JEPHANIA 3:2 - Hawa Naga Bible 2001

² Kvruex ghaq kuex Yehowa kvjaz tay muq nuiyc vpiq tvrac kuex phvnx muq. Yehowa muex kvmx muq kvdvyx muinz rvmuq, piq tvkoc romc kuy thoz muq.

ASII LAKDAP Bible (BSI)

² Chelati raq Tatiwe bom, taimak tleato. Kiimaq apaiq tsii chong sintsang min, taimak riito. Apaiq raq Tatiwe ma kammak riito, kiimaq apaiq khrum min jaümak riito.

JEPHANIA 3:2 Referencias Cruzadas

NEHEMIA 9:26

“Yuq muinz mmiqsaz rueq khawx lvlx vtueq mkvjaz kuex tay muq; tsuingshiq rueq mnoz Tvrac kuex tvdux gay wuez tueq. Tsuingshiq muex honc tvsvmc kuy jix nuiyc, mnoz kox nuex kvyez tvkoc jungc kuy jix, shvmmax bix kuex tsuingshiq rueq thvt gay tueq. Tsuingshiq rueq mnoz muex lauk wvruip ruip yomnamc wuez tueq,

Tvtsvmc 10:4

Layx bac jix waz rueq Yehowa lvmx kuex wvlc guez tvyaungc yaq; Tishox rueq roc muq ngoz tueq piq thuinz nuex ngamc ngax yaq.

Tvtsvmc 50:17

Ngaz rueq tvtharc phaungx kvjaz kuex mnoz rueq khawx gay ruiux; ngaz rueq nvr phaungx kvjaz tvdux gay vshuiux.

Tvtsvmc 73:28

Yuq muinz ngvy tvkoc kuex Tishox rulc vnyek nuex httax lvp taungx, Johvlc Yehowa nuex kvwungx kvguing lvmz humc lvp tvkoc nuiyc vpiq rueq shuimx wvnc tueq yauk shuimc htenc jungphvnc kuy lvmx kuex mtanc vwangc juing lac rvtvnx nyix!

Tvtsvmc 78:22

yvmx khoc lac ngoz ruiux lec tsuingshiq kuex vpiq muex kvmx muq nuiyc vpiq rueq palc wvnc lot shuex kvmac kvmx muq rvtueq.

TAKSU LAK 1:7

Mnoz kuex phaqjic lvp tvkoc vphaungc nuex Yehowa muex hiyaz tvtsanc nganc thuinz httax wvnc toq. Miqyaq jix rueq taksux tharc vhtawz kuex tuiuz wuez muq, kvruex tvluingc tvkoc tvlvlc wuez yaq.

TAKSU LAK 5:12

Kvkhoc rvtueq mnoz rueq, “Yvmx ngoz tueq lac mkaq muinz tvluing wvnc mauk rvtauk nguinx? Miq vshiz shiz rueq tvhvlc tvlanc yaq kuex ngaz rueq yvmx ngoz tueq lac mkaq muinz tvlvlc gay vshaungx.

ISAIA 1:5

Nuimshiq rueq yvmx ngoz tueq lac khawx lvlx wuez vshuinx? Nuimshiq rueq murx kuex janc vtueq gurc roc haz? Israel lex, mkhux nuex vmac htenc mvrc yaq, mthuinz vmungx nuiyc mthuinz nuex vthuiuz rvyaq.

ISAIA 29:13

Yehowa rueq, “Vruex miq htenc vraq ngaz muex nawk palx tvkoc jungx wuez yaq, yuq muinz tsuingshiq kvjaz htenc kuex vlvmz vguez, tsuingc thuinz vmungx muinz baungshiz shiz nuex phaungx wuez yaq. Tsuingshiq nawk palx htungx kuex tsuingshiq rueq khuec guez tvtsuingc miq tvrac htenc nuiyc htungx vlayx htenc maq lvy vtueq khuec guez dvyx rvtueq.

ISAIA 31:1

Ejip mungx nuex romc kuy tvkoc thoz kay jix kuex vphoc rvhumc yaq! Tsuingshiq kuex Ejip mungx nuex paung yaung yaq nolaungx hungc, mvre htenc, nolaungx renc htenc nuiyc nolaungx bix htenc muex tvluimc wuez yaq. Yuq muinz tsuingshiq kuex Yehowa Israel muex vsawc Tishox muex kvmx muq, romc kuy tvkoc muinz vpiq kox wawc thoz muq.

ISAIA 43:22

Yehowa rueq, “Yuq muinz Israel lex, mnoz rueq ngaz muex tselc ngalc vphux; mnoz rueq ngaz muex nawk palx vphux rvmuq.

ISAIA 9:12

Shaldungc kox wawc Siria mungx nuiyc shalx nyuip kox wawc Philistin mungx rueq Israel kuex yuk gay tvkoc tsuingshiq nuix htenc tvkac wuez yaq. Kvkhoc rvyruiux doc muinz, Yehowa vpiq thuinkhvy kuex shiz muq; vpiq yauk kuex murx tvgurc muex tenz hvt dvyx doc.

JEREMIA 13:25

Kvruex kuex mnoz vtvsuip lvmz shex yaungx tuex ngoz tueq piq rueq jungx tueq. Mnoz rueq piq kuex lauk gay ruiux vrot vkaq tishox htenc nuex rvwak vtuiux ningkhvnc nuex, vruex lvmz mnoz nuex yaungc wvnc tvkoc piq rueq htvp htaz gay tueq.

JEREMIA 2:30

Ngaz rueq nuimshiq muex murx tvgurc ruiux muinz vbac; nuimshiq muex tvhonc tvtharc kuex nuimshiq rueq roc muit. Pinhtumc khaq yaq hangsic ikhoc nuimshiq rueq nuimshiq shvmmax bix kuex thvt gay wuez tuit.

JEREMIA 22:21

Mnoz rungwanx wvnc toq nuex Yehowa rueq mnoz muex jungx tueq, yuq muinz mnoz rueq tay muq rvtoq. Kvruex kuex mrullungx wvlex mnoz rueq shuimx wvnc toq lvmz rvtueq; mnoz rueq Yehowa kvjaz kuex mkaq muinz phvnx muq rvtoq.

JEREMIA 32:33

Tsuingshiq rueq ngaz muex shungnungx shung gay phuex; ngaz rueq tsuingshiq muex tvluing kuq ruq ruez vshaungx rvhvt maq tsuingshiq rueq tay muq tvluing muq.

JEREMIA 35:17

Majuiuc ngaz, Tvphaungc Tvsuip Yehowa, Israel Tishox rueq bomkhvmc taq tauk rulc rv-ngvlc thuimkux kuex Yuda miqsaz htenc nuiyc Yerusalem ghaq jix lotlaz htauk nuex tv-httuiuc kuq shaungx. Ngaz rueq nuimshiq muex jungx phaungx tueq, nuimshiq rueq ngvy kvjaz tay muit, ngaz rueq nuimshiq gvl phaungx tueq, nuimshiq rueq tvralc muit ningkhvnc nuex ngaz rueq vruex tvyaungc shaungx,” ngoz tueq.

JEREMIA 5:3

Yehowa rueq vsuing tvmtuing httaz tvkoc lawc yaq. Vpiq rueq nuimshiq muex murx tvgurc tueq, yuq muinz nuimshiq rueq bvlvmx lawx muit; vpiq rueq nuimshiq kuex tvbunx gay tueq, yuq muinz tvhonc tvtharc kuex nuimshiq rueq lvlc gay tuit. Nuimshiq kuex lung htauk nuex muinz khux vtsanz ningkhvnc nuex tharc humc wuez muit.

EJEKIEL 22:24

Vpiq rueq, “Vthueyc rvyaq miq lex, Israel mungtan kuex sawc muq ningkhvnc nuex, ngvy thuinkhaq vtueq murx tvgurc vshaungx lvmz kuex tsuingshiq muex jungx shuiuz.

EJEKIEL 24:13

Yerusalem lex, mnoz vbac honc vyaungc htenc rueq mnoz kuex tvshuy shac kv-phux. Ngaz kuex mnoz tvsawc tvkoc hunglaungx ruiux muinz mnoz kuex tvshuy shac rvhumc ruq dvyx. Ngvy thuinkhvy phuk yaq kuex mnoz rvhumc muq wawwawx tvsawc nawc rvhumc tuiux rvmuq.

JEPHANIA 1:6

Ngvy yix nuex phvnx muq maq kvroz kay wvnc jix htenc nuiyc ngvy kox nuex kvnvp muq, ngaz rueq shunshvlc tvkoc thoz muq jix htenc kuex ngaz rueq tvbac gay shaungx,” ngoz tueq jungx tueq.

2 Timothy 3:16

Rumvrc luik lotlaz kuex Tishox rueq tvkhic kuq tueq rulc rv-ngvlc vwuiyq taq shec ningkhvnc nuex, tsuingrux lvmx kuex tvluingc kuy muex, vyaq lvmx kuex mvrax tvkhic vtueq tvhonc tvtharc ruiux, vyaq lvmx htenc kuex vlvmx nuex rullungx tvraungx tvkoc tvkhic kuq vtueq,

Hebrews 10:22

Kvkhoc rvtueq naungshiq rueq mvrax lvp vshix thuinz vmungx kuex tvsawc nawc gay ruiux, naungshiq gvnngvmx kuex vsawc yuix maq hoal vtueq yaq rax miq kvmluimx thuinz vmungx maq Tishox kox nuex kvnvp wvnc wuez ix.