JEREMIA 13:23 - ASII LAKDAP Bible (BSI)

²³ Maiq ngamnyaq phanwe raq apaiq sham ka miklai lot shea? Kiimaq chiqwaiq kaü riika akhum wa awaiq thun kra mitiimobaiq lot shea? Kra nguraü kla ngohea dea namshiq akhnok abi thaq niimin abi pinthum ngarai klo wantinok riimin, riikhaq tingting jaqsham kra misap wan han wa.

Hawa Naga Bible 2001

²³ Miqsaz rueq miqmac khuix nvm-yaz kuex layc gay, rvmuq ngoz ruiux wuiyq tuimz jaq rueq vwuiyq kuex tv-httot lot shuex haz? Mkhoc shoc maq tsuingshiq rueq layc gay lot shuex ngoz ruiux kuex, mnoz rueq yvmx shuimc muinz rac muq, honc bac yauk shuimc jix rueq vlvmz yauk shuimc tvkoc tvluing lvp yaq.

JEREMIA 13:23 Referencias Cruzadas

2 HOKHVMX 17:40

Shatmaq Israilnok raq Tatiwe bomtsi ka lang wan mak riito. Shatmaq tsangshiqnok riika tsangshiq rilung achu pat niiwa thung nai lai kra lang raütli siwanto.

TAKSU LAK 27:22

Maiqjiqti ka sintsang maq hihut tsat raü min, atsii ka chhimak miraq.

THARC TVLUINGC 1:15

Akong along athen kaiwishe kriika juro mitrulot. Jamlai phan wa ahü kriika juro miwealot.

ISAIA 1:5

Ümniiraq ikiq khü wanli she ka jam nguto sruriitlaü? Riita ümniiriika imo ka arthaq niimin laihea howan sha rotlaü? Israil loi, ümkhupo niika ümchaü sanha ami atsi phongli she. Kiimaq ümtsantsii nai ümkhutsai ka wiita atsi makaiq she.

JEREMIA 17:9

“Maiqse tsantsii ka juro mikhon lot? Atinkhan laopha pinthum ka ahü; Arka ahealot chang riimak tsihea.

JEREMIA 2:22

Ümkhum ka ümniiraq ahea pinthum sabon maq riihehaü min, Ngi raq ümkhum na ümshut atiinyat rai ka chhishat-li mirha.

JEREMIA 2:30

Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.

JEREMIA 4:22

Tatiwe raq ngutlo, “Isenginok ka maiqjiq angikong; tsangshiq raq ngi sap mak. Tsangshiq ka nosere maiqjiqse kong ikha; tsangshiq raq takmak. Tsangshiq ka abi kiimung lam na siimakong, shatmaq jaqsham ahea phan sham ka sapmak.”

JEREMIA 5:3

Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

JEREMIA 9:5

Tsangshiq tarü ka kongti laoliiti siisaq, kiimaq jurmin tengteng bomtsi chongmak; tsangshiq tilika arot bomchong miitu atiingam reawishe, kiimaq tsangshiq raq ngarai tang ka tsaq mak phan. Tsangshiq riika mat atsa ka ashi tanghoholi riitlo, kiimaq maiq ka bashi wa laohoho li she sitlo. Tatiwe nga asenginok raq apaiq ka shishe baiqto she ngutlo.

1 SAMUEL 19:21

Saul raq kra tsütsa ka taito. Raüta asengi maiq abi hali tiiki nongto. Kiimaq tsangshiq thun kriimin wiita hali wiinum neato. Kiimaq agilülü siitrangto. Apaiq raq tsütsa chongti ka kongtsam ngojashe hali tiiki nongto. Shatmaq tsangshiq tarü ka kongkhu lak wa kong kitaq kiikhiisii hali riito.