JEPHANIA 1:2 - ASII LAKDAP Bible (BSI)

² Tatiwe raq nguto, “Ngi raq mangjong hiq wa, phanrap tlotli mitiithen baiqha.

Hawa Naga Bible 2001

² Yehowa rueq, “Ghaq htauk nuex httax yaq phvnx ruip saz rvtueq,

JEPHANIA 1:2 Referencias Cruzadas

RAPHA HIQWA LAK 6:7

Kra ningkhan apaiq raq akha nguto, “Ngi raq aphan sangha maiq thun ara wiita miqchup mishthen baiqha. Kiimaq ngamsaü ngiqse thun nai peshap wushi thun kiimin mishthen baiqha. Jamkhano ngukla Ngi raq tsangshiq phansang kang kra khana kai tiishudaq tiikang.”

2 KAÜWA WERAÜ 24:24

Siria mungti phen phung ka atsapse li riito. Shatmaq Tatiwe raq tsangshiq ma tsangshiq nam ma maiq apa Juda mungti phen phung kra tiitang kuqto. Jamkhano ngukla mungmaiqse raq apaiq tsangtitiim Tatiwe Shiikeawe ka miimbaiqto. Hokhamwe Joash ma mo ka akha tiihoto.

2 KAÜWA WERAÜ 36:21

Krai mren she Tatiwe raq shammiwe Jeremia lümaq riisham bomtsi akha tiithaitaq kriishe kupi wanto: “Armung arka rawii roqmiishi hiqmiq changkhü ma mitiija baiq wan, kriika Niitiitsak akhing lang wan mak tlea baiq wantaq kra tiinyi wan miitu miraq.”

ISAIA 6:11

Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.

JEREMIA 34:22

Ngi raq aming mikuqha. Tsangshiq ka ara chela khatkai nong mijangki. Tsangshiq raq ara chela ara mikhat. Raüta chela ka milap wan. Raüta arka wa maq michaqbaiq. Ngi raq Juda mung wa chela thun ka rumnyangkhi kumtsaiphii miishe mitiija baiqha. Kiijaq maiq asiti jumin ahü she miraq. Arka Ngi, Tatiwe raq toqtan tiikang.”

JEREMIA 36:29

Kiimaq Tatiwe raq ngi nangnga hokhamwe ma akha chonglaq nguta thaüto, “Ümniiraq lakdam kom ka wa na chaqbaiq laü. Kiimaq ümniiraq Jeremia ma jamlai nguto Bebilon mung hokhamwe ka ana miki. Raüta armung ka mitiithenbaiq kiimaq armung wa mungmaiqse nai jam nyamse thun ka wiita mitsatbaiq nguta waiq laü.

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

AJONJÜ 2:17

Tatiwe raq mirha nguta, angu ka kloto she. Apaiq raq man na chongtaq krai mren, ümchaü nashiq tiihang mak, tiithen baiqtoshe. Apaiq raq nashiqnok ka, najaqtinok jaqkhon mong niishe, kiinongkuq baiqto. Raüta najaqtinok tiichochito.

Mikha 7:13

Shatmaq mangjong maiqse ngarai henghea kha maq, mangjong hiq ka hiq miq changkhü ikha mijaki.