JEPHANIA 3:1 - ASII LAKDAP Bible (BSI)

¹ Jerusalem chela ka thento she, mungrüm kappe sham tsin mak, Shiikeawe bom taimak chelati, senaino mungmaiqse shaphaqti.

Hawa Naga Bible 2001

¹ Miqmac ghaq jix htenc doc muinz guirguenz ruiux honc tvbac khawx lvlx yaq Yerusalem kuex vphoc rvhumc yaq.

JEPHANIA 3:1 Referencias Cruzadas

ISAIA 30:12

Shatmaq asii Israilnok Shiikeawe raq akha ngutlo: “Namshiq raq ibom chong ka taiman tleatlan. Lantea mat atsa klo lantea kiimaq Laopha klo lantli sitlan.

ISAIA 5:7

Israil ka Ajong Pinthum Tati spiqro; Juda mungti ka apaiq raq achhi jang spiqro, Tsangshiq raq ahea jaqli misham nguta tiimato; shatmaq tsangshiq raq maiq khoti tsatto. Tsangshiq riika athuk atsom jaq misham nguta apaiq raq tiimato, shatmaq tsangshiq jaqsho maiqse thun raq kha phokuqlaq nguta hoqtrangto.

ISAIA 59:13

Naishiq ka ümwokhong wa donghokai. Ümkiq khiikai. Ümniika tiishaübaiqkai. Ümjai phan mai riikai. Naishiq raq nanok ka ji maq nishishi haihü wankai. Laita ümwokhong wa ahin na juhokai. Naishiq tiima tsantsii ka arot. Naishiq bomtsi chongtiikai kiimin arot.

JEREMIA 22:17

Shatmaq ümniiriika ümwokpo tiima kli saptlaü; ümniiraq maiq sepii pahea tsatbaiqlaü; kiimaq ümsengi mungmaiqse ka chongwai maq hot hot buk laü. Arka Tatiwe raq ngutlo.

JEREMIA 5:23

Shatmaq namshiqtiq shea! Namshiq ka maiqphan riiman; Nilannok wanshakshak. Ikiq khüwa sruli. Namshiq ka iwokhong wa juho lan. Lantea ngi ka miimbaiq thülan.

JEREMIA 6:6

Ajong Pinthum Tatiwe raq arthun hokhambi ma pechong thun daq lantea Jerusalem kra khatwan miitu chela peruk tro kiijaq maiq düwan chang hiqkhu thun hiqphong ronglaq nguta aming tatto. Apaiq raq nguto, “Ngi raq archela ka sintsang maq mitsat ha. Jamkhano ngukla mungmaiqse ka ji maq nishishi tiichamchaotlo.

JEREMIA 6:7

Khappong chum raq akham ka khangriri hea thütlaq ikha, Jerusalem riimin abi kiimung ka anye siisaq thütlo. Ngi raq chela mong na jasam piqsii trang nai athen wan trang taitiikang. Atsi asi kiimaq ami atsi tam tong long kli ngi raq chhi tiikang.

EJEKIEL 22:29

Chiithe maiqsetiim raq mungmaiqse laophaqtlo. Raüta mungmaiqse ka tektlo. Tsangshiq raq miitsan maiqse ka nanshan shan haihiitlo. Kiimaq wanshabi pongmungti ka jimaq nishishi mop phaq siqtlo.

EJEKIEL 22:7

Chela na siti jurmin anyungwe ka shreng mak. Namshiq raq pong mungtibi ka laotlan. Kiimaq manti nyungre nai jechisetiim ka nanshan shan haihiitlan.

EJEKIEL 23:30

arthun ara ümkhuthaq tiisaüto. Ümniika mangjong wa maiqmung thun miitu mephe rilung siwan laü. Kiimaq ümkhum ka sumla phra thun noq wan laüta tiisheshi wan laü.

LEWI 1:16

Raüta apaiq raq wushi tsiq pukpo nai among wa apukji thun ka lambaiq chang. Raüta berong-wacha maq shedong nü siim na wabun tsobaiq tlaq kiina baiqkai chang.

AMO LUIK DVP (AMOS) 3:9

Chiiriim lanta Ashdod chelati nai Ejip mungti ma, tiitai chongkuq ronglaq. “Namshiq tarü Samaria chela tro na, hiqlam thun kiijaq thung ronglaq. Lanta kiijaq tsangshiqnok liipan na, jasam piqsii riitsea riita siwan kra, liirong laq. Sephii nojii wiita tsasha wan.”

AMO LUIK DVP (AMOS) 4:1

Amos raq jechakre ma ngutlo, Bashan tan wa minsaükaütiim kumchipo ikha jongtlo, Kiikha jongti lüsi lüwa nyungre Samaria chelati lei, miitsan maiqse ka ji maq nishishi, nanshan wantibi lei, ‘Ngi ka asum akam che maq dunglaq,’ nguta namwesetiim shiichut chatti lei.

Mikha 2:2

Tsangshiq raq aroro maiq wak nyeatlo Tsangshiq raq aroro maiqjam nyeahoto. Maiqta maiqwii tachong nyeahotlo, maiqta kiimaq tsanghup tsang sam, tiiwongchang ahü.

JEKERIA 7:10

Mantinyung re, jechi nomisetiim, kiimaq pongmungti namshiqnok rai sitlaq kra, kiimaq juwa alit akot sitlaqti ka nanshan raamak. Kiimaq weshi raq weshi haihii maimak,’

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.