JEREMIA 18:10 - ASII LAKDAP Bible (BSI)

¹⁰ shatmaq kra mungti raq ikiq ka khiiraüta ashut klo raüla, Ngi raq tsangshiq ka mitiijongluha nguta atoqtan wanha kriika tiijonglukuq mang she mirha.

Hawa Naga Bible 2001

¹⁰ miqphvnx rueq ngvy kvjaz kuex tay muq maq layx bac shuimx kaz ruiux yuq, ngaz rueq shuimx shaungx ngoz tauk htenc kuex ngaz rueq shuimx shaungx rvmuq.

JEREMIA 18:10 Referencias Cruzadas

Tvtsvmc 125:5

Shatmaq ümtiikiiwa ümniiraq abi maiqse ma mo tiihotlaü, ümlam phan miimbaiqtibi kra miimin mo tiiholaq. Israilnok ma hansang mirlaq!

EJEKIEL 18:24

“Shatmaq, kechu maiqse ashi raq riikhaqli jaqsham kra thaq baiq raüta, ümchuwa abi jaqsham thun kriishe kloho raüla, abi maiqsetiim raq shamtlaq maiqphai asi thun kra shamho raüla, apaiq ka atra misi sha? Simak! Apaiq raq ümchuwa kechu jaqsham wantaq thun kriika tsan na thümak she miraq. Apaiq ka mitsai, jamkhano ngukla apaiq ka Tatiwe wokhong wa donghoto raüta, apaiq raq ngarai thun tangto.

EJEKIEL 33:12

“Riita, ümchaü min maiqse lei, Israilnok ma akha chonglaq. Ümtiikiiwa maiqshaqwe raq ngarai klotlaq, raüla apaiq raq ahea jaqshamtaq kriiraq apaiq ka tiichhilot mak miraq. Kiimaq abiwe raq apaiq raq abi kiimungtlaq kra tsaqki raüla, apaiq ma mo ka tiihomak miraq. Kiimaq maiqshaqwe ashi raq, ngarai la tangho nong raüla, apaiq miisaq ka tiihangkuq mak miraq.

EJEKIEL 33:18

Ümtiikiiwa kechu maiqse raq ahea jaqsham kra thaqbaiqtlaq, raüta abi jaqsham klohotlaq, raüla apaiq raq ajiq klotlaq kriikha na apaiq ka atsai miraq.

EJEKIEL 45:20

Kiimaq kra jipi lüwa ramiishi ngo ranaiq na maiq ashi ra raq hemak lam maq riimakla, sap mak lam maq ngarai tangtlaq kriiti miitu ara chongtiikai akhiisii honglu ka kewan chang. Akha klo haüla ümniiraq Shomjam ka asii maq mithü haü.

JEPHANIA 1:6

Iwokhong wa juho raüta, ümtiikiimin ngi ritwa makti thun, mitiithum baiqha. Ngi rai riibom wan mak she, hon atsii waiso mak sheti kiimin, wiita mitsat baiqha.”

WEAWEA 14:22

arnok arwa maiq weshi ra riimin kra mung na saüwan li chang atra silot mak miraq. Tsangshiq raq Ngi asi makse chathit chhainyiitlaq walü kra kiimaq Ngi raq Ejip mung na awang chang jaqsham wan kang thun kra kiimaq rumnyangkhi kumtsaiphii mung na awang chang jaqsham wan kang thun kra wiita chhi wanto she. Kiitinkhan tiichhike wan taü miimin, tsangshiq raq Ngi raq anin wan tsantsii rümtiikang kra bliiq kiki maitai wantlo. Kiimaq tsangshiq raq ibom tai mak maq ikiq khiitlo.

WEAWEA 14:23

Ngi raq tsangtitiim ma mikuqha nguta kiqkham kuqkang mung na tsangshiq ka ümkhii riitiimin saü wanlot mak. Ngi shulii wantibi thun wiika maiq jumin kra mung na saü walot mak miraq.

WEAWEA 14:34

Namshiq ka namshiq maiqmii ngarai kra ningkhan rawii roqblai michamchao wan han. Kanan mung sisin wa raroqblai kriiwa ranaiq shi la na rawii shishi she michamchao wan han. Namshiq raq Ngi ka namshiq ngengtiwe ma tiija wan ka akhiidea shea ngutiishe misap wan han!

1 SAMUEL 13:13

Kiijiishe Samuel raq, “Ümniiraq ashut pinthum klo laü,” nguta treto. “Ümniiraq, Tatiwe üm Shiikeawe raq akuq aming lang maüdea riilaü. Ümniiraq aming ka lang haüjaq, apaiq raq ümniima nai ümsaü ümsetiim ma pattup pat-sa miitu Israil mung ka mitlang wan chang wa.

1 SAMUEL 15:11

“Ngi raq ka Saul ka hokham ma shong kang kriikha na ümchaü kai tiishudaq tiikang. Apaiq raq ngi ka jainong miishe shung thüto. Raüta ngi raq apaiq ma aming akuqha kra jinto.” Samuel ka akhiq riito, kiimaq rawa minru konhü maq Tatiwe man na achu jaü tiipaiqneato.

1 SAMUEL 15:35

Samuel ka ümchu rawiiwa atra siwantaq, apaiq raq hokhamwe Saul rai ka sham riichhi kimak she riito. Tatiwe raq Saul ka Israilnok hokhamwe ma shong raüta kai tiishudaqto.

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.