JEREMIA 13:22 - ASII LAKDAP Bible (BSI)

²² Kiimaq ümniiraq arthun mat dong ara jamkho saü wanta nguta bom waihaüla, ümkhu ümkhea thun ka wiita wunthaü riinaü she chaibaiqtaq kra, kiimaq ümniika maiq raq wiitashe haihü baiqtaq kra jamkhano ngukla ümnaq ngarai ka bihea pinthum tang wan laü. Kriikha na ümniika maiq raq haihü wanto.

Hawa Naga Bible 2001

²² Mkhoc shoc maq nuimshiq rueq vruex lotlaz kuex yvmx ngoz tueq lac yaungx kaz wuez tvnx? Yvmx ngoz tueq lac mkhvy htenc juir gay ruiux shummarc rvhumc vtuiux? ngoz tueq mnoz rueq wiz ruiux yuq, kvruex kuex kvhiz juing mmvrax ningkhvnc nuex rvtueq.

JEREMIA 13:22 Referencias Cruzadas

ISAIA 20:4

Asiria ajong hokhamwe raq ara mung anai arwa apaiq raq alap shumwikong ka kheahü maq siikumkum mitsuq wan. Nosere kiimaq nyungwe, tsangshiq ka hoksii sendel pahü maq kiimaq kheahü siikumkum mikhum. Tsanghüko ka thiqko ra na rashra maq, Ejip mung ma jea tiingaü raüta miwa wan.

ISAIA 3:17

Shatmaq Ngi raq tsangshiq ma mo she mitiihoha. Ngi raq tsangshiq khupo ka loktam misibaiqha. Lata kealoklok she mithüha.”

ISAIA 47:8

“Ara tiitsang tailaq, ümnaq chamtraq peoseati nyung raq, ümniinga ümniika rahai raq chhemak ngiimra sitiikang nguta tiimasiqtlaü. Ümniika Shiikeawe rai riingea riingea ajong nguta tiimatlaü, ümnaq khan maiq ahin ka ahü nguta sitlaü. Ümtsan na ümniika ümkhiiriitii jiimin manti nyung miika jamang mirhaü nguta srasiqlaü, riimakla ümsetiim ka ümkhiiriitii jiimin tsaimak nguta srasiqlaü.

JEREMIA 13:26

Tatiwe apaiq jaq maq ümkhum wa khu akhea ka michhut baiq. Raüta ümniika naiqhü maq jea mitiingaü.

JEREMIA 14:16

Tsangshiq raq mungmaiqse ma ara bom chongkuqtaqti thun kiimin tsangshiq rai adam na kiikhiisii mitsai. Tsangshiq maa phong ka Jerusalem na chhii heawea lam thun kiijaq küram liira mirphong. Kiimaq tsangshiq maa lapsheti maiq ka jumin ahü miraq. Arka tsangshiq tarü ma misaü wan. Tsangchaktiim, tsangsetiim maiqwesere kiimaq jechakse kong kiimin, wiita mijiipbaiq. Tsangshiq raq ümtinkhan wa ashut klowantaq kra kha tham ka Ngi raq tsangshiq khuthaq na akha miphong kuqha.”

JEREMIA 5:19

Ümtiikiiwa tsangshiq raq miwai riita Ngi raq tsangshiq ka akha jam khano tiithenbaiqkang nguta ümniima bom wai raüla, Jeremia lei tsangshiq ma chonglaq, tsangshiq raq ngi miimthü raüta, tsang mung maq pongmungti phra sumla thun shomnoq wantaq kiikha, ümchaü ka tsangshiq raq wanwe wokhong na siraüta tsangshiq jaqshi ma mija wan.”

AJONJÜ 1:8

Apaiq shreng manto thumto she, Apaiq ümchaü naiqhü ma she. Maiq thoda na chetlo. Angam agu amitsi ma hanynyi tlo, Jeasitsi ma atok hiq na kushat. Jerusalem raq akhum ka achong lot mai, ashut ashai ngarai klo raüta sheshi wanto.

EJEKIEL 23:26

Tsangshiq raq ümdü wa ümkhea thun michai baiq. Raüta ümlongseng laktum thun kra minyeaho.

Hosea 12:8

‘Nashiq ka chiithenok,’ nguta tsangshiq tiitsakitlo. ‘Nashiq ka chiithe lüwanok ongkaishe. Jurmin nashiq ka maiqlao lanta chiithe wan lan nguta, tiishut wan lot mak’ nguta tiitsakiwi tlan.

Hosea 2:10

Lata Ngi raq apaiq ka akongtiwetiim makki na, adü wa akhu akhea thun ka chhut baiq lata, apaiq ka naiqhü she mitiingaha. Kiimaq kra akhing na apaiq ka ijaqkhon mong wa juwe riimin tiichhiikuq lot mak she miraq.

Hosea 2:3

Kiimaq apaiq mephe ja ka tsaqmak, jaruq li ja raü la, ngi raq anaiq ka wiita chhut baiq lata, kheahü miishe, anyung wok mong maq, rawiichhi ranaiq na kheahü riitaq, kiikha anaiq ka michhut baiqha. Ngi raq apaiq ka wakram shinram shinriiq kealoklok, jamlai chhijang wanchang min riimak ikhiishe, mishthen baiqha. Raüta apaiq ka akhamnyangtsi raq mitsai.

Hosea 2:5

Jamkhano ngukla anyung mephe ja wanto, kriiwa asetiim ka hum wanto. Tsangshiq chiiwanti anyung ka ajeasi ahü mephe jawanto. Jamkhano ngukla, “Ngi ka iwesetiim ahinti phaniishe mikihoha; Tsangshiq raq ngi ma tü adung kuqphaq siq tlo. Ngi ma skurai khea kiimaq raihi-nairai khea, kiimaq olip petsi tsai nai che thun kuqphaqsiq tlo” nguta anyung raq bomtlo

NAHUM 3:5

Tati Ningkun Ajong Pinthumwe raq ngutlo, “Ninewi lei ngi raq ümniika, atiichamchao she mirha! Ngi raq ümnaiq kiimin achhut she mirbaiq ha! Lata maiqmung wiita man na, jea tiingaü mitiichap pha;

JEPHANIA 1:12

“Kra akhing na, ngi raq lemtem sham lata, Jerusalem mirit kiha. Ngi raq ongkangshe nguta siwantibi, kiimaq kamto maq sitibi ma mo mitiihoha. Tsangshiq raq maiqmii nai maiqmii akha tiingotlo, ‘Tatiwe riika ahea min ngumak abi min ngumak tiina.’

TRI CHONGKE 18:21

“Riita ümniika shammiwe bomchong kriika riikhaqli Tatiwe nübok wa adong riimak ngutiika jamkho misap i nya nguta miwang thang haü min aja sham.

TRI CHONGKE 7:17

“‘Namshiq liipan na arnok arka maiq pahea. Namshiq raq tsangshiq ka jobaiq wan lot mai ngutiika naq tiingo rongkiq.

TRI CHONGKE 8:17

Arningkhan, namshiq ka maiqmii ningkun maq kiimaq maiqmii hong ala maq, chiithe lüwa jawan kai nguta tiima wan raa mak.