JEPHANIA 3:2 - ASII LAKDAP Bible (BSI)

² Chelati raq Tatiwe bom, taimak tleato. Kiimaq apaiq tsii chong sintsang min, taimak riito. Apaiq raq Tatiwe ma kammak riito, kiimaq apaiq khrum min jaümak riito.

Hawa Naga Bible 2001

² Kvruex ghaq kuex Yehowa kvjaz tay muq nuiyc vpiq tvrac kuex phvnx muq. Yehowa muex kvmx muq kvdvyx muinz rvmuq, piq tvkoc romc kuy thoz muq.

JEPHANIA 3:2 Referencias Cruzadas

NEHEMIA 9:26

“Shatmaq ümsenginok raq, maiqmii wela jawanto, ümbom taimak, ümkiq akhii riiwanto. Tsangshiq ma akuq haü, Thungtri ka jainong nü maq shungbaiq wanto. Tsangshiq ma tsii chongke wanti, shammibi ka atsea riibaiqto. Ümniipha na jang wan ronglaq nguta, bom chongke wanti shammibi wiita, tsatbaiq wanto. Tsangshiq raq ümniika bliiq kiki, shummii shipoq wanto.

Tvtsvmc 10:4

Abiwe riika Tatiwe ka shümü mak; ashkong tsi ma atsan na Shiikeawe ngori shea nguta tiimatlo.

Tvtsvmc 50:17

Ngi raq ümniima tsii chongkuq phata akhii riilaü; ümniiraq ngi aming raütu no na tsuq baiqlaü.

Tvtsvmc 73:28

Shatmaq ngi ma riiwe kla, Shiikeawe wokhong na siwankli pinthum amao chang, Ajong Pinthum Tatiwe tiiwong na siwan kli she kiimaq apaiq raq ümtinkhan wa jaq shamkuq wantaq kra chiiriim lata chongke wan kriili she amao chang.

Tvtsvmc 78:22

jamkhano ngukla tsangshiq raq apaiq ma kammak kiimaq apaiq raq tsangshiq mitiichhiikuqlot nguta kammak riito.

TAKSU LAK 1:7

Tatiwe ma haisong tsantsii thüwan kata, anyan phaqchi tsin wan kilamchong. Angi nolakong raq taksu bomtsi ka ashipoq riitlo, hon atsii chhiwan lungwii mak riitlo.

TAKSU LAK 5:12

Kra akhing na, “Ngi dea shut kang. Itsii chhiwan mang riikang. Ngi ma hon atsii achongkuq, taimang shipoq wan kang.

ISAIA 1:5

Ümniiraq ikiq khü wanli she ka jam nguto sruriitlaü? Riita ümniiriika imo ka arthaq niimin laihea howan sha rotlaü? Israil loi, ümkhupo niika ümchaü sanha ami atsi phongli she. Kiimaq ümtsantsii nai ümkhutsai ka wiita atsi makaiq she.

ISAIA 29:13

Tatiwe raq nguto, “Arnok riika tsangshiq raq ngi shomnoq tiikai nguta tiitsakitlo. Shatmaq tsangshiq bomtsi ka jamlai liichum min ahü, hiqti li banbok miili. Kiimaq tsangshiq tsantsii ka ahin na. Tsangshiq raq shomnoqtlaq kriika miinan maiqse thungtri lamlam li. Kriika tsangshiq raq tsan na tiitsangtlii ashrin wan tri raütuli.

ISAIA 31:1

Ejip mung tijong horaüta ümchuwa Ejip mung na laühotiiti thun ka wiita miqto she! Tsangshiq ka Ejip mung phenlabi ningkun ma kam raüta kihoto. Kumrang kong, kumrang leng phong, kiimaq phenlabi riiphongtlaq kiima kamtlo. Shatmaq tsangshiq ka Tatiwe, asii Israilnok Shiikeawe dü na tiinin mak. Kiimaq apaiq jaq wa khrum min jaü mak.

ISAIA 43:22

Tatiwe raq ngutlo, “Shatmaq ümniika iwokhong na si angiishe, Israil lei; ümniiraq Ngi ka shomnoq maü she riilaü.

ISAIA 9:12

Siria mungti raq shedong nü maq kiimaq Philistain mungti raq shenyap nü maq Israilnok phaq wan miitu tsangnü tiikiraq khetlo. Kiitinkhan taü maq dongdii min, Tati tsankhiq ka mishi shaqli. Apaiq jaq ka tsangshiq khuthaq na tiinyishatli, tsangshiq ma mo tiihoke miitu.

JEREMIA 13:25

Apaiq raq chongto she. Arka namshiq kharii dongdii she. Apaiq raq namshiq ka akha tiichamchao wan chang dongdii nguta kha atan wan kun she. Jamkhano ngukla namshiq raq apaiq ka laqbaiq lan. Lantea arot phra thun kiimiishe namshiq kamtsantsii ka thü wan lan.

JEREMIA 2:30

Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.

JEREMIA 22:21

Namshiq arong awin silanji na Tatiwe raq namshiq ma chongkuqto, shatmaq namshiq raq taiman tlea lan. Namrilung wiili kriili klowan lan ihata; namshiq raq Tatiwe bom taiman tlea lan.

JEREMIA 32:33

Tsangshiq raq Ngi ma jainong shungkuq wanto. Ngi raq tsangshiq ma ümtinkhan wa shrinkuq wan kang. Shatmaq tsangshiq raq ibom chong ka taimak dongdii tlea wanto. Kiimaq saptsin wan hai jaq ngutiika manhii mak dongdii.

JEREMIA 35:17

Riita arningkhan, ümchaü min, Ngi, Tati Ningkun Ajongwe raq, Israilnok Shiikeawe raq, namshiq Juda mungti nai Jerusalemti khuthaq na, Ngi raq mitiithenbaiqha nguta ikiqkham kang thun thenjen wan kriishe mitiisaüha. Ngi raq namshiq khuthaq na arthun tiisaü wan tiikang jamkhano ngukla, ümtiikiiwa Ngi raq namshiq ma ümtin khan wa chongkuq wan kang kra, namshiq raq taiman riilan, kiimaq Ngi raq namshiq heawan phata, namshiq raq ibom tre man riilan.”

JEREMIA 5:3

Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

EJEKIEL 22:24

“Maiqse lei, Israilnok ma tsangmung ka atiishe riibaiqto nguta chongkuqlaq. Kriikha na Ngi raq itsankhiq tsi ma mo tiiho tiikang.

EJEKIEL 24:13

Jerusalem lei, ümsethoq jasha raq ümkhum ka tiishe shibaiqto. Ngi raq ümkhum ka tiisii hetseke shiikut kang. Li jiimin ümniika asheli riishat shat. Ümkhum na itsankhiq walü nyai heng kra ümniiraq kunli misap haü shaq wiiwii, ümniika ashe li she misihaü.

JEPHANIA 1:6

Iwokhong wa juho raüta, ümtiikiimin ngi ritwa makti thun, mitiithum baiqha. Ngi rai riibom wan mak she, hon atsii waiso mak sheti kiimin, wiita mitsat baiqha.”

2 Timothy 3:16

Asii Bomtsi wiitarü ka Shiikeawe raq aheakuq atsitsü raütho siisaq. Krai mren, amet asi maq tengteng bomtsi shrinkuqtlo, arot bomtsi kra sontlo, ajiq thun kra tru wantlo, kiimaq riikhaqli kechu rilung maq si miitu tsii chongkuqtlo.

Hebrews 10:22

Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.