James 3:10 - ASII LAKDAP Bible (BSI)

¹⁰ Maiqse riika, anü pushi miili, kechutum ke bomtsi min bomtlo. Kiimaq maiqmii kongti ma, manson kiqsü bomtsi kiimin bom tlo. Lungwii phunainotiim lei, ümchaü sanha, nashiq Phungmaiqse nübok miika, akha bom mai she riichang!

Hawa Naga Bible 2001

¹⁰ Nuix vshiz maq dvyx kejux tvtsvmc kvjaz nuiyc mvnhttonc kvjaz dung yaq. Iphuz inox bix lex, kvkhoc kuex yaungc mvy muq!

Muklom

¹⁰ Ashey nung wang tasapsey nia manthun raaq sha thalat aa. I no nia pho tang, irimal ang ching ang moq!

James 3:10 Referencias Cruzadas

RAPHA HIQWA LAK 20:9

Raütiishe Abimelekh raq Abraham ka heato. Raüta akha waito, “Ümniiraq naishiq ma jamlai wa riilaü? Riita ngi raq ümniima jamlai wa riikang, ümniiraq ikhuthaq na nai imungtan thaq na atinkhan tiithen baiqli chang mra tiisaü wan miika? Ümniiraq ngi ma jamlai wa kiimung laü kriika juwe riimin kiimung mak chang kiimung laü.

2 SAMUEL 13:12

“Ramak,” nguta apaiq raq nguto, “Ngi ka amiinu ahü maiqse ikha naq shiichutkiq! Kriika abi pinthum!

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

Romans 12:14

Namshiq tiichamchao wanti ma, Shiikeawe jaq wa achu shiiman kli jaükuq ronglaq. Arka ngohea shaqshaq chongtiikang. Achuli jaükuq ronglaq. Shiikeawe raq apaiq ma, manson kuq haü jaq ahea chang ngutiika naq jaü rongkiq.

1 Corinthians 3:3

Ara jamkhano chongtiikang ngukla, namshiq ka ümchaü niitaq dongdii min, mangjong maiqse han-ngam miili sitlan. Namshiq nai namshiq liipan na makshu rashe, kiimaq tatso wiinyi miili sitlan kriika, namshiq kiimin mangjong maiqse jamkho sitlaq kiikhiili dea sitlan nguta tiichhi kuq tlan riimak sha?

1 Timothy 5:13

Kiimaq tsangshiq ka jamshi maq adü, jamshi maq asat, maiqchii na trephe raü tli, rahiq ka misha phaq. Kra thaq na tiinanpot she ka, tsangshiq ka chiiheawea wea na shapshaü miqshii mitiikon chon. Kiimaq maiq bom heawea na wutapii raq awat ikha bom tlo. Kiimaq tsangshiq tili ka sihea.

James 1:16

Lungwii Phungmaiqse phunainotiim le, namshiq ka angok angikong ma naqja rongkiq!

James 1:19

Lungwii phunainotiim lei, namshiq raq ara bomtsi ashi arka asap han she: Wiitarü raq tsütsa ahea bomtsi chongkuq tlaq kra, tsangriri maq tiitsangdada tai ronglaq. Lanta tak ronglaq. Shatmiitiina, nanok ma shrinke wan lam niika, chaosusu se maq chongkuq rong laq. Kiimaq mokhiq kai ka naqkhiq rongkiq.

James 3:1

Lungwii Phungmaiqse phunainotiim lei. Ngi raq namshiq ma tsii chongkero ka ara. Namshiq phong wa maiq pahea raq, ashrinketi shrabi ma jawan hai jiilei ngutiika, manhii rat man ngu raü jiika ahea miraq. Ara jamkhano chongtiikang ngukla, namshiq tarü raq asaphan. Shiikeawe raq nashiq ashrinketi shrabi kha ka, nanok Phungmaiqse ahinti kha thaq na, tri atsin linlin maq mipho.

James 3:11

Jüserai kuk ashi wiili ka, kham ka khangriri hea, anyang miimin sumhea, hüphin hanphin kiimaq shumtai maq ashot kham, maiq raq anyang maimak ka dong mak.

James 3:9

Nashiq raq armaq, nashiq Tatiwe kiimaq nashiq ma Na Wejong Shiikeawe ma kechutum achü jaü tiikai. Kiimahali, Shiikeawe raq apaiq sham ikha, naphan namaq maiqse ngusaq kra phansangto. Tsangshiq ma nashiq raq manson kiqsü bom tiikai.

1 Peter 3:9

Bombi ka bombi maq naq songkuq rongkiq. Kiimaq manson ka manson maq naq songkuq rongkiq. Kra rii na manson ka achu shiiman ramram maq songkuq ronglaq. Jamkhano ngukla, Shiikeawe raq namshiq hea wantaq akhing na, namshiq ma achu shiimanke miitu hea wanto.