawe shomnoq arka jamlai liip min ahü. Apaiq raq chongtlaq kra sham laita jamliip wa midong. Kiimaq, nashiq raq jamlai wa ajiq klo kai kra ningkhan, Tati Ningkun Ajong Pinthumwe man na, nashiq mra tiidii wan kiimin jamlai liip wa midong?

Luke 15:22

Shatmaq, awe raq ajaqshisetiim ka hea raüta, ‘Kotsi!’ nguta apaiq raq thaüto. ‘Samtong ahea pinthum ira lamwa rongkiq. Lanta, tiisam kuq ronglaq. Ajaq na jaqtop ri tiipa kuq ronglaq. Ahok na hokpa ri tiipa kuq ronglaq.

Luke 16:24

Kra chhi raütiishe, apaiq raq Abraham ma chongto, ‘I we Abraham le! Ngi ma mangchan laq. Laüta, Lajaras ka ana tiikilaq. Ajaqshi se ka kham na tiipum raüta, i tili ara kham maq phanshi ra saq tiikaiq kuq ki raüjaq ahea miraq. Ngi ara walü mong niishe, achong min lot mang she chamchao wankang!’

Romans 8:24

Nashiq ka, ara ran tsantsii thü wan tiikai ara lümaq, tiichhii kuq wanto. Shatmaq, nashiq raq, jamlai miitu wa ran tsantsii thü tiikai, kriika na mak maq rashra she chhi hai jiika, ran tsantsii thü wan ka riimak she miraq. Mak maq jamlai wa rashra chhi lot tiikai, kra miitu ka aran phan wan chang ngutiimin sha misi. Kriika namak mri rashra kata.

TRI CHONGKE 28:48

Kra ningkhan she, Tatiwe raq üm khuthaq na chiqse rewenok tiikitlaq kriishe mishomnoq wan haü. Ümniika ramtsi, kham nyangtsi, kiimaq kheahü, phanrap na athüm alit she misi wan haü. Tatiwe raq ümniika nyat shat shat not shot shot lishe chongthum ma mija haü shaq wiiwii mitiicham chao wan.

TRI CHONGKE 32:16

Tsangshiq raq sumla phra noqto, Raüta Tatiwe mak tiishuto, tsangshiq raq abi klotaq kriiraq apaiq tsan tiikhiqto.