JEREMIA 18:11 - ASII LAKDAP Bible (BSI)

¹¹ Riita ümchaü man, Juda mungti nai Jerusalemti ma chongkuqlaq, Ngi raq tsangshiq ka tiithenbaiq miitu khatan raütu sürii wan tiikang. Tsangshiq ma imo mitiihoha. Tsangshiq ma ngarai rilung lamphan ka thaqbaiq ronglaq nguta chongkuqlaq. Tsangshiq raq ashut lamphan kra klai ronglaq kiimaq tsangshiq raq jamlai wa kiimungtlaq kra thaqbaiq ronglaq nguta chonglaq.

Hawa Naga Bible 2001

¹¹ Kvkhoc ningkhvnc nuex, ngaz rueq Yuda mungx miqsaz nuiyc Yerusalem ghaq jix htenc kuex khawc lvlc tvkoc kvmungx vshaungx nuiyc tsuingshiq muex murx tvgurc tvkoc tvyoalc yoalx kuex tsuingshiq muex jungx shuiuz. Mvrax lvmx phvnc nuex tvraungx yaq rullungx htenc kuex gay shec ruiux tsuingshiq honc vyaungc nuiyc tsuingshiq rueq shuimx yaq layx vbac yauk shuimc htenc kvwawc kvroz wvnc tvkoc tsuingshiq muex jungx shuiuz.

JEREMIA 18:11 Referencias Cruzadas

RAPHA HIQWA LAK 11:7

Nashiq ka satki rong i. Laita tsangshiq bom ka triishot baiqki rong i. Raüla tsangshiq liipan na bom ka weshi raq weshi bom ka taimak she miraq.”

1 HOKHVMX 22:23

Kiimaq Mika raq bom ka akhiishe tiisupto: “Riita bom ka ara. Tatiwe raq ara ümshammibi thun ma arot bomtsi tiichongke miitu tri ka ashat kun she. Shatmaq ümniika atsai chang she dongdii nguta Tatiwe raq kha ka atoqtan kun she!”

2 HOKHVMX 17:13

Tatiwe raq akiimwetiim nai ashammibi thun tiiki raüta Israil mungti nai Juda mungti ma honlam tsütsa akha tiichonghoto: “Namshiq raq ajiq lam phan tlan kra miimbaiq ronglaq. Lanta ngi raq akuqha aming thun kra lang rong laq. Kriithun ka ngi raq namtitiim ma Thungtri lakdap kuqkang kriijaq asi kiimaq kriika ngi raq namshiq ma ijaqshisetiim shammibi lümaq kuq wan kang.”

2 HOKHVMX 22:13

“Warong laq, lantea ngi miitu nai mungmaiqse miitu ara lakdap na chongtlaq bomtsi kra Tatiwe ma waiwa rongkiq. Tatiwe ka nashiq ma atsan akhiq. Jamkhano ngukla natitiim raq ara lakdap na lang wan ratlo nguta chongtlaq thun ka lang mak riito.”

2 HOKHVMX 5:5

Kiijiishe hokhamwe raq nguto, “Kilaq Israil mung hokhamwe phana. Kiimaq ara lak ariiri lamho laüta kilaq.” Naaman ka kihoto. Kiimaq ajaq na kampho ngam sii hingroqtsam, chaq ngam sii hingtrok, kiimaq kheanin miirii roqshi kra hoho raüta kihoto.

ISAIA 5:5

“Ngi raq ispiqro ka akhiishe mirha. Sonruk tro wa ruk ka asiiqshe mirbaiqha, atiiwong chang ruk ka arun she mirbaiqha. Lata rum nyamse kong miishe mitiiphaqha. Lata rumnyamse kong ma ji maq wiita mitiinibaiqha.

ISAIA 57:1

Maiqshaqti ka tsaitlo. Shatmaq jurmin tak mak. Kiimaq jurmin broriimak. Shatmaq ümtiikiiwa tsangshiq she tsaitlaq, jamlai chamchao sangrai riimin tsangshiq ka tiichamchao lot mak she.

JEREMIA 11:11

Arningkhan she ümchaü sanha, Ngi, Tatiwe, raq tsangshiq ka mitiithenbaiqha nguta honlam bom chongkuqtiikang. Kra then wan rahai saü wan raüjaq tsangshiq ka lunlot mak she miraq. Kra akhing na tsangshiq ka aho anyi raüta Ngi jaq wa khrum kuqlaq nguta mihoqtrang. Ngi raq tsangshiq bom ka taimang she mirha.

JEREMIA 11:19

Ngi ka skuse arümti wokhong na tlam raüta haiseati kiiwa lapho raüta taphaq hotlaq ikha atseabaiq miitu tiikho thuto. Ngi ka tsangshiq raq jamlai wa abi thiikho thutlaq kra akhiismin hemang riikang. Tsangshiq liipan na akha riichongto, “Pechong ka aheawiq ajaq aji nüm wala, kra adaqli she riibaiq rong i na; nashiq raq apaiq ka tsatbaiq haijiika, maiq raq jurmin tsan na tiitsang mak she miraq.”

JEREMIA 18:18

Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 19:3

Tatiwe raq ngi ma akha chonglaq nguto, “Juda mung hokhambi kiimaq Jerusalem chelati lei, tairong laq, Ngi Tati Ningkun Ajongwe, Israilnok Shiikeawe raq jamlai bom wa chongtiikang kra taironglaq. Ngi raq arhiq ara tiibunlak mitiithenbaiqha. Kra thenjen wan mra pin tsütsa ka taitibi maiq loweatek ka abom min lot mak tarü phiip raq mitsai.

JEREMIA 25:2

Ngi raq Juda mungti tlotli ma kiimaq Jerusalemti tlotli ma akha chongkuq kang,

JEREMIA 25:5

Tsangshiq raq namshiq ka abi rilung lam phantlan kriiwa jang wan ronglaq kiimaq namshiq raq abi jaqsham tlan kriiwa jang wan ronglaq nguta chongkuqto. Kriika Tatiwe raq namshiq ma nai namtitiim ma pattup miitu tachong hupsam hiqshong kuqthütaq kriijaq namshiq ka rilung alu maq siwan miitu chongkuqto.

JEREMIA 26:13

Namshiq chap nai nga kra klai raa dongdii. Kiimaq namshiq raq jamlai wa ashut klotlan kriika klai raa dongdii. Lanta namshiq Tatiwe namshiq Shiikeawe aming ka lang ratlo. Namshiq raq kra riihanla, apaiq raq atsan na namshiq ka mitiithenbaiqha nguta tiimatlaq kra aklai mirbaiq.

JEREMIA 26:3

Jursap mungmaiqse raq ibomtsi kriiwa taijiiq riila. Raüta tsangshiq raq abi jaqshamtlaq kriilo thaq baiqjiiq riila. Tsangshiq raq kra thaqbaiq raü ka, Ngi riimin, tsangshiq raq ngarai pahea klotlaq kha na, tsangshiq ka atiithen mirbaiqha nguta toqtan tiikang kriika, tiithenbaiq mang, ngi tiima ka aklai mirha.”

JEREMIA 3:1

Tatiwe raq ngutlo, “Riita maiq weshi raq tsang nyung ka amiim mirbaiq. Kiimaq kra junshu nyung ka tsangwe baiqthü raüta maiq weshi miishe miwa wan. Raüla wechüwe raq tsangnyung rom kai nong maimak she. Akha singa raüka mung ka wiita ashe shekhiq miishe mijaki. Shatmaq Israil lei, ümniika ümwesetiim maiq apawiq rai she silaü. Riita ümchaü ka ngi phana hali jang wan nong rotlaü!

JEREMIA 3:22

Jangwa rongkiq, namshiq tarü Tatiwe wokhong wa kiholanti thun; apaiq raq namshiq thatsi ka atiihea mirkuq kiimaq namshiq ka maiqshaq miishe mitiija wan. Namshiq raq ngutlan, “Tengto, naishiq ka Tatiwe wokhong na jang wan nongtiikai. Jamkhano ngukla apaiq ka nashiq Shiikeawe.

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 36:3

Jursap Juda mungti raq, Ngi raq tsangmung tiithenbaiq wan chongtiikang kra tsangshiq raq tai raüla, tsangshiq tsan nai tsii abi thütlaq kriilo klai raü. Kra nguraü ka Ngi raq tsangshiq ajiq ümchuwa klotlaq kiimaq tsangshiq ngarai thun kra adii mirbaiqha.”

JEREMIA 36:7

Jursap tsangshiq raq Tatiwe jaq wa achulo jaü jiiq riila. Raüta tsangshiq ka abi kiimung lam phantlaq kriiwa aklai lo riiwan jiiq riila. Jamkhano ngukla Tatiwe raq arnok ka mishthenbaiqha she nguta atsankhiq henghea amok dungdung miishe tiiphiiptlo.”

JEREMIA 4:1

Tatiwe raq ngutlo, “Israilnok lei, namshiq ka ngi pha na jang wan nong lungwii tlan jiila, iwokhong na nyap wan nong ronglaq. Namshiq ka ipuk na nyap wan lanta, iwokhong na tsapkapkap siwan han jiila, lantea ngi raq saisi tiikang sumla phra thun kra lambaiq han jiila,

JEREMIA 4:14

Jerusalem lei, ümtsan mong na abi kra hebaiqlaq. Kra riihaü jiiqtiq ümniika mitiichhiilot haü. Ashut ashai ngarai tsantsii ka ümtincho na saüli wa mithii haü?

JEREMIA 4:23

Ngi raq hiqraikhü na liikang, shaqmii maiqsi chang riimak; ra nü na liikang, rawiili ahü riito.

JEREMIA 4:6

Jajon nü na walam tiichhikuqlaq! Jutlo ronglaq! Naq tiijai jongkiq! Tatiwe raq phiiptsi chang thenjen tiikitlo kiimaq shekhu nü mung wa henghea tiithenkaiti saühotlo.

JEREMIA 51:11

Tatiwe raq Media mung hokhambi tiishai baiqto. Kriika Bebilon mung kra tiithenbaiq miitu. Apaiq Shomjam tiithen baiqtaq phuk lam she Bebilon ka mitiithenbaiq. Renok siihiip jongbi raq akha aming kuqtlo, “Namshiq liqsin ka siraü min ronglaq! Maiqmii liiq piraq kheronglaq!

EJEKIEL 13:22

“Namshiq raq arot akiq bomtsi kra chongkuq lanta, Ngi raq tiichamchao romangti mungmaiqse maiqshaqti thun kiimin, tsangshiq tsaiji ka tran baiq wan tlan. Namshiq raq abi kloti maiqse ka tsangshiq raq ajiq aphiq jaqsham wan tlaq kra athaq baiq raüta; tsangshiq miisaq ka tiichhii wan chan wa; kriimin wiita namshiq raq tangta baiq wan tlan.

EJEKIEL 18:23

Tati Rakaü Hiqwe raq, “Namshiq nga, Ngi ka abiwe tsaitlaq kra liisea lungwiitlo ngutiisha tiima tlan?” nguta waito. “Riimak. Ngi riika apaiq ngarai kra tiidii raüta, atra siwan chhiro tiikang.

Jona 3:8

Maiqse wiita kiimaq nyamse wiita raq khuriim kheariim samraq maq si ratlo. Tarü raq Shiikeawe jaq wa pinthum tsan tiitsi raüta makphai trok raüta achu jaü ratlo. Raüta tarü raq maiqmii abi ngarai jaqsham kiimaq tiimaq tsantsii abi thun ka wiita baiq ratlo.

Mikha 2:3

Arningkhan Tatiwe raq ngutlo, “Ümchaü ngi raq ümnaq dea wa chang, thü kho thü tiikang, kra mongwa ümniika, lun lot maü she! üm thiikho na ümniili midea haü. Krai mren shiikong kumrong maq, khumlot maüchang.

JEKERIA 1:3

Shatmaq ümchaü san, ngi raq, ‘Namshiq ka iphana jang wan nong rong laq. Kra riihan jiila, ngi min, namshiq phana mijang wan nongkang.

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

James 4:13

Riita ümchaü min ngi raq namshiq ma ara tsii chongke ro. Namshiq phong na maiq wiijamti raq, “Ngi riika athi anap liipan niili mungshi ra na mikiho ha. Lata chela ashi na rawiishi tin misikiha. Lata kiijaq laopan ja, piikii miklo ha. Lata chiithe jong she mija ha,” nguta tiishomrasea ka namshiq nü na angam kaiwi she.

James 5:1

Riita, ümchaü ka namshiq chiithe laopanbi miishe chongkuq pha, tai ronglaq. Samhea tiitsang tai rong laq! Namshiq ma waqkhü kham nyang akhing she saü wan tlo!