JEPHANIA 1:3 - ASII LAKDAP Bible (BSI)

³ Maiqse angu, kiimaq ngamsaü ngiqse, wushi thun kiimaq ngiq thun, wiita mitiithenbaiqha. Ngi raq abi ati maiqse ka, mitiimiq baiqha. Ngi raq maiqse angu wiita mitiithen baiqha. Atra ashi min tiichong mak miraq; Arka ngi Tatiwe raq ngutiikang.

Hawa Naga Bible 2001

³ miqsaz nuiyc nyvmx saz ngvmx saz htenc lotlaz, wushawx htenc nuiyc ngaq htenc kuex ngaz rueq tvbac gay shaungx. Ngaz rueq layx bac jix htenc sumrumx wvnc lvmz kuex tvyaungx shaungx. Ngaz rueq miqsaz lotlaz kuex tvbac gay shaungx, thuiuzthuic tvraungx phvnx ukhaq muinz kvjungx lot tuex rvmuq. Ngaz, Yehowa rueq jungx vshaungx.

JEPHANIA 1:3 Referencias Cruzadas

RAPHA HIQWA LAK 6:7

Kra ningkhan apaiq raq akha nguto, “Ngi raq aphan sangha maiq thun ara wiita miqchup mishthen baiqha. Kiimaq ngamsaü ngiqse thun nai peshap wushi thun kiimin mishthen baiqha. Jamkhano ngukla Ngi raq tsangshiq phansang kang kra khana kai tiishudaq tiikang.”

ISAIA 27:9

Shatmaq ümtiikiiwa thatsang maiqse raq phra thun shomnoq chang berong-wacha longkaü thun kra wiita hiqrai shottlii maq tiithenbaiq jüq, kiimaq homseng honglu chaq chang berongwacha thun nai Ashera phra nyung shomnoq chang berong thun kra apun tiichong mak tiithenbaiq jiiq, kra raüta Israilnok ngarai thun ka midiikuq.

ISAIA 6:11

Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.

ISAIA 6:12

Ngi raq mungmaiqse ka pongmung luhea na munglu shumwi ma mitsuqbaiqha. Lata armung ka hiqmiq changkhü ma mitiijabaiqha.

JEREMIA 12:4

Ümtincho na saüli wa namung ka shinriiqriiq miraq? kiimaq wak ram aweatek wa sangphii ka shinriiqriiq mijungsiq? Rum nyamsekong nai wushikong thun ka atsai riiwanto, nashiqnok raq ajiq klowan kha maq, tsangshiq raq, ‘Nashiq raq jamlai wa klotiikai ka Shiikeawe raq chhimak,’” nguta ngo kha maq.

JEREMIA 50:3

“Shekhu nü wa maiq mung ashi Bebilon khatkai saükito. Raüta kra chela ka botkhulai rai mishotbaiq. Raüta kumtsaiphii ma mitiijabaiq. Maiqse nai nyamse thun wiita mipin wan. Kiijaq maiq jumin simak she miraq.”

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

JEREMIA 9:10

Ngi raq ngukang, “Ngi raq pum thun miitu majo mihoqha kiimaq nyamse rümchang nyiimlung rii miitu mihoqha, jamkhano ngukla kriithun ka wiitashe shinkito, kiimaq kriithun lam maq maiq jumin khummak she. Nyamse kong trang ka ahü she; wushi thun nai rumnyamse thun wiitashe pinwanto.”

EJEKIEL 44:12

Shatmaq tsangshiq raq Israilnok miitu sumla phra thun shomnoq wan jaqsham kuq wanto, raüta Israilnok ma ngarai tiitang wanto, kriikha na Ngi, Tati Rakaü Hiqwe raq, atiitum lata toqtantiikang, tsangshiq ma mo ka tiiho raa dongdii.

EJEKIEL 7:19

Tsangshiq raq tsang tsiiq chaq nai kampho thun ka lam thun kiijaq hiq tili sinchiitsap tsuqbaiq tlaq ikhli she mitsuqbaiq. Jamkhano ngukla Tatiwe raq atsankhiq walü tu tsangshiq khuthaq na nyuktlaq kra wiika tsangshiq tsiiq anyam raq tsangshiq ka tiichhii kuq wan lot mak. Tsangshiq raq tsiiq nai nyam ka shaphaq raüta maiqmii raq aroro polosiq lot mak she. Kiimaq tsangwok poka tiidunglot mak she. Chaq nai kampho raq tsangshiq ka ngarai mong na tiidea baiqto.

Hosea 14:3

Naishiq Asiria mung raq tiikhup wongkuqlot mak. Naishiq tiichhiilot mak, rekhat kumrang kong raq. Naishiq jaq maq ahai sumla, ‘ümniidea naishiq shiikeawe’ nguta noqmai she. Thümwaq manti khrumti, O, Shiikeawe lei, ümniili.”

Hosea 14:8

Israilnok raq sumla phra thumthum, raq na mitiikü baiq wan. Tsangshiq achujaü ngi raq mitre wan ha. Tsangshiq ngi raq mitiichhanchhi wanha. Langjong pechongtsung ikha, inyam mong na midung wanha. Tsangshiq achu shiiman ngi raq mikuq ha,” nguta Tatiwe raq chongtlo.

Hosea 4:3

Arningkhan armung na rarin misaü. Raüta phanrap wiita ashin mirki. Raüta wiitsitsü phan wiita atsai miraq. Ngamsaü ngiqse wiita hutjok, kiimaq peshap wushi wiita, kiimaq sammok tra jü wa ngiq min wiita mitsai,” nguta Tatiwe raq nguto.

JEKERIA 13:2

Kra akhing na, ngi raq armung wa phra mang thun wiita mitiithumbaiqha. Kriithun ka jai na jurmin tiimaki mak she. Ngi raq arot shammibi wiita milambaiqha. Kiimaq phra sumla noqpi tsantsii ka wiita milambaiqha.

Matthew 13:41

Kra akhing na Maiq Se raq apaiq rasetiim ka mitiiki. Raüta rasetiim raq Shiikeawe man na maiqse thungtii wan tlaq kra phong mong wa, maiq ümriiti riiwa nanok ka Shiikeawe wokhong wa, lamjiq nü na sheahotaq, kiimaq tsangshiq maiqmii kiimin lamjiq nü na kihowitaqti thun kra wiita adam na mirchom wan.

Matthew 23:39

Ngi chongpha, ümchaü ara miiphat she, namshiq raq, ‘Tatiwe mang na juwa kitlaq kra Shiikeawe raq mishman laq,’ nguta namnü maq ngu man wiiwii, i sham ka chhi man she mirhan.”

Revelation 2:14

Shatmaq, ngi raq namshiq ma tsantiibi chang lam asi: Namshiq phong na Balaam lamphanti maiq asi. Balaam raq Balak ma Israilnok ka ngarai na tiidea chang lam chongkuqto. Krai mren, Balak raq Israilnok ka sumla noq ngam phaq nai sethoq sepii ja ngarai na tiidea baiqto.